相片來源：湯炳強攝
大家喜歡食譚仔三哥嗎？如果是三哥粉絲，三哥的秘密大家又知幾多？三哥最愛又是甚麼？點解侍應姐姐都有「口音」？TOPick 請三哥親身解畫，拆解當中15大謎團！
關於食物
相片來源：湯炳強攝
1. 三哥最愛的米線配搭是......
答：豬潤、腩肉、魚腐及墨丸。三哥更自誇：「點解你鐘意食墨丸？個墨魚丸俾好足料架，好靚架！」曾有供應商因食材成本上漲而在墨魚丸中混入更多粉，而被三哥換走。
2. 港人最愛配搭是？
答：墨丸、雞肉及牛肉等自家醃製的肉類。
3. 三哥食到幾辣？最愛甚麼湯底？
答：「中辣。事實上幾辣我都得，冇咩所謂。但如果食得過癮，中辣已經夠！」
對於吃十小辣的人，三哥笑言：「我係非常不屑！搲痕！」
4. 港人最愛湯底是......
答：好平均。不過較突出的都是麻辣。
5. 點解有素湯底？
答：受Green Monday邀請，三哥花了半年時間研發素湯底，三哥話：
個素湯好難做，又要係素，又要你覺得同飲緊個清湯冇唔同，呢個好難拿捏。
6. 港人最愛的小食是......
答：「土匪雞翼！我研發後，見住自己的客人9成9變晒心。之前是香草（雞翼）及麻辣（雞翼），全部變晒心呀可以咁講。」他又大讚其雞翼「外脆內軟，入面好多肉汁。」
7. 有無其他撚手小菜
答：「我係做水餃既專家。」三哥指他首創的泡菜餃與現時的韓式泡菜餃不同，前者是用泡的方式，價錢「好貴」，後者只是醃菜。
但三哥嘆：「我得一雙手，邊到做到咁多野。要自己包的，不可假手於人，呢個係局限。」另外亦因他認為水餃和米線不夾，故無到入配料餐單。
相片來源：受訪者提供
8. 會否重推拉麵？
答：不少人都懷念三哥親手拉的拉麵，網民亦圖力說服他再出山。據說，三哥更曾赴內地學拉麵，又豪言：「 香港人拉不到我的水準！」！
9. 未來有何新食物及湯底推出？
答：今年冀有一個辣湯底及肉類小食面市。
關於三哥
10. 三哥有何嗜好？
答：「我好鍾意行街市，這是我的嗜好，行街市是賞心樂事！我去旅行都會去街市。」他又透露，自己曾在行街市的過程中發掘新的菜式。
11. 三哥對煮食有何堅持？
答：「我無諗過米線點樣大紅大紫，但我覺得我做野俾人食，唔好話讚，但一定唔好留一個壞印象。」故曾在捧食物到客人面前，覺得不對勁亦馬上收回。
世間上最浪費食物既人係咩人呢？係一個唔盡心盡力既廚師呀！
四大謎團
12. 譚仔三哥同譚仔有何分別？
答：重點在於湯底，對方在未分家後並沒有新湯底出現，但譚仔三哥到目前為止已有8個湯。
（編按：現經營譚仔雲南米綫的前合夥人曾發聲明指，其秘方繼承自譚父，惟譚仔雲南米線負責人至截稿前未有進一步回應）
13. 專請女士及有口音的「姐姐」？
答：見工的多為女性，譚仔三哥認為女士較少壞習慣：「她們起碼不會爛賭，講粗口、食煙仔、隨地吐痰。」而一班有口音的「姐姐」則是互相介紹而愈請愈多。
相片來源：受訪者提供
14. 忌廉哥同三哥有甚麼關係？
其市場部代表回應：「兩個都有個哥字，兩個都好代表到香港的icon。其實三哥本人也很愛貓，養了3隻。
15. 曾被重案組調查？
答：試過有個客投訴，指其子日日食米線，覺得譚仔三哥加入罌粟殼。結果重案組真是抽取樣本，結果當然是不了了之。
