【當年仲係烈女】同張智霖拍牀戲 黎姿靚靚隔空互鬧

娛圈生活從來五光十色，但到處都係明爭暗鬥。自從黎姿同商人馬廷強結婚之後，自此放棄燈紅酒綠嘅娛圈生活，之後仲為對方誕下三千金，o依家除咗幫細佬黎嬰打理皮膚護理中心外，就主力相夫教女，前塵嘅光輝盡化一縷青煙。

樣貌標緻嘅黎姿，喺佢淡出呢個名利圈前，除咗有唔少緋聞，亦不時惹上是非，好似喺97年，黎姿同張智霖拍攝電影《豪情蓋天》嘅時候，佢就同當時仲同ChiLam拍拖嘅袁詠儀(靚靚)展開罵戰。有指當時Chilam同黎姿要拍攝一場床戲，有周刊就報道話靚靚親身去到片場監場，但當時仲未做張太嘅靚靚到電台接受訪問時，就當眾發誓話自己冇去監場，仲話黎姿博宣傳。咁Chilam都幫女友講好話，話佢當日只係喺拍攝現場嘅樓下玩電腦，絕對冇監場喎！咁黎姿當然不甘示弱啦，佢接受電台訪問嘅時候就話：「我根本唔使宣傳，乜有咁嘅需要咩？」對於靚靚嘅指摘，黎姿仲話：「我真係好想叫佢用腦諗清楚，究竟知唔知道自己講緊乜，o依家邊個喺度博宣傳都唔知！」除咗叫靚靚用腦諗清楚，黎姿仲話靚靚譁眾取寵㖭！仲有唔知大家仲記唔記得04年《萬千星輝頒獎典禮》，《金枝慾孽》四主角佘詩曼、張可頤、鄧萃雯同黎姿一齊爭視后，原本呢個獎係飾演如妃嘅鄧萃雯嘅囊中之物，連英國網上博彩公司以一賠四嘅盤口列如妃為大熱門，點知最後爆冷門，由黎姿飾演嘅「玉瑩小主」搶走，令網民鼓譟，仲盛傳話黎姿當年因為簽無綫做經理人而贏獎，搞到佢都覺得好委屈。

鬍鬚勇江湖宴》勝和新任坐館寸仔ETB滿場飛 警嚴防崩牙駒入境搞事

14K毅字堆前話事人鬍鬚勇，生前叱吒油尖旺數十年，是近年其中一個最具分量的黑道人物。江湖一直這樣說，每年鬍鬚勇的壽宴，整個黑道都會熱鬧起來，因為所有社團的大佬猛人，都會在他的壽宴中出現。他的壽宴，猶如是一場江湖盛事。

雖然鬍鬚勇早前已病逝，但上週二，尖東卻出現一場打正鬍鬚勇旗號的晚宴拍賣會。這場江湖宴會，明正言順宣布成立「智勇堂有限公司」，以紀念鬍鬚勇。亦因為鬍鬚勇關係，當晚有不少社團猛人俾面出席，是近期難得一見這麼熱鬧的江湖宴會。而警方，當然亦高度關注。

江湖消息稱，有人想借當晚宴會，再次凝聚毅字堆人馬勢力，向外顯示他們在油尖旺仍然是人強馬壯；亦有人稱，當晚的拍賣款項，會用來支持鬍鬚勇家人的日後生活。

智勇堂主席伍霆鋒其後接受本刊訪問，感謝當晚出席的客人，「唔係俾面我，係人與人之間既互相欣賞同尊重。」他否認這個晚宴是黑社會聚會，只是一個普通宴會。他又承認，當晚活動有部份是懷念鬍鬚勇，「係紀念佢（鬍鬚勇），紀念乜野？紀念佢過去既歷史，但我地唔需要保留呢段歷史。」伍又說，成立智勇堂都是因為鬍鬚勇，「取其聰明勇敢既意思，無論有幾困難，佢都會勇敢面對同刻服。」

對於有江湖傳聞，指當晚拍賣活動所籌得的款項，是用來資助鬍鬚勇後人的生活開支經費，伍霆鋒對此堅決否認，因為鬍鬚勇生前已為家人作好準備，而且他的子女都有工作賺錢能力，並說這些江湖流言並不可信，「拍賣會所籌到既錢，會用黎參與社會公益活動，例如天后誔和盂蘭節。就算得一亳子，都唔好浪費，要好好運用，社會上有困難時可提供協助。」

澳門14K來來想拉大隊過黎，但最後都黎唔到。」細輝表示，和鬍鬚勇十分老友的澳門14K話事人崩牙駒，原本亦想親自來港出席宴會，但他獲悉香港入境處列他為不受歡迎人物，根本不能入境，所以沒有到場。「崩牙駒本來晨咁早放定聲氣，話會過來支持，O记第ㄧ時間就知會船公司同澳門司警,唔好俾阿駒上船過来 , 講到明會原船遣返。」據知香港警方為免崩牙駒带其大批手下過来, ,早ㄧ個星期前已經同澳門司警交換情報, 務求要阻截對方。

為了打壓黑幇氣焰，有組織罪案三合會調查科（俗稱O記）在晚宴舉行前幾日，主動聯繋欲参加活動的江湖人士，勸告他們不要出席。就算參加，也不要帶領大批門生到場，不想出現「晒馬」場面，「警方都預左今晚會好多人黎，佢地唔想古惑仔咁高調，因為差人會覺得無面。

當晚筵開五十多席招呼各路江湖人馬，勝和新任坐館寸仔和ETB高調滿場飛，場面熱鬧墟冚。場內四周又掛滿智勇堂和白眉派的旗幟，並附設神枱供奉神靈，讓人上香供奉，瀰漫濃厚江湖味道，「逐個企好輪流上香，誠心啲呀。」只見一名男子，正安排一班門生排隊上香。其後，現場響起震耳拆天的鑼鼓聲，原來有舞獅儀式，圍著場地行了一圈。另外，由於當晚設有拍賣會，所以宴會台上擺滿近件金器和玉器，來作拍賣用途。

「喂喂喂，你幾個過黎，阿Sir有野要問你地。」上週二晚，尖東安達中心一酒家外，集結大批反黑探員，並不時截停查問進出的賓客，氣氛有點緊張。

「智勇堂咪即係鬍鬚勇囉，鬍鬚勇個名叫潘志勇嘛。」有份出席宴會的江湖人細輝向記者稱，這個宴會主要是懷念早前因病逝世的14K油尖旺話事人鬍鬚勇。所以，智勇堂的榮譽會長，全部大有來頭，例如有澳門14K話事人崩牙駒、澳門賭業猛人街市偉前妻司徒玉蓮、江湖有錢佬百花蛇，以及元朗鄉事猛人田雞東等。

要等到下年先至可以見到，兩公婆咪即係有成個幾月都冇得見囉？

藝人楊怡出席仁濟慈善行，她表示因感冒而聲沙沙。問到是否要與老公羅仲謙隔離？她笑言：「唔需要。（唔使錫錫？）隔層沙紙，佢個底OK。」她更透露老公聖誕節要拍戲，而自己要練舞台劇，兩公婆要明年先至見。

為造人計劃調理身體

記者提到造人大計要排至明年，她表示：「依家都年尾，而且要調理身體，我食咗兩星期藥都未好。（網民叫你哋快啲開工造人。）收到，Day 1都已經催。佢哋唔知我病咗，完成工作，調理好先。」她更坦言首次做舞台劇壓力大，體力大，而且要歌唱，所以都好緊張排練。問到會否加場？她表示：「暫時十幾場，睇反應。」

【情史甚少】同金紫耀拍拖十年

37歲陳文媛於2000年出道，入行僅一年多後，便和陳冠希（Edison）傳出緋聞，其實在她短短6年的演藝生涯中，出現過的情史少之又少，當年22歲的陳文媛開始和Edison拍拖，但戀情維持不過3年，二人於04年分手。

兩年後，陳文媛正式退出娛樂圈，之後結識金融才俊金紫耀，其間二人更傳出婚訊，可惜仍分手收場，十年情告吹，去年金紫耀被拍得與約30多歲的女子在中環撐枱腳。

畀陳法蓉當眾訓斥 梁小冰嬲爆拒合照

藝人梁小冰出席慧妍雅集活動，她於現場婉拒跟陳法蓉合照，問到所為何事？她說：「佢比較直腸直肚，我烈女性格，佢話我唔着制服（外套），我件外套係擺咗喺車度，佢兜口兜面話我好唔識大體，一嚟到就話我，佢唔應該咁講。」

要求道歉：唔可以咁倔

小冰又謂自己從較冷的地方回來，覺得香港熱才沒有穿外套，又指自己身上件衫亦是制服：「冇人話我知原來要着成set制服，佢應該要有禮貌講，幾熟嘅朋友都要保持禮貌！所以我直頭拒絕合照，亦唔需要合照，呢個係我烈女性格，佢好冇禮貌！（要求佢道歉？）要㗎，我會私下打電話畀佢溝通，任何一個會員都要以禮相待，應拉埋一邊講，唔應該大庭廣眾下訓斥人哋。」她更着大家睇吓佢依家有幾㷫，她說：「我係好易被撻着，但好易冇事，氹番兩句就冇事，自己係受軟唔受硬，錫我嘅朋友都知，唔可以咁倔，咁樣好難做到朋友。」

強調大家唔熟

小冰又謂與陳法蓉10多年來很少見面：「本身唔係好熟架咋，我覺得愈唔熟愈要客氣，愈熟同家人都要有禮貌，要以禮相待。」她又指對方話自己着衫不合格：「我唔覺得佢係訓導主任，邊個畀權佢？大家都係會員，大家平等。」

揚言不再出席同類活動

講到早前被指當街篤魚蛋而跟路人對罵，她笑指懷疑自己前世是俠女，有俠女性格，她解釋當時是相勸路人不要衝燈過馬路。問到會否覺得作為公眾人物公開發聲會較蝕底？她說：「唔會，最緊要講道理，唔應該我係公眾人物就唔出聲，係講公義公平，冇理由畀人『恰』到上心口都唔出聲。」又謂大部分時間都叫自己忍耐。到活動尾聲，王愛倫上前搭梁小冰膊頭安撫她，小冰稱以後都不出席這些活動，然後一支箭衝上老公的座駕。

袁偉豪撩龔嘉欣樂瞳係導火線 直擊同岑杏賢分手前一晚

近年人氣急升的 07年港男冠軍袁偉豪，公開承諾兩年內娶港姐女友岑杏賢。言猶在耳，週日（ 20日）卻突然被岑杏賢叮走，她更直指在這段關係中缺乏信任和安全感。本刊直擊二人分手前一夜（ 19日），當時已貌合神離隔開坐。
原來分手導火線是袁偉豪跟龔嘉欣和樂瞳糾纏不清的關係，兩姊妹更因他而決裂。

隔開坐

見唐詩詠後到冇位，心死的岑杏賢唔肯坐埋袁偉豪身邊讓座，寧要唐詩詠加櫈，袁偉豪好尷尬。

唔領情
袁偉豪輕拍女友，示意坐番埋一齊，但岑杏賢唔領情，縮開拒絕。
欠信任死心自白
拍拖三年多，不時傳出婚訊，但岑杏賢週日（ 20日）卻在 Instagram公開飛袁偉豪：「一段感情裡面最重要係信任同安全感。如果這些東西已經不再存在的話，真的不懂怎樣去維繫。今天作出了一個決定，雖然這個結局不是最理想，但還是要面對。」並取消了在 Instagram上對他的關注。
袁偉豪亦在微博承認分手，留言話：「在本年我們的關係再次受到考驗。數月來多次的離合讓雙方承受一定程度的痛苦，加上我一直未能增加她對我的信任和期望。所以今天我們決定要分開了！」

袁偉豪對女唔落閘，同龔嘉欣互 flirt，又與黃智雯拍劇一樽水兩份飲。

袁偉豪同龔嘉欣 13年拍《師父•明白了》暗撻，之後男方同岑杏賢拍拖，進擊龔嘉欣唔放手，兩人 keep住 WhatsApp調情。今年初孖住去馬拉宣傳，「感情」又升溫。

20/11
岑杏賢在 Ig宣布分手，第一句已露玄機，暗示多女埋身的男友冇安全感。一出 post，同袁偉豪在《城寨》合作過的張名雅答咀，撐岑杏賢決定。

同一日袁偉豪亦在微博「交代」分手。
小三慣匪龔嘉欣
今年初開始捲入多宗三角關係的龔嘉欣，多次被正印公開或曲線暗寸，上個月又被踢爆一度介入吳業坤及王卓淇戀情，令女方喊爆分手。
姣黐坤哥王卓淇喊爆

龔嘉欣跟吳業坤合作《愛．回家》初期傳出緋聞，原來當時跟坤哥有個地下情女友王卓淇，因發現龔同男友暖包兩份用，又挑機登堂入坤哥屋企拍埋片，忍無可忍的王卓淇最後喊爆提出分手。上月還公開說：「明知人哋有女朋友都黐埋去好過分。」曲線鬧小三。
扮同楊明二人世界

七月陳智燊跟宋熙年在英國結婚，有份做兄弟的龔嘉欣，被指刻意講大話，令人誤會她跟同是兄弟團的楊明雙雙飛英國二人世界，有指正印莊思明因而嬲爆，其 IG無端被人留言整蠱，莊思明指有人「吃不到的葡萄」，明顯寸小三冇得米。
人夫撐枱腳

今年七月，龔嘉欣被拍到跟富二代人夫郭俊豪撐枱腳後，雙雙返將軍澳屋企，有指人夫吼老婆返加拿大娘家，秘密約會龔嘉欣，事後她解釋男方去自己屋企攞嘢，又向郭太表示歉意。
張振朗正印合唱示威

除坤哥外，龔嘉欣又跟《愛．回家》另一男主角張振朗傳緋聞，她經常單方面 po相騷「恩愛」，搞到拍拖兩年正印陳芷尤忍唔住出手，在籌款節目《東華》合唱「天若有情」，向小三示威。
貌合神離隔開坐
本刊直擊二人分手前一晚（ 19日），當時緣盡已有迹可尋。台慶後，他們跟高海寧、唐詩詠和朱滙林去坑口村大牌檔食消夜，二人貌合神離面左左。岑杏賢成晚黐住唐詩詠，就算袁偉豪要求她坐在身旁，她都堅持隔開，令他非常冇癮。其間袁偉豪輕碰她手臂，岑杏賢更面色一沉。
之後洪永城來到，岑杏賢才無奈地讓座，焗住坐回袁偉豪身邊。雖然女友全晚對他不瞅不睬，但袁偉豪不停夾餸給女友，盡力討好。後來泰臣趕至，大家說說笑笑，岑杏賢面色才沒那麼難看。

樂瞳與袁偉豪拍劇集《宦海奇官》暗撻，有指他曾一度對她「車出車入」。

樂瞳和龔嘉欣本是好姊妹，但自從二人分別跟袁偉豪糾纏不清後，已經決裂冇姊妹做。
同龔嘉欣短訊調情
「袁偉豪本身多女埋身，佢仲唔識避忌，同人 flirt（調情）埋一份。你知有啲女仔好主動，見佢有反應就更加熱情。佢同黃智雯開工，一樽水兩份飲唔避忌，令 Jennifer（岑杏賢）好唔舒服。每次嘈親，佢就覺得 Jennifer小題大造，大家磨擦愈來愈多。」知情人說。
事實上，袁偉豪跟龔嘉欣和樂瞳的曖昧關係，是岑杏賢心裡的一條刺。

10月生日的岑杏賢，去年袁偉豪請來不少圈中好友，為她舉行派對，但今年生日，沒再放二人慶祝的甜蜜合照，更透露跟他少了見面。

袁偉豪愛揸電單車，龔嘉欣投其所好跟他一齊學車，但他平日就會載女友去兜風。

今年五月袁偉豪生日，岑杏賢趁他沖涼時送上驚喜，曾經好恩愛。
龔嘉欣樂瞳反面

有樣有肌的袁偉豪多女埋身，同時又口花花愛撩女，令岑杏賢不滿。

「袁偉豪同龔嘉欣大前年拍《師父．明白了》，冬天喺大帽山拍外景，龔嘉欣好主動，拎埋暖包俾佢。之後就算袁偉豪同 Jennifer好穩定，佢哋都繼續來往，明知袁偉豪鍾意揸電單車，龔嘉欣就投其所好，約佢一齊去學。好多人見過佢哋喺沙田駕駛學院附近揸車兜圈，情侶一樣。今年年頭同舊年年中，佢哋又一齊去大馬做嘢，兩個出埠更加放縱，返港後 keep住 WhatsApp互 flirt（調情），袁偉豪一句工作拍檔就想塞住 Jennifer把口，令佢更加唔開心。
「佢同樂瞳就拍《宦海奇官》熟咗，前年生日時，佢仲未同 Jennifer一齊住，樂瞳買蛋糕去佢屋企慶祝兼過夜，平日又過廠探班，做到好出面。樂瞳同龔嘉欣本來係好姊妹，成日喺 Instagram放孖妹相，但因為袁偉豪，大家冇 friend做，舊年已經冇乜來往。」知情人說。
好食得
袁偉豪 14年跟港姐岑杏賢拍拖後，形象愈變愈好成好男人模範，不過品性難移，被指令女友欠信心及安全感的他，原來多年來都「好食得」，緋聞女友氹氹轉。
落選港姐邱詠恩

06年落選港姐邱詠恩跟袁偉豪拍拖三年， 07年，公開表示害怕男友當選港男冠軍後會有女自動送上門。未幾袁偉豪先行變心， 09年拍《古靈精探 B》時，力追胡定欣。
欲斷難斷胡定欣

二人合作《古靈精探 B》時，當時仍是大茄的袁偉豪睇中胡定欣，不過胡卻𥄫中潛質股馬國明，做唔成情侶，二人卻成為親密「契兄妹」，經常相約跑步做運動，胡早前開生日 P，飲大兩杯的她更坐契哥大髀。《城寨》宣傳活動，二人不避嫌講有味笑話，契妹笑契哥「 PAT PAT細」，契哥又指可以擒（劇情）視后好幸福。
濕吻林夏薇

11年，新人林夏薇跟袁偉豪在《結婚@謊情式》做情侶，袁懶理女方有正印男友楊政楠，拍濕吻戲時戲假情真，之後被拍到二人撐枱腳，男方管接管送，但只有幾個月貨仔便告玩完。
肉搏舞台演員馬沛詩

10年參加舞台劇《我不要被你記住》，跟對手馬沛詩肉搏撻着，不過拍拖一年多，袁偉豪轉追林夏薇，幾個月後，甩拖的他又翻撻馬沛詩， 13年更公開表示開始儲老婆本結婚，但都係分手收場。
真正左右逢源

袁偉豪大大隻隻有女性緣，有唔少女性朋友，原來除了女人，連男人緣都好旺。 11年，富家子劉定成涉用裸照刑事恐嚇及非禮男藝人，案中被警方搜出超過六萬張猛男裸照，除了包括大批現役警員外，還涉及數位男藝人包括羅仲謙、港男冠軍高鈞賢及袁偉豪等。
據知，劉公子當時很想結識 07年的港男冠軍袁偉豪，更曾向他暗示有外快，雖最後成功約他拍照，但袁偉豪堅持著衫影相。對於被捲入案中，袁偉豪曾說：「試鏡影過有著衫的相，但感覺成件事怪怪哋，好似俾人呃咗隻豬。」
甲狀腺出問題

12年獲「最上鏡小姐」的岑杏賢是碩士港姐，跟袁偉豪拍拖三年，幕前演出唔算多，今年初更被發現身形愈來愈脹，原來岑杏賢甲狀腺出現問題，要食藥控制，在大台機會不多，大學主修巿場學的她亦為自己鋪定路，間中在大公司教班。

多女埋身！余文樂食勻高嫩索

藝人余文樂（樂仔）回復單身後，身邊不乏異性埋身，大部分是身形高挑的外籍索女！

Ase Wang
2014年，樂仔與尹子維舊愛、中瑞混血兒Ase Wang（王惠敏）到美國旅行，Ase曾上載他倆與友人旅行開餐的合照，還不避忌坐在樂仔身邊，盡顯女友地位！Ase擁有32C上圍，不時在網上貼出火辣身材照。

周冬雨
樂仔早前與年輕十載的內地女星周冬雨拍攝內地真人騷《我們相愛吧2》，網上流出一段兩人戲外擁吻的短片。當提起樂仔突然送吻，周冬雨隨即露出冧爆表情，因而傳出假戲真做。

索模Janine
今年8月，多次被拍得與外籍女子夜蒲的樂仔，再被拍得與身材火辣的南非女模特兒Janine密密傾，雖然轉場醫肚時與多名外籍男子同行，但離開時不忘與索女自拍留念。

王君馨拍劇預咗露底 人夫曹永廉非禮勿視

大台處女王君馨雖然有大大條事業線，但對佢幫助唔大，捱足9年先憑《城寨》花曼一角彈起，仲要唔關心口呢條線事，反而係因為個背。點都好，王君馨而家劇接劇拍唔停絕對係一件好事，日前佢仲同曹永廉一齊出外景拍《超時空男臣》。

呢場戲要拍佢哋踎低執嘢再截車，短裙上陣嘅王君馨半踎埋位，一早預咗走光，所以佢索性著住一條冚到上大脾、極為顯眼但又勁安全嘅打底褲。

喂喂喂，曹永廉你對眼望去邊呀？就係驚望到啲唔應該望嘅嘢，阿廉之後等roll機嘅時候，都一定擰歪面望第二邊，話晒女方被指姣上位，有家室嘅阿廉為咗安全起見，都係要避避呢個惹火尤物好啲。

芭堤雅遭入房洗劫 周志文同行失幾十萬

早前芭堤雅發生有台灣遊客於一間度假別墅式酒店疑遭迷暈被洗劫一空，及後更有港人自揭曾在當地旅行時受害，而今次事件就發生在藝人周志文（大孖）身上。

朋友損失幾十萬

大孖與同事們到芭堤雅旅行，一行十多人入住一間別墅。在凌晨時份，大孖遭賊人入房偷竊，幸而他只損失了數千元港幣，不過同行不少朋友都損失了很多現金及名錶，更有朋友損失數十萬元。

估計賊人凌晨落手

大孖於Instagram上載了一張警方於酒店搜證的照片，而他亦留言謂：「警方剛完成採證，初步估計小偷於凌晨時份下手，當時我在房間睡覺，財物放在床頭上的背包中，可怕的小偷可以在我沒有察覺的情況下偷走床頭上的財物，現在在去警局的路上，希望警方可以盡快將賊人逮捕歸案。」之後，不少網民都表示很擔心他的安全，又留言指人沒事便好。

事發後房間好整齊

而身在泰國的大孖亦接受了《東網》獨家訪問，他坦言現時當地警方正在處理事件。問到大孖遇到的情況，是否與之前疑遭迷暈案件同類時，他坦言：「警方都話唔排除有人落藥，我哋一共十幾人，有九間房，我依家喺警局，仲調查緊。最離奇係起身時，我根本唔發覺畀人偷過嘢，所有嘢好整齊，好在自己只係損失咗幾千蚊港幣，隨團嘅朋友就有啲唔見咗名錶，有朋友總共損失幾十萬。（點解全部人都冇醒、冇察覺？）奇就奇在所有人都察覺唔到，個賊都好專業，淨係偷晒啲大紙同名貴嘢，二十蚊就冇偷，我哋啲passport都冇偷到。」

大孖又坦言原本今日大夥兒打算出發去一個島嶼玩水上活動，不過就覺得很掃興，而且要在警局處理事件。

背岑杏賢有33C陪食 袁偉豪硬晒軚

袁偉豪近期總算捱出頭，大台頻頻播佢有份演出嘅劇，明俾位佢上。而愛情，又有岑杏賢錫錫，拍拖兩年已認定對方，冧冧豬。不過男人，始終都愛新鮮，日前《壹》仔就捕獲袁偉豪同名模Cara.G師妹、33C新晉女神鍾晴Karlie，喺銅記撐枱腳，男人嘅嘢......

其實有少少冤枉咗佢，袁偉豪係為食通天拍廣告先出現喺度，不過佢好搞笑，未埋位前，應該同對手溝（通）吓傾吓增進吓感情。但珠玉在前，袁偉豪眼眉都唔敢望，佢喺現場不停搵手遮實小偉豪，成個人硬晒，好唔自然囉！唔係真係咁怕醜呀？定係驚岑杏賢返屋企扭耳仔呀？

吳若希男友ig晒幸福

24歲嘅吳若希(Jinny)今日親證懷孕，仲話自己o依家陀咗三個月多啲，係個B女。Jinny又話BB爸爸都好鍾意，最緊要係小朋友健健康康。Jinny仲喺ig多謝老闆同埋同事，話會照顧好自己。

吳若希嘅澳門有米男友Alex Ho都有喺ig晒幸福，佢話自己唔係公眾人物，都唔係要交代咩嘢，只係想將呢份喜悅話埋屋企人同朋友知。Alex話：「在我們生命中，將會添加一位成員，而這位成員是女孩來的，我們會盡自己最大的努力去愛錫她和照顧她。I Love You Both！」

36歲Heidi好風騷 透視晚裝去party

陳慧玲(Heidi)本月1號生日，踏入36歲的她早前同朋友慶祝晒99枝紅玫瑰，之後又有全家人為她慶祝，洗米華都有送上藍色繡球花討其歡心。
Heidi之後都keep住現身交際場合，日前就在北京出席某雜誌的周年派對，而且表現還相當風騷，穿上白色繡花半透視晚裝的她相當sexy，她仲輕搭男友人膊頭影相，又在派對上與一眾嘉賓擺趣怪甫士拍照，心情似乎不俗。
Heidi身上這襲晚裝相信是出自紅毯熱牌Zuhair Murad的春夏2015系列。品牌深得女星追捧，Angelababy與 范冰冰都曾多次穿上品牌的服飾，林心如的婚紗亦出自此牌。

吳若希佗B首開腔嗌好幸福！

Jinny戴口罩遮素顏，以藍色長褸遮腹部，更犯懷孕禁忌穿有踭鞋，她獨自推行李車出閘，雖未見男友陪伴，但已升格為準少奶的她有兩名疑似保鏢的猛男接機，記者上前恭喜她，初時嚇一跳的Jinny難掩喜悅，哈哈大笑說：「遲啲會同大家一次過講晒！（向公司請假一年及就快約滿？）休息吓先，合約仲有排。」有傳Jinny已遷往澳門進駐「老公」Alex的千萬豪宅，問會在香港還是澳門安胎？她說：「我成日周圍飛，休息梗係去旅行啦，所以成日去旅行。」追問是否選擇在港生B？她禮貌地說：「其他嘢唔答，辛苦晒。」
問為何不見Alex？Jinny說：「冇呀，我自己去旅行探朋友。」隨即開心高呼：「好開心、好幸福，多謝關心。（Alex放心你一個人去旅行？）去旅行一個去會開心啲，佢冇陪我，我又冇特別去做咩，只係探朋友，有咩再同大家講啦，其他嘢真係唔答喇，辛苦晒。」未婚懷孕的她被問會否先註冊後生B？Jinny說：「唔答喇！」並登上保母車離開，Jinny全程雙手插褸袋護肚，上車時再說：「辛苦晒！」

示袁偉豪有問題? 岑杏賢︰真的不懂怎樣去維繫

2013年成為戀人的袁偉豪及岑杏賢，一直被視為天造地設的一對。袁偉豪是港男出身，而岑杏賢亦是透過選美入行，雙方曾視對方為結婚對象，唔少人更看好二人，希望可以見到港男娶港姐，可惜事與願違。今日二人均在網上發表分手宣言。

岑杏賢喺其網誌提到︰「一段感情裏面最重要係信任同安全感。如果這些東西都已經不再存在的話，真的不懂怎樣去維繫。今天作出了一個決定，雖然這個結局不是最理想，但還是要面對......」似是暗示袁偉豪令岑杏賢失去信任，加上袁偉豪亦於微博提到自己「一直未能增加她對我的信任和期望」才令到二人作出分手決定。

「入境處」行騙詳情

上個星期3中午，江欣燕喺廚房煮到一頭煙嘅時間，江媽媽突然遞上電話。「有把聲喺電話，就話江小姐係咪呀？我哋入境處架，我哋寄過信俾你你有無收到呀？你無回嘅？因為上個月你有無喺內地幫一位內地女子申請通行證？我話梗係無啦。」

雖然口講無，但江欣燕聽到呢到已經驚驚，失晒分寸，唔只自動波報上全名、身分證號碼等資料，就連騙徒將佢嘅通話駁上駁，去咗所謂嘅「上海公安局」，佢都唔覺得有問題。最弊係七十幾歲嘅江媽媽都知道係騙案，叫佢收線，但江欣燕竟然當局者迷。

「佢唔俾我收線，原來係唔俾我收線，跟住我媽媽同我講：『你俾人呃咗喇！』跟住我仲殊佢，『我而家報案，報案，你不要吵。』」

Anyway，由「入境處顧小姐」到「公安林警官」，江欣燕同呢班騙徒由傾電話轉到whatsapp，由口講個人資料到網上核對，所有步驟都跟住「指示」，直到收線後都仲係信以為真，仲打多次電話去對方留低嘅「入境處服務熱線」，點知打唔通，終於知道自己中咗招，然後先嗱嗱聲去西環警置報案。

「咁差人無笑我，佢話差館呢啲案件多得好緊要，暫時都查唔到啲咩嘢，跟住就俾一張騙案小冊子俾我睇，咁我話唔使喇，環保呀。我今日肯詳細講係因為，我其實都有諗過我係一個豬頭，但我認為唔緊要，我想挺身而出話俾大家聽，等到其他市民小心啲。」

馬會六合彩..終於穿崩了！

中六合彩頭獎是不少香港人的夢想，人人都希望自己有預知能力，估中頭獎攪出的號碼，故在看六合彩攪珠直播時，

大家都分外留神，留意攪出的號碼是否和自己投 注的一樣。有市民觀看最新第136期六合彩攪珠昨晚直播時，驚見主持人陳思琦以英文讀出第3個攪珠號碼時，

把「21」錯讀為「41」，主持人隨即更正，豈 料緊接攪出來的號碼竟是「41」，令人嘖嘖稱奇，

笑言不知陳思琦是否有預知能力。陳思琦接受東網查詢時表示，不回應事件，但強調整個攪珠過程是在公平公正 的情況下進行。

從直播片段可見，當第3個號碼攪出時，陳思琦以廣東話讀取號碼是21，但當她用英文覆述時，

卻說「the third drawn number is forty one(41)。」隔了3秒至4秒後，陳思琦更正說法，

稱「唔好意思，the third drawn number is twenty one(21)。」之後第4個號碼開始攪出，

非會員才能看廣告~

眼前出現的號碼竟是41，今次陳思琦正確讀出:「the forth drawn number is forty one(41)。」

有市民笑言，陳思琦竟可「預知」攪珠號碼，令人羨慕不已，相信她或許如前六合彩主持夏春秋後，

另一個有預知能力的主持。夏春秋因曾長期 主持六合彩攪珠直播，一直被網民幻想他有預知號碼的能力。

昨晚(24日)的六合彩攪珠結果是17、21、22、36、41、44，特別號碼為38，頭獎無 人中，二獎1注中，每注派2,104,080元

非會員才能看廣告~

預先搞珠假能到丫.........

老婆有左？就係男人偷食嘅時候

 出軌同偷食，唔通真係一段關係入面無辦法避免嘅事？
最近就連體育界都避唔開呢個詛咒，話說林丹同謝杏芳呢對羽毛球界嘅一對壁人已經結婚4年，

最近就被爆林丹係謝杏芳懷胎9月等生嘅時候原來早已出軌，同一個叫做趙雅淇嘅火辣模特兒兼演員發生超友誼關係。






林丹尋日就偷食時件係微博向家人道歉，亦即係承認咗呢件事，「好男人」形象一夜崩壞。

真係估唔到原來一直睇起嚟咁甜密恩愛嘅一對竟然都會生變，令人覺得可惜。
回想原因，你估會唔會係因為老婆大肚，令到林丹忍唔住要出去搵野食？
現實生活中，確實有好多男人襯老婆大肚，出去偷食，究竟點解？

被迫禁慾
超級丹喎，話哂都係職業運動員，體能同精力一定都超級旺盛，要夾硬收埋一隻猛虎，叫人點忍得到。
至於一般男人，道理也一樣。

壓力大
老婆大肚，屋企無啦啦多咗個化骨龍，作為男人緊係大壓力。諗住嚟緊要養妻活兒，緊係想賺多啲錢。
為求保住份工，即使受氣都要啞忍。

懶於照顧老婆
大肚婆陀B嘅時候少不免會大脾氣，而且又好需要人貼身照顧。
可能陀B頭幾個月，男人仍會好有耐性，但日子久了，佢總會有種懶理老婆的態度，情願出去玩？

順產定開刀
陀住個B嘅老婆一定係最緊張嗰個，由未生到就生嘅時候都一定煩住老公點樣生同去邊生，頭都大埋，男人索性出去飲嘢Relax下，都唔想日日被你問同樣問題。

定力唔夠
老婆要休養，無辦法日日做跟得夫人，老公如放監，定力唔夠自然好容易畀人乘虛而入。

4跑車內地參賽回港 警以非法改裝扣驗

辣車招搖過境被截！新界北總區交通部特遣隊接獲線報，指有曾在內地進行賽車活動的車輛會駛回香港，因有關車輛涉及改裝，晚上派員在深圳灣公路大橋埋伏，至晚上10時許，警員將四輛跑車截停，向司機查問後，並初步檢驗車輛，懷疑分別死氣喉、車胎、軚盤、座椅及避震器俱曾改裝，不符合在路面行駛的標準，將四車全部扣留檢驗，由拖車拖到大欖涌車輛檢驗中心。

現場消息稱，跑車返回香港時，是以正常車速行駛，並無超速，其中兩輛屬豐田，當中的Celica在賽車中獲得冠軍，可算凱旋而歸，另兩輛是本田Civic EK及Type R，有兩輛貼有不同車隊的名字。

直播收身過程 苟芸慧減廿磅釣金龜

三年前苟芸慧被指攻城，介入郭富城與熊黛林戀情後，因壓力爆煲患上情緒病，其後甲狀腺功能減退致暴肥，高峰時期重達一百七十磅，不但換來「肥苟」稱號，更要停工治病。

近日經張玉珊出手打救減肥，她在接受穴位療程期間，大玩網上直播，自爆已甩掉廿磅肥膏。瘦咗又靚咗的她，變回索苟，更跟錫礦大王後人、聖安娜餅店創辦人的兒子陸漢洋撻着，自信即時返晒嚟。

張玉珊成功替不少女星減肥，八月底苟姑娘也上其纖體公司接受收身療程。

着加細碼

曾被無綫力捧的苟芸慧，有樣有身材，但因甲狀腺失調及抑鬱症，由一百一十五磅暴肥至一百七十磅肥腫難分，工作量即減，故她不惜停工，接受中西合璧治療，直至近月她終回復選美時的索女狀態，成功搣甩「肥苟」稱號。女神歸位，皆因「修身堂」老闆張玉珊出手相助，羅致她代言旗下纖體療程。苟芸慧日前在網上直播，接受穴位瘦身的療程，由女技師為她按背部及腰部穴位，並自爆已減磅，說話中句句賣足廣告，「瘦咗廿磅，o依家我可以着番細碼，啲衫全部要買過。」

她還透露要跟餐單進食，頭五天主要以蔬菜、水果為主，之後才食肉，期間會配合穴位按摩：「我係O型血，所以啱食羊同牛，一個月後覺得自己背脊瘦咗，但我都有忍口，之前朋友生日，見到生日蛋糕都冇食。」

曾經有170磅的苟芸慧，過去用盡方法減磅，近日經穴位治療收身，漸見成效。

她在網上直播按穴位過程，期間一度痛到扁嘴：「身體唔好嘅位置比較痛。」

戴上口罩的她化身美容顧問向客戶講解減肥。

係呀！我係揸本田，咁點吖？

無錯而家又係到咗11月澳門格蘭披治大賽車嘅時候，每年一到呢個時候風，所有揸跑車嘅朋友都會杯弓蛇影，尤其係一個品牌--本田！
其實我好想喺度同執法者講一聲，如果駕駛態度係唔好嘅話就揸乜嘢都係唔好，唔關乜嘢牌子事，某一個車廠只係生產一啲較容易操控駕駛，性能亦比較高嘅量產車出市場，滿足駕駛者嘅樂趣同埋操控感，但唔該唔好標籤左某一種牌子汽車嘅朋友，的而且確有一小撮人係非常過分，但都唔能夠一竹篙打一船人，唔通你真係認為我仲會揸住部電視機去飛公主道？我換左套鮑魚就一定係飛西貢？
咁當然，駕駛者本身嘅態度同埋禮貌都好緊要，但如果因為我係揸某一個牌子嘅汽車就會俾人標籤的話，我想喺度大大聲聲咁講一句：我係揸本田呀！咁又點？我唔需要你鍾意我，但請你唔好討厭我！我以我揸本田為榮，亦都多謝本田之父--本田宗一郎。

【死撐冇同居】陳凱琳解釋想多啲陪家人

最近接受了矯視手術的藝人陳凱琳晚上在將軍澳電視城為《萬千星輝賀台慶》「智靚合唱團」表演項目排舞，陳凱琳表示經手術後經過兩次檢查，眼部康復得不錯，手術後還不習慣以為自己忘了脫隱形眼鏡。

問到陳凱琳休養期間男友鄭嘉穎可是陪伴照料？她笑說：「佢唔喺香港，自己照顧自己，但佢有Send短訊畀我，叫我唔好睇咁多資訊，哈哈，因為手術後不適宜睇太多電話。」

早前《東網》揭露陳凱琳與鄭嘉穎同居，她則解釋只是有時兩人相約出外食飯，會先到男友家集合，暫時還未想過要同居，覺得應該慢慢來，男友不在香港時也希望多陪伴家人。

25歲陳凱琳（Grace）和47歲鄭嘉穎去年拍劇撻着，年齡差距完全不成障礙，人前人後一樣愛得甜蜜，向來低調處理感情事的嘉穎更難得大方，不時孖住女友高調放閃。

熱戀中的Grace和嘉穎愛情得意，事業同樣旺爆，接Job接到手軟；為了爭取相處時間，身為教徒、被稱為「處女黨」成員的Grace為了遷就男友，早前秘密搬入嘉穎位於大坑的豪宅，過着一如新婚的甜蜜生活，方便男友回港時見個夠。嘉穎亦樂意將鎖匙交給Grace，任由她自出自入。

學廚箍男友

成為男友家中女主人的Grace，早前向身邊友人透露開始學煲湯煮飯，用心箍實嘉穎，實行回家玩煮飯仔。不過，最近嘉穎頻頻於內地搵真銀，雖然男友不在港，Grace一樣未有回「閨」，誓要黐實兩人愛巢！

日前下午3時多，戴上口罩、身穿連身裙加外套的Grace單拖到銅鑼灣選購日用品，買完本打算打的回家，豈料等了良久仍未有車，於是移玉往附近的小巴站排隊。只見Grace排隊期間全程做低頭族撳手機，露在口罩外的雙眼不時笑意盈盈，似是和男友互通訊息，即使登上往大坑的小巴，其目光仍未有離開過手機。

上樓變裝

Grace回到同居愛巢小休過後。至晚上8時多，見她化晒靚妝、扮得靚靚步出，下午所穿的連身裙亦換上了緊身褲。Grace站在寓所門口不久，即有司機駕車前來接載，送她往中環出席首映禮，在首映禮中Grace更風騷除去外套，露出內裏的性感露背上衣，大騷白滑玉背。

全家總動員陪做手術

相隔數天，Grace要做矯視手術，事前她表示非常緊張，男友又不在身邊，她終於回家黐實屋企人搵支持，雙親一向視Grace為掌上明珠，當日她做手術，差不多全家總動員相伴。

中午時分，陳父陪愛女出席完活動後，再齊齊返回九龍塘獨立屋大宅稍作休息，然後一家人去飲茶。之後陳父充當司機，載着Grace與弟弟及陳母到中環陪愛女接受手術。順利完成手術的Grace，為了有所照應，當晚終於回家過夜。

為前夫反目後首度同場 之之寸爆嘉玲：佢應該尷尬啲

關之琳與劉嘉玲相識多年，二人由好朋友到交惡，起因都為陳泰銘。

不滿行山

去年10月，陳泰銘被拍到相約劉嘉玲行山，雖然照時間計陳泰銘已經與關之琳離婚，但好友的舉動令關之琳耿耿於懷。

宣佈離婚

關之琳去年11月在台灣出席公開活動時，宣佈與陳泰銘離婚，更暗指嘉玲和陳泰銘之前相約行山是「他們沒有想過其他人的感受」。

甩底避見

今年3月，劉嘉玲與關之琳原本會一同出席第二屆amfAR慈善晚會，不過嘉玲臨時甩底，相信是有心避見關之琳。

【理直氣壯】

上月劉嘉玲在行山時被記者捕獲，問到會否避忌再約陳泰銘行山時，她理直氣壯表示：「避咩？有乜嘢好避呀？行山咋嘛！」

毛玉萍跟前夫所生的兒子俞俊材，昨日在灣仔會展擺婚宴，新奶奶毛玉萍的好友劉嘉玲和關之琳（之之）前後腳到賀。之之去年突然宣佈與台灣富商陳泰銘離婚，更不點名指嘉玲相約陳泰銘行山是「沒有想過其他人感受」，嘉玲和之之超過20年友情決裂，斷交足足一年，昨晚卻破天荒同場，之之進場時表態不會尷尬，揶揄嘉玲應該會比較尷尬。

上海前首富周正毅跟毛玉萍撇清關係，女方與前夫所生的兒子俞俊材，11年在英國留學時與喜來登旺鋪代理有限公司主席任永賢愛女任靄婷相戀，一對新人昨共諧連理，在灣仔會展筵開80席招待親友。新奶奶毛玉萍人脈甚廣，獲不少好友到賀。當中的焦點肯定是去年爆出不和、至今差不多一年斷交的劉嘉玲和關之琳前後腳現身，避過合照。同場還有汪子琦和密友Laura，他們也是分開入場。

羽球教練載父母飆車避追捕

一名29歲姓朱的羽毛球總會註冊教練，昨日在停牌期間駕駛跑車載着父母，因違反交通規則被警方截查時驅車逃走，結果與警方追逐16公里後被捕
。昨日一段追截過程被其他車輛的車cam拍下，並在網上流傳。

姓朱教練昨駕駛跑車沿荃錦公路往荃灣逃走，根據相關片段顯示，該跑車在一段上山路段高速行車，更越過中間雙白線，超過拍片車輛及另一輛私家車，一輛警車則隨後追趕，但迎面一輛落山七人車駛近，警車惟有返回左線，隨後再越線爬過私家車頭繼續追趕跑車，但已被跑車拋離。其後警方隱形戰車增援，終在荃灣海壩村馬閃排路對開截獲該跑車，並拘捕涉案姓朱教練，當時其父母在車上。

香港羽毛球總會一名註冊教練，昨午在停牌下駕駛跑車，載同父母途經錦田石崗軍營時，疑因違反交通規例遭交通警員截查，他不顧父母安危高速駕車逃走，警車啣尾追逐16公里，終在荃灣海壩村將該車截獲，並將涉案羽毛球教練拘捕。            

被捕教練姓朱，29歲，現為香港羽毛球總會註冊教練，早前他因違例駕駛被判停牌駕駛。昨下午5時許，朱駕駛跑車載同父母出外用膳，當駛至石崗軍營對開路面時，被交通警員發現其違反交通條例，警員駕車趨前要求司機停車接受調查，但朱未有理會並加速開車沿荃錦公路往荃灣逃去，警員驅車追捕及通知上級，新界南交通部加入增援，並出動隱形戰車，終在荃灣海壩村馬閃排路對開截獲該跑車，朱棄車往山上逃走，迅速被警員制服。警方調查後，以涉嫌危險駕駛、拒捕、停牌期間駕駛及無第三者保險將他拘捕。                       

余文樂35歲生日 舒淇公開催拍拖

今日係藝人余文樂同大陸小生黃曉明嘅生日，就快做爸爸嘅曉明，同埋老婆Baby（Angelababy）跟Baby肚入面嘅小baby一齊慶祝，一定溫馨又開心。雖然曉明暫時未上載新相，不過佢嘅好友李冰冰就將曉明張相改圖再放上微博兼留言：「繼續帶着大baby小baby一起來虐狗……（意思是放閃）。

而仍然單身嘅余文樂（樂仔）都不愁寂寞，踏入35歲嘅佢收到兩個蛋糕，同劇組一齊慶生，而佢好友舒淇都上載合照，留言叫樂仔快啲搵個伴：「潮樂 祝你生日快樂 早日找到你愛且愛你的人 其樂無窮啊。」而樂仔都喺社交網留言多謝一班好友祝福：「謝謝所有朋友的祝福希望所有人都開開心心😊」

陀B傳聞係真？ 吳若希貼全身相 圓潤咗

吳若希應承咗大家：

1.有咗3個月會通知大家～

2.結婚通知大家

3.包保係獨家爆料

仲話：

1.層樓真係我自己儲錢買

2.百零萬首期都俾得起既

3.放租2萬可唔可以幫我搵租客

24歲嘅吳若希，今年7月宣佈同澳門闊少Alex拍拖，公開兩個半月又話高調分手，轉個頭又話復合，吳若希仲請突然請假一年，上周更被周刊影到肚凸凸現身澳門，話佢過大海休養，身形更圓潤咗，仲進駐埋Alex位於氹仔嘅千萬豪宅。當時報道指，本來男友Alex因為佢啲港女性格日漸疏遠，點知吳若希發現有「籌碼」，即令男友乖乖講復合，吳若希更乖乖停工添。

因為屢傳大肚，吳若希頂唔順，終於出圖為自己澄清，應承大家有咗3個月會一定會通知你——但係呢，放緊大假嘅佢，都係唔多肯影全身相，頂盡都係一周前嗰張黑色貼身裙，得半身，條腰明顯粗粗地…

昨日黃昏時份，吳若希突如其來上載一張全身相——落足眼力擘大啲嚟睇，因為係正面，睇唔出有冇肚，目測估計就冇嘅。吳若希BB著住條超窄牛仔褲，長腿就好似圓潤咗啲——背景似香港。

但成張相重點，唔係肚，唔係腿，而係——對鞋。幫手賣廣告呀嘛。

如果都有長期飯票，仲使乜要撲水呢咁……

知情者透露吳若希沒有將懷孕一事告知唱片公司老闆何哲圖，只是用工作壓力大導致長期頭痛為由告假。她更加就此請情緒科醫生寫信，證實精神狀況影響到工作同生活，公司只好無奈放生。Alex 父母知道 Jinny 陀B，不想她繼續高調的藝人的工作，更希望他們二人明年四月結婚擺酒。然而 Jinny 篤信風水命理，早前帶同 Alex 去找風水師好友陳定幫，對方為 Jinny 擇了兩個吉日，期中一個為2018年。陳又指 Jinny 最好先生仔後結婚，Jinny 和 Alex 因為這個問題爭執，故此Jinny早前一時之氣就單方面分手。

何文田山畔

據知 Alex 為了箍煲，豪擲九百多萬，購入何文田山畔一個三百幾呎的中層一房單位給 Jinny 作投資用途，呎價約2.7萬。又打本給 Jinny 在澳門做小生意，我們就事件問過 Jinny ，她就堅持與男友財政獨立，首次置業和做生意全部都是自己錢。不過對於懷孕一事，她就支吾以對：

「我都好想快啲有一個自己家庭………同埋好想快啲結婚、生BB， 有時我都覺得好尷尬，但對住公司、公眾都好似有好多嘢交代，退出就唔會住啦，合約有排先到期。」

吳若希（英語：Jinny Ng Yuek Hei，1992年5月23日^[1]－，香港著名女歌手及演員。其中學時就讀於廖寶珊紀念書院，讀至中四時輟學。

演藝生涯

2010年

2010年初，吳若希與新加坡歌手邵偉軒合唱單曲《Love @ Earth》，正式出道。

推出首張個人專輯

主條目：戀愛日記

11月8日，吳若希推出首張個人專輯《戀愛日記》，收錄歌曲《影迷》、《錯過了》及《愛要撐下去》等，其歌曲亦登上流行榜各位置，口碑不俗。

2011年

合唱歌深受歡迎

吳若希與同公司的許廷鏗合唱《知己》一曲，深受網民歡迎，成為熱播的合唱曲。更成功登上TVB電行流行榜榜首位置，獲得數個獎項，其中包括《2011勁歌金曲優秀選第三回得獎歌曲》，《第八屆「勁歌王」金曲年度總選頒獎禮－最佳合唱歌了》以及《uChannel我撐起樂壇頒獎禮2011－Youth最喜愛合唱歌曲》。

2013年

感情事變

4月，吳若希於電台宣傳新歌時，表示其男友的母親反對她跟男友來往。4月28日，吳若希出席電台音樂會時，透露已正式與男友分手。

推出第三張個人專輯

主條目：我懂了

6月26日，吳若希正式推出第三張個人專輯《我懂了》，除了同名歌曲《我懂了》，專輯亦收錄她首次嘗試較另類曲風的歌曲《炊煙》、由糖兄包辦曲詞的《沒結果》及跟胡鴻鈞合唱的《暗戀》《救救我》等。

新歌MV被控抄襲之嫌

6月中，吳若希拍攝新歌《炊煙》MV時，其導演在微博上載了一張造型照，有報道指相中造型與吳雨霏的唱片封面造型相同，更指是因為他們都是使用同一位造型師馬天佑，被控抄襲之嫌。可是馬天佑、吳若希老闆何哲圖及她本人都異口同聲表示這次為完全的創作，絕無抄襲^[2]。

2014年

加盟新唱片公司

踏入2014年，隨著星夢娛樂集團有限公司的成立，吳若希跟隨著老闆何哲圖加盟新唱片公司。

電視劇新歌成為熱話

隨著吳若希與TVB簽約的關係，吳若希獲得更多不同的機會嘗試不同範疇的工作。除了成為節目《姊妹淘》和《勁歌金曲》的主持，吳若希亦獲得機會演唱不同的主題曲。1月，吳若希為微電影《愛情來的時候》演唱了《休止符》，歌曲其後登上各大流行榜榜首。3月，電視劇《愛我請留言》的播出，令到不少觀眾首次於黃金時段認識到吳若希的聲音，吳若希演唱的同名主題曲其後成功登上各大網上平台的殿軍位置和流行榜上，令吳若希的知名度增長了不少。7月，吳若希更加獲得參與拍攝電視劇《衝線》的機會。8月，吳若希為電視劇《使徒行者》演唱片尾曲《越難越愛》，《使徒行者》電視劇甚獲電視觀眾歡迎， 而歌曲的MV和歌詞影片在Youtube合共超越了600萬點擊率^{[來源請求][3]}，引來極大的迴響。此外，歌曲更於iTunes連續多日奪得冠軍位置，並停留在新城電台勁爆本地榜上長達11星期，亦於KKBOX連續四個多月奪得冠軍位置，成為熱門銷量的歌曲之一^[4]。

2015年

歌視兩棲發展

2014年9月，吳若希參演了賀歲劇《倩女喜相逢》，飾演迎春嬌角色，一嘗當演員的心願。而吳若希亦因此被指介入於同劇飾演情侶的蕭正楠和黃翠如的戀情當中，不過事後相關人物都否認緋聞 ^[5][6]。2015年2月，劇集播映，吳若希正式向演藝界兩棲發展，不過觀眾對其演技反應一般。3月，第二套劇集《衝線》播映，飾演胡芯藍一角，糾纏於四角戀之中，吳若希緋聞報道持續高企，此外，吳若希更主唱主題曲《美好的時光》，再次被指歌曲洗腦，觀眾對此劇集反應都是不錯。4月，吳若希主持《至尊街頭魔法王》節目，使其人氣再次上升。6月，吳若希成為tvb 2015 上半年女神榜排行第二位，僅敗給范冰冰。

家庭問題

3月28日，吳若希母親與男友人相約到大埔踏單車，途經大埔一段單車徑時發生意外。同一天，有一名網民被指將吳若希媽媽意外一事與其有份擔演劇集開玩笑，引起吳若希憤怒更於社交網站使用粗言穢語來指責。事件公開後，有人批評吳若希作為公眾人物不應使用粗言穢語，因為可能對兒童有不良影響及發送負面信息。亦有人支持吳若希行為，認為應該尊重別人的家人，不應拿此事開玩笑，令社交網站連日來引發支持者與反對者之激烈爭議。其後，吳若希一直家庭事業兩兼顧而引致壓力過大。直至4月6日晚上，吳若希在社交網站指出母親已經甦醒，心情輕鬆了不少。其後在4月14日突然於其社交網站貼藍天樹樹圖，並只寫了一句：「外婆你等我⋯⋯我現在過來了。」，引來不少網民爭議揣測。 晚上，在社交網站寫出婆婆已逝世。5月20日，吳若希於新城知訊台節目《寂寞留聲群》接受採訪時透露出她的不快經歷，慨嘆無力招架負面消息，她於採訪結束時更一度失控痛哭。^[7]

勁歌金榜兩週冠軍

2015年第26週及27週憑歌曲《眼淚的秘密》蟬聯勁歌金榜冠軍，是2002年後十三年來首次有歌曲可蟬聯，引來不少樂迷、觀眾及網民討論爭議。 歌曲也先後登上香港電台中文歌曲龍虎榜及新城電台勁爆本地榜冠軍，成為吳若希第一首三台歌，唯美中不足的是由於吳若希自2013年起被商業電台封殺，故此歌曲未能登上903專業推介。此曲不但於年末使吳若希蟬聯萬千星輝頒獎典禮最受歡迎劇集歌曲和勁歌金曲頒獎典禮金曲金獎，它還奪得新城勁爆頒獎禮四大歌曲獎項之一的新城勁爆播放指數歌曲大獎，表示此曲是該電台全年播放率之冠，是首次有劇集歌曲奪得此獎項。因2014年度該頒獎禮在2015年1月舉行，而2015年度該頒獎禮在2015年12月舉行，造成吳若希是唯一一人，一年內兩奪該獎。

2016年

重新出發

吳若希於1月21日推出久違一年多的大碟眼淚的秘密，碟內收錄2015年三首電視劇歌曲及一些全新作品。
4月被傳與澳門才俊Alex Ho拍拖，7月與Alex在網上高調公開認愛，兩人拍拖以來一直不避嫌在Instagram公開放閃，可惜戀情維持不到半年，吳若希亦在Instagram高調宣布分手。

廖碧兒避談劉愷威出軌傳聞 周麗淇羨慕阿Sa結過婚

周麗淇（Niki）、廖碧兒及Ana R.等前晚出席籌款晚宴，性感上陣的Niki自爆黐滿膠紙打底：「有金執我都唔會烏低身。（家姐周汶錡是打底王？）我比她厲害，我連 Tee都打底。」談到好友蔡卓妍放風想結婚生仔，Niki說：「她結過啦！她本來已跑出，只是掉頭回復單身，我試都未試過呢！（恨嫁？）也不是，我們也認為有機會努力搵錢先，況且婚後也不能全靠男人。」
　　對於舊愛劉愷威被指疑似出軌，廖碧兒只謂不知情，並拉開話題說甫下飛機已被特朗普當選美國總統的消息「轟炸」：「因為我是加拿大人，好多美國人現在都想移民加拿大，所以朋友瘋狂短訊我叫我小心別人的追求及求婚，哈哈！」Ana R.雖然沒有回美國投票，但對大選結果只感震驚。她又斥特朗普的模特兒妻曾拍過不少裸照，有損第一夫人的莊重形象。

背妻偷食？ 劉愷威再敲女拍檔房門夜會3粒鐘

劉愷威疑似背老婆楊冪偷食一事在昨日爆出後，震撼中港兩地。被傳媒爆料指深夜與同劇女拍檔王鷗共處酒店房4粒鐘的劉愷威，在微博否認偷食：「只能說以後碰劇本，再重要也不能在晚上聊，不能在房間聊。」而老婆楊冪亦在出席活動時開腔撐老公，話點都會信對方喎。

新一波劉愷威疑似偷食的爆料又流出啦！自4粒鐘同處一室「對劇本」後，翌日早上8點幾，劉愷威、王鷗已離開酒店出發去拍劇，直至夜晚10點左右先返回酒店。

半小時後，劉愷威助理送外賣上房，王鷗助理接過外賣再親自送入王鷗的房間。10點35分，劉愷威敲王鷗房門，再快快脆閃入房。

10點43分，兩人的助理拎住碗筷好自然地敲門後就嘟卡入王鷗房。兩人助理離開再次入王鷗房時，反而王鷗助理先聽一聽房內動靜，向劉愷威助理點頭示意，先至小心翼翼入房收走碗筷再行出房。

直至凌晨1點48分，劉愷威與王鷗共處一室近3粒鐘先獨自返回房間。兩日夾埋，劉愷威與王鷗共處酒店房的時數累積了7粒鐘。

有網民突破盲點指，「對劇本」對4粒鐘嗰次，劉愷威入房時房內開晒燈，出房時房內明顯熄咗燈。而今次3粒鐘，劉愷威出房時只是燈光比較暗，可能開了廁所燈或牀頭燈。之不過燈光咁暗點對劇本點睇得清啲字？日日晨早就要出去拍劇，仲要對劇本對到凌晨咁勤力？真係耐人尋味。

此外，更有媒體指兩度夜會王鷗的劉愷威離開房間時，拍得在房內的王鷗，上身衣著整齊，但下身竟然只著黑色底褲！不過只有截圖，始終冇片冇真相，真偽有待查證。

撐老婆 超儀 剝 阿徐 皮

雖然 Eason出面撐，但阿徐心情仍未好番！

因為放相上私人 IG而令陳子聰消瘦病容曝光的徐濠縈，雖然已向何超儀道歉，並獲對方表示原諒；但事隔兩個月，超儀卻公開寸爆阿徐有分享症，又自稱討厭分享，聲言同阿徐冇聯絡。

舊事重提，超儀此舉即時辣着愛妻號 Eason，更同友人鬧爆對方「講一套做一套」，專登搞大龍鳳落阿徐面，表明以後冇朋友做！

舊事重提

老公陳子聰病容曝光，何超儀至今仍耿耿於懷，早前更公開寸爆徐濠縈有分享症，聲言討厭同人分享的她又直指與阿徐已經再冇任何聯絡，毫不留情地數落昔日好姊妹，令曾表示同超儀尚有聯繫的阿徐，更加冇晒面。
為此，徐濠縈心情極度不佳，老婆愁爆，身為老公的陳奕迅，亦對超儀所作所為有微言。

阿徐在私人 IG放陳子聰激瘦病照，觸發姊妹反目。


8月初陳子聰因病入院， Eason匆匆趕到醫院。 


氹極阿徐都冇反應， Eason冇癮惟有自己玩電話。

「阿徐放相上私人 IG，純粹係佢見子聰好番好多，戥對方開心，冇諗過會俾人攞咗嚟登。不過，佢都知道係自己大意疏忽，所以都即刻打電話同超儀道歉認晒錯，就連 Eason都有親自打俾超儀，當時超儀仲話知道阿徐係冇心，唔會放喺心度，叫佢兩公婆唔使擔心。
「點知件事過咗成兩個月，超儀忽然又攞出嚟講，仲寸爆阿徐有分享症，講到好似佢有心放料咁，阿徐真係好唔開心！ Eason亦有同身邊幾個朋友狂呻，話超儀講一套做一套，專登搞場大龍鳳出嚟落阿徐面！咁以後唔好再做朋友囉！」知情人說。

嫌疑最大

事實上，當得知陳子聰有病， Eason兩公婆都相當擔心，後來醫生批准陳子聰放假出院，超儀想搬去酒店住，等老公靜養，當時阿徐都有份陪超儀去搵地方。
「就係因為阿徐同超儀去睇過地方，所以先會被懷疑放料，佢冇諗過，大家識咗咁多年，超儀都唔信自己，所以阿徐先咁唔開心！」徐濠縈身邊好友說。

昔日阿徐兩公婆經常同超儀三人行。


12年黃浩爆出藝人濫藥風波，阿徐與超儀聯手開記招。


超儀澳洲婚禮，徐濠縈是姊妹之一。


好姊妹

徐濠縈與何超儀相識超過廿年，當年阿徐和 Eason拍拖，也是超儀做紅娘撮合，多年來，阿徐同超儀好似孖公仔咁，互相見證人生重要階段。

Eason榮獲博士
14年，陳奕迅獲英國母校倫敦金斯頓大學頒授「 Honor Degree of Arts」榮譽博士，表揚他對音樂上的貢獻， Eason一家飛英國觀禮，何超儀夫婦及一班好友亦有拉大隊到賀。

超儀受勳
早年何超儀憑喪屍片《 Open Grace》啞女一角於歐洲黑山走紅，去年，更獲黑山政府頒發女爵士名銜，表揚她對電影熱誠。第一次獲封女爵士，陳奕迅、徐濠縈、劉浩龍等一眾好友組團現身見證。

演唱會互撐
每逢 Eason開演唱會，何超儀兩公婆必定現身撐場，去年，何超儀與樂隊 Oni Boys在九展舉行演唱會， Eason兩公婆亦有到場支持。