《巾幗梟雄》重口味 胡杏兒 連環被姦

由黎耀祥、 胡杏兒 及蕭正楠等主演的《巾幗梟雄之諜血長天》其實早於三年前拍完，不過盛傳劇中有大量強姦、虐打甚至雞姦的重口味場面，所以拍畢後一直被雪藏。如果劇集終於解禁出街，將於明天(10月1日) 在myTV SUPER首播，宣傳更強調係「30集一刀不剪」，保證原汁原味！而在TVB不足一分鐘的宣傳片可見，女主角杏兒連環被不同男人強姦，未知觀眾頂得順冇？ 延伸閱讀︰

郭少芸 為《律政強人》生色 入行24年辛酸歷程

《律政強人》 李佳芯 教你3招極速瘦身

首先見到杏兒邊落淚邊說︰「我已經對你唔住，我配你唔起」，鏡頭一轉就見到佢赤裸上身被一男子從後壓倒在地，狀甚悽慘，呢個只係第一幕……

之後多咗鬍鬚扮日本軍人的林盛斌(Bob)赤裸着上身壓住杏兒，神情非常猥瑣，仲用手捉實杏兒塊面。其後從影子中見到阿Bob龐大的身軀緩緩落下，個咀準備錫落杏兒度，認真可憐……

仲未完！另一幕見到杏兒雙手吊高被綁，任由一名日本軍人魚肉。見到對方將手槍放入杏兒的心口，之後成個頭更在杏兒胸前上下遊走，相信之後都係凶多吉少……

杏兒之前都係被配角強姦，不過原來連蕭正楠都有份！

另一幕則見到蕭正楠欲強吻杏兒，點知明副其實被對方「反咬一口」，咬至下唇鮮血狂流！

不單強姦杏兒，蕭正楠在劇中與陳自瑤演一對夫婦，但兩人的BB死後令其失去常性，結果連太太都強姦！難怪蕭正楠受訪時話自己個角色充滿獸性，唔係食就係強姦！

肥苟變瘦苟！苟芸慧女神歸位晒絕對領域

藝人苟芸慧、李亞男、王君馨、李彩華等昨晚在尖沙咀出席泰國餐廳老闆娘Vivian Poon生日兼結婚周年慶祝。

積極瘦身的苟芸慧已回復選美時的九成水準，「女神」狀態接近歸位，她騷出「絕對領域」，力撼以短裙示人騷長腿的李彩華及「人妻」李亞男，三大美女鬥晒美腿！苟芸慧接受訪問時說：「有纖體公司幫手，依家回復番九成，可以再好啲。」

另外，與苟芸慧傳緋聞的錫礦大王後人陸漢洋（前名陸恭和）今日出席汽車展覽活動，被問到是否與苟芸慧拍拖睇騷時，他沒有回答，之後由公關陪入會場。

650萬辣跑唔夠喉？樂仔當街睇「二奶」

藝人余文樂愛車如命，擁有不少靚車的他早前又豪爽地一擲約650萬港元，購下香港只得10部的「McLaren 675LT」限量超跑，更隨即在社交網「放閃」，貼上新歡的靚相！

而日前凌晨約一時，阿樂已急不及待與「新歡」外出拍拖。一身Casual打扮、戴上帽子的他駕駛超級辣跑出巡大坑，期間他見記者在場，亦表現友善笑笑口打招呼。

阿樂下車後即步往會合兩名男友人，他甫見其中一名男友人駕駛電單車前來，竟連對方「除頭盔」都等唔切，便上前研究男友人的「烈火戰車」。見樂仔對該電單車甚感興趣，向友人問長問短之餘，又環迴360度欣賞其外形，看來愛車如命的阿樂，似乎又想娶多個「二奶」，變身做鐵騎士。

【平均每月受傷一次】齊昕晒血痕嗌唔開心

特首女兒梁齊昕自今年年頭開始，身體各部位先後受到唔同嘅傷害，可謂禍不單行。自今年一月開始，齊昕嘅眼睛、膝頭、手指同腳部都曾經先後受傷，佢亦每次都會透過社交網上載受傷圖片，向網民展示傷勢。

「容易受傷的齊昕」啱啱又上載今年內第九次受傷嘅圖片。今次佢係手部遭殃。睇番張相，見到齊昕手度驚現咗七至八條疑似被抓傷嘅血痕，另外仲見到有一條疑似打橫鎅傷嘅舊患，佢留言：「What unhappiness looks like ...（唔開心係咁嘅樣）」。她雖未有透露受傷原因，但感覺上傷勢都唔輕。由一月到依家，齊昕已經受咗九次傷，即係話平均每個月受傷一次，真係陰功。

以下，係梁齊昕喺社交網披露受傷事件嘅簡單回顧：

一月廿三日　　腳部瘀傷
三月廿三日　　貼上右邊眼角受傷及縫了針嘅照片，並表示自己身在UCLA HOSPITAL
六月五日　　　左眼同樣受傷，更上載左眼滴血照，透露係喺餐廳整傷
七月九日　　　聲稱喺禮賓府跌傷，上載腳部流血照片
七月十日　　　左手手指公受傷流血，並貼上膠布
七月十一日　　腳上驚現血痕
八月四日　　　上載膝頭流血相片，雙腳亦出現血痕
八月二十六日　到紅館欣賞郭富城演唱會時在門外跌傷

《律政強人》 黃智雯 專業律師look觀眾勁like

on September 27, 2016 at 13:45

演技備受肯定的大台女星 黃智雯，不經不覺已出道八年，近年星途可算一帆風順，多套電視劇都升為第一女主角，稱佢為當家花旦當之無愧。最近播送的《律政強人》，除了好戲之人方中信及廖啟智， 黃智雯 飾演的方寧亦相當突出，其專業女強人形象叫好又叫座。在 黃智雯 的眾多角色中，你又鍾情邊一個佢呢？
撰文：Richard｜圖片：TVB、網絡圖片  原文︰新Monday
延伸閱讀︰

《律政強人》邪花李佳芯洗底演律師

《律政強人》五點睇智叔有幾奸

形象多變靈活

黃智雯 入行至今有不少作品，而佢每每都能突破自己，演活每一個性格迥然不同的角色，其實力派演員功架盡見於此。由《巴不得爸爸》的眼鏡妹蘇鳳蓮，到《缺宅男女》的關二嫂、《飛虎》的蘇文強、《On call 26小時》的洪美雪等等。每一個都是有名有姓的角色，亦是全靠 黃智雯 演活這些角色。

《缺宅男女》的關二嫂。

《巴不得爸爸》的蘇鳳蓮。

《On call 36小時》系列的洪美雪。

新劇專業律師造型搶眼

在新劇《律政強人》中，黃智雯 首次嘗試飾演律師，在劇中總是穿上西裝的她，搭配上女強人的角色個性，對於在《On call》已曾演過醫生的 黃智雯 來說，可說是手到拿來，演技亦恰到好處。

角色亦正亦邪，極具挑戰性

方寧這個角色，於《律政強人》中是屬於亦正亦邪的特殊角色。她因實習期的問題曾受劉謹昌(廖啟智飾)協助完成實習，有感有恩於人而處處協助他的奪權計劃。但同時亦對於過往曾有負於張強(方中信飾)而耿耿於懷，一直感到愧疚。加上與卓宜中(李佳芯飾)情屬好姊妹，在兩派的鬥爭中左右不是人。要演活這個角色，需要一定的演技才行。隨著故事的爭鬥日漸加劇，定會看到 黃智雯 更勝當日的演出。

圈中人緣好，姊妹團老是常出現

要知一個人的性格如何，看看她的人緣便能略知一二。黃智雯 在圈中人緣極好，更是「胡說八道會」的成員，與胡杏兒、胡定欣、姚子羚等人份屬好姊妹。黃智雯 生日，會中成員都會為佢慶祝，有時更會一起做一些運動、gym。

實力派美女

最後為大家送上 黃智雯 靚相，慢慢欣賞！

全文完

最新娛樂資訊

• 《律政強人》 黃智雯 專業律師look觀眾勁like
• 《律政強人》邪花李佳芯洗底演律師
• 《律政強人》邪花李佳芯洗底演律師
• 型佬方中信 新角5點特色同你睇

搵錢好辛苦】賈曉晨回應老公欠債200萬：少皇借咗我先知

太陽娛樂老闆周焯華（洗米華）今日喺上環信德中心同洗米嫂出席澳門廣場開幕禮，同場仲有鄺美雲（Cally）、賈曉晨（JJ）、劉威煌、前組合EO2成員彭懷安（Eddie）等。 JJ(賈曉晨)表示近日忙於喺大陸開劇，一套接一套，對於老公樊少皇早前被爆欠債200萬遭上門追數事件，佢再解釋：「我哋出咗律師信，我哋財政冇問題，朋友利用佢身份證借錢做擔保，佢朋友還晒嗰筆錢，但私下仲問佢借咗300萬港幣就未還，少皇借咗我先知，我叫佢以後唔可以再借錢畀人，搵錢好辛苦。」同場前跳舞組合EO2成員Eddie否認同朱慧敏復合，佢話：「隨緣，大家各有各忙。」 Cally話呢排瘦咗，有本錢食多啲，佢大讚：「嚟到呢到要食佢嘅喇沙同菠蘿包，好多港式美食。」Cally仲話日頭食唔怕肥，佢每個星期都會跳舞兩次做運動；Cally大讚小米女可愛。劉威煌早前開珍珠奶茶店月賺八萬，佢話：「我成本成百萬，o依家賺咗五位數字尾，開咗兩、三個月，希望九個月到一年可以回本。」

羡慕！余文樂晒全球限量近600萬超跑

出名鍾意玩車，仲要玩得都係貴車嘅余文樂，又入咗架新車，咁開心嘅事余文樂即時喺網上同一眾網民分享吓，今次呢架係「McLaren 675LT」限量超跑，全球得500架，香港配額就得10部咁大把。呢架超跑標榜「輕身疾走」理念，Twin Turbo引擎最高可以去到675ps馬力，0至100km/h都係2.9秒，真係快都爆！架車啲料咁勁，當然價錢都一樣咁勁，公布資料顯示香港售價接近600萬港元。 一班網民睇到流晒口水，唔少粉絲留言提醒偶像玩還玩揸車最緊要安全，亦有網民話想聽吓引擎聲，叫余文樂拍條片嚟同大家分享。

粉絲送花被阻 劉德華衝前怒斥保安

劉德華出晒名愛錫歌迷，當佢哋家人一樣，07年華仔晌成都舉行巡唱，一名男歌迷衝向台邊打算同華仔握手，點知被成班保安粗暴阻攔，目擊自己歌迷被打嘅華仔，嬲到即刻暫停表演，諗都冇諗就從離地七呎嘅台跳落去，勇破保安出手拯救受襲歌迷，型過鐵金剛！日前華仔出席新戲宣傳，又再為粉絲同保安對峙，真‧男神咪呢種囉！ 日前華仔同黃曉明、王晶等出席新戲《偷天特務》嘅北京首映禮，兩大型男台上激罕合唱，黃曉明又拎咗個「華」字燈牌話自己係華仔粉絲，笠晒高帽氹華仔！ 點知去到活動尾聲，台下有粉絲想送花俾華仔，但被保安阻止；華仔見到粉絲被攔截，即時扯火衝向台邊，手指指喝罵保安，氣氛緊張到連黃曉明都即刻走上前了解。兩大天王神色凝重，幸好事件好快平息，華仔安撫完粉絲後亦企番去台中間繼續活動。事後網友大讚華仔愛錫粉絲，但亦有人認為保安只係盡責先阻攔觀眾衝前，不過點都好，華仔呢個man爆舉動一定要俾like啦！ 全文完

網上被轟態度寸 唯唯無奈：阻路唔係我

梁烈唯大明星事件於facebook上引起熱烈討論，到左今日事情終於如網民所願，成功推上報！ 大台藝人梁烈唯因為被拍駕駛態度惡劣，被網民K於facebook以粗言「問候」網上公審，內容大概是講述關於當時二人駕車時情況。 網民K除標明梁烈唯的座駕型號及車牌，更留言指梁烈唯下車拍窗要他讓路，態度「好串咀」。 就相關事件，我們當然打俾事主梁烈唯問，他表示十分無奈： 「總之我係依足交通規則，冇犯任何交通條例。對於呢啲網上留言，我唔會回應。」 梁烈唯表明自己下車跟對方對話時好有禮貌，只想解決事件， 他無奈地說：「其實阻住條路唔係我，係佢阻住條路啫！」

【愈揭愈臭】張致恒莊端兒是非多多

藝人張致恒（Steven）與擁有35E巨胸的藝人莊端兒（Xenia）拍拖兩年多，近日接連爆出偷食、分手及女方曾為人妻事件，愈爆愈多，成為熱話。

偷嗒台妹

31歲的Steven日前被《東網》獨家踢爆趁女友外遊時，到富貴台妹Doris香閨度春宵。Steven與莊端兒隨即宣「分」訊。

偷食上癮

對於被指背女友偷嗒台妹，Steven哭着七度向女友道歉，又親認控制唔到自己，承認偷食上癮，尋求性治療。

兩女互罵

疑似「小三」的Doris在社交網發表千字文，控訴Steven講大話，又爆自己被對方教導「夾口供」，自嘲像個傻子般被利用。嬲爆的莊端兒反擊小三在其傷口灑鹽，自覺與Steven被過了一戙。

曾經離婚

Xenia前日召開記者會指已原諒Steven，但雙方不再是情侶關係，並自爆已出律師信給經理人公司要求解約，但反被爆曾結婚兼曾與有婦之夫「交往」。事後她透過社交網承認曾結婚但已離婚。

《巨輪II》陳凱琳 吳岱融搞亂倫？

on September 17, 2016 at 17:05

《巨輪II》劇情終於講到Nana(陳凱琳)從日本返港！返到屋企，陳凱琳即為父(吳岱融)母(梁琤)做和事佬，成功令二人和好！至於下周劇情預告中，吳岱融拖實陳凱琳態度曖昧，唔通劇情玩亂倫！？ 延伸閱讀︰

當Baby冇到 小S狼吻喪摷黃曉明

脹爆蒙嘉慧自爆遭鄭伊健嫌棄

返港做和事佬

陳凱琳返港後得知父母冷戰，同大佬先柏(張致恆)夾計令父母和好如初！吳岳融表面若無其事，其實已準備好跟太太重修舊好，慶祝結婚周年紀念！

父女玩亂倫？

周一劇情預告中，吳岱融趁無人時，突然捉住陳凱琳左手，陳凱琳表現驚慌失措！吳更說：「只要你肯放低同忘記呢件事，咁我哋一家人就可以好似以前咁，開開心心咁一齊過！」到底係咩事呢？唔通係二人發生過不可告人嘅秘密─亂倫？

非親生父女

原來陳凱琳演嘅Nana父親係黑道中人，童年一直同父母及哥哥先柏過住顛沛流離生活。廿年前，爸爸因走私而墮海身亡，媽媽受唔住打擊，加上紅斑狼瘡 症發作，先將Nana同先柏交俾老公生前好友照顧，便一去不返！由此可見，陳凱琳同吳岱融於劇中角色根本冇血緣關係，唔通吳岱融演嘅天鷲，垂涎養女 Nana長大後美色，先發生亂倫關係！？

全文完

2016年09月22日

【半夜傳短訊‧擅改機票同行】龔嘉欣偷食楊明 搞喊莊思明？	260,549
最後更新: 0922 20:34 / 建立時間 (HKT): 0922 10:26

適中字型 較大字型

一個甜蜜婚禮，竟然打翻一個女人嘅醋埕，邊個咁勁？龔嘉欣。

肯肯定嘅係，叫親嘉欣嘅，都索。由李嘉欣鍾嘉欣到龔嘉欣都係。依家戀情成謎嘅龔嘉欣，就係因為同楊明一齊出發去英國開工兼做陳智燊宋熙年婚禮兄弟團，搞到好大件事，令楊明女友莊思明大動肝火，怒爆龔嘉欣。龔嘉欣嘅罪名，綜合報道，包括：
1.喺機場俾傳媒影到同楊明出發時，隨口亂講話「我哋去馬來西亞咋，唔係去度蜜月呀，唔好亂寫呀!」令身旁的楊明大為尷尬，事後都話唔明點解龔嘉欣咁講。事關兩人明明去英國，無啦啦彈個大馬出嚟，又此地無銀咁話唔係去度蜜月，唔知想點。
2.有指今次龔嘉欣同楊明本來係同《EU超時任務》嘅王浩信朱千雪一齊去英國宣傳，但有人臨時改機票，結果得龔嘉欣同楊明一齊飛。孤男寡女……
3.楊明同龔嘉欣出席陳智燊呢個婚禮，大夥兒喺英國玩足三日，令在港的莊思明寢食難安。
4.龔嘉欣拍《愛‧回家》時，被指「逢仔電」喎；
5.龔嘉欣會半夜三更搵楊明。兩人之前合作拍《刀下留人》已經玩得好埋，明知莊思明同楊明一齊，龔嘉欣都照樣過廠探班搵男方。上 述咁多罪名，幾成真幾成假要問當事人。有傳因為龔嘉欣呢單「偷食楊明」而俾公司照肺。至於向傳媒聲稱「楊明只會同我度蜜月」嘅莊思明呢，今日成為封面人 物，有報道話佢約埋家姐莊思敏喺Cova訴苦，又托腮又苦惱又嬲嬲又動作多多仲唔覺意咁拍叮咗下枱，報道仲話聽到兩姊妹對話中「飄來」了「小三」字眼，又 指離開時莊思明眼泛淚光一臉委屈。呻足兩個幾鐘都未完。事後兩姊妹一齊受訪，莊思明話唔驚楊明有女埋身，莊思敏亦都力撐細妹，話佢對楊明行蹤瞭如指掌。至於同龔嘉欣熟唔熟，莊思明話「朋友囉，見到面都會講嘢。」龔嘉欣半夜三更搵楊明？莊思明話:「我知佢哋合作咗好多次，應該係咁先熟!」未知之後嘅發展，會否比莊端兒張致恒更戲劇性？

有片有真相 小方特別「關注」沙律

由藝人方力申（小方）和導演火火擔任評判的《美選D.n.A》早前帶隊到日本拍外景，期間大會於當地進行Facebook直播，片中見小方特別「關注」5 號張沛樂（沙律），沙律與4號鄭家雯、11號羅伊婷（Daisy）、12號李靜蓮（Alina）等齊人食飯糰時，小方經常企在沙律後面發言，又稱要沙律幫 佢拆飯糰嘅包裝紙。直播留言中，更有網友提醒沙律要「小心」！可見二人緋聞有迹可尋。

不過，今日宣傳活動上，小方否認戀情，並指沙律有男友「電影新人」林耀聲，故不是佢杯茶。

由ViuTV舉辦的首個選美真人騷《美選D.n.A》將於下周日（25日）首播，昨日方力申與一班佳麗在金鐘出席見面會，有四個女仔缺席，其他出席佳麗包 括已退選的1號歐家裕，齊齊穿上運動型bra top分組做瑜伽，8號許珮榆（Diva）坦承在胸部打陰影造出澎湃效果，連「巨胸翠如」鄧月平都被比下去。

■小方在東京拍外景時勁冧沙律，不少網民叫沙律小心。互聯網圖片

■林耀聲是沙律公開的男友，沙律表示不怕男友呷小方醋。資料圖片

私下攞電話

早前小方和火火率領4號鄭家雯、5號張沛樂（沙律）、11號羅伊婷（Daisy）、12號李靜蓮（Alina）和18號鄧月平去日本拍外景，小方在台上自 爆有發火鬧佳麗，司儀問他最欣賞誰？他賣關子說：「我梗係唔講，唔想益咗佢哋。」但據悉小方全程勁冧沙律，除了私下問對方攞電話，早前在東京街頭玩 facebook直播時，明顯見小方經常眼甘甘望實女方，好似自稱不懂整飯糰，要沙律即場幫他包好，𠱁得女方哈哈笑，有網民即時提醒：「方力申想食沙 律！」

■許珮榆承認有在胸部打陰影營造澎湃效果。

■昨日一眾美選佳麗穿上運動服做瑜伽，一展身手。

拍節目黐實

昨日小方被問沙律是否他喜歡的類型？他說：「人哋有男友（林耀聲）喇，都公開咗，我之前都講咗擇偶條件係單身……原本做節目諗住開心，咁多女仔，點知好失 望，個個都有拖拍，有啲仲生埋仔。」他否認葉念琛有找他客串《失戀日》，沒機會與鄧麗欣續前緣。沙律則說：「佢（小方）成日黐實我？咁啱企隔籬箒，網民實 會好多嘢講，冇乜特別感受，唔擔心男友呷醋。」Daisy亦即場踢爆Alina和火火互相稱呼對方做BB，Alina緊張解釋：「吓，冤枉呀，我哋七個成 日都黐埋一齊㗎啦。」
此外，有「整容謝安琪」之稱的6號趙詠瑤自爆早前出席泳衣發佈會後，價值7,000港元的自拍神器不翼而飛，懷疑在化妝間被人偷走，她說：「嗰日除咗工作人員、女仔、酒店某幾個職員喺度，明明放入袋都唔見，好彩老公一個禮拜之後買番個新畀我。」
採訪：黃曉妍、皓騫
攝影：陳順禎