超蓮小方合拍扮鬼

賭王三房千金何超蓮早前和方力申結伴去尼泊爾做義工，被爆一支水兩份飲，因而傳出緋聞。昨日是萬聖節，二人分別用Halloween Apps扮鬼，並上載扮鬼短片到社交網，一個玩驚嚇，一個造型妖艷，相當合拍！

另外，小方舊愛鄧麗欣昨日在旺角一間美容中心主持開幕儀式，她日前公開表示想與小方做回朋友，問會否主動找小方？她說：「好尷尬，我唔想咁刻意，順其自然。」被問到感情生活，她說：「好dry，冇人約，大家都唔夠膽約我。」

11歲女不敵腦癌 猝死土瓜灣住所

土瓜灣美景街68號安泰大廈一單位，凌晨3時許，一名11歲女童昏迷不醒，44歲父親發現立刻報警，惟救護員到場證實她已經死亡。警員到場調查後，相信案件無可疑。其間親人都傷心落淚，相擁痛哭，目送仵工將遺體移送殮房。據悉，女童患腦癌已兩年。


一名11歲姓梁女童，凌晨3時許，被44歲父親發現昏迷在土瓜灣美景街68號安泰大廈住所，由接報到場救護員證實死亡。警員調查後得悉女童患有腦癌，相信事件無可疑，其後召黑箱車將死者遺體移送殮房處理。多名親友在場送別，部份人傷心激動哭泣及以紙巾拭淚，需由其他親友攙扶及安慰。

據街坊表示，女童活潑可愛，惟約8歲時，被發現患有腦癌，自此行動不便，出入需要攙扶，對其猝死感到難過。 

嘆感情冇着落 鍾欣潼：沒人說過要娶我

現年35歲的藝人鍾欣潼（阿嬌）自與韓籍男友權寧一（K先生）分手後，感情一直未有着落，令不少粉絲替她心急。近日阿嬌錄影內地節目《飯局的誘惑》時，竟表示對愛情沒有期待，現階段只想找一個「結婚對象」，並公開未來老公的理想條件，分別是「要尊重及愛護自己」、「孝順」及「樣貌不可太醜」。

主持人馬東問到阿嬌：「如果有個男人對你說愛你、願意娶你、向你請求一個戀愛的機會，你會被打動嗎？」她即謹慎地說：「未必。」事後她解釋男人在追求過程中，可能會許下很多承諾，最終卻未必能實踐，及後阿嬌帶點失望說：「現在還沒有人說過要娶我。」令在旁的嘉賓兼好姊妹容祖兒即時安慰她會得到幸福。

眼紅黃翠如奉旨晒愛 李佳芯 不滿同居被阻

無綫花旦小生青黃不接，新紮姐仔為爭一姐之位各出奇謀，近期彈起的 李佳芯 (Ali)，在劇集《律政強人》及《巨輪II》都有唔少發揮，有望再下一城。可惜早前斷正與Viu TV主持男友陳炳銓在西貢村屋同居，即被經理人力勸要低調！Ali即時搬返娘家與父母同住，表面上一切服從，但暗地裏對公司大細超非常不滿，矛頭直指同期的黃翠如！ 延伸閱讀︰

李佳芯教你3招極速瘦身

《幕後玩家》演邪花 劉佩玥上位之路

Ali早年憑《學是學非》成功入屋，形象健康鮮緋聞，其後參演多套劇集均有不俗表現，所以一步步登上女一之位！雖然和Viu TV主持陳炳銓熱戀中，不過Ali對戀情一向極低調，直至早前被踢爆與男友在西貢村屋築愛巢同居，即被經理人力勸要低調！

據知大台認為陳炳銓係ViuTV的人，而且知名度唔高，Ali同佢拍拖並無益處，於是出手棒打鴛鴦。Ali為保前途奈冰封戀情，更即時搬返柴灣公屋與父母同住，暫避風頭。

雖然Ali表面上一切服從，但其實暗地裏對公司大細超非常不滿，矛頭直指同期的黃翠如！正所謂同人唔同命，翠如BB雖同是無綫上位花旦，不過與蕭正楠公開戀情後公司開晒綠燈，事業暢通無阻，甚至安排二人情侶檔出外搵真銀！

早前新劇《幕後玩家》的宣傳活動上，蕭正楠更當眾啜爆翠如，送上鮮花與蛋糕女友慶生，做騷咁做，Ali見到點止眼紅，直頭眼火爆！

其實Ali眼紅翠如亦有跡可尋，二人都是由有線過檔無綫，當年翠如只是個娛樂主播，但Ali已是旅遊節目主持及奧運主持，人氣在對方之上。不過翠如入無綫後被指有高層余詠珊撐腰，好快升呢做女一；反而Ali就要自己一步一步捱上去。

翠如出道以來獨沾一味，只走傻大姐清純路線，Ali反而多變，除了能演專業人士角色，邪花壞女人角色亦駕馭到。為了單挑翠如，野心勃勃的Ali看來分分鐘會放棄奀星男友？

【獨家有片】情侶車斷正 麥明詩揸男友車 買定外賣等林作開餐

前，「十優港姐」麥明詩突然喊爆自稱分手，而林作出席活動被問及分手一事，又同麥明詩劃清界線嘅林作話大家一直係朋友，從來冇講過係男女朋友關係，麥明詩喺另一個活動亦話自己唔係好睇呢啲新聞，費事影響自己心情，睇嚟呢段感情凍過水。點知喺中秋節正日，麥明詩俾本報撞破佢同林作屋企人喺中環食飯團圓，甚至又有傳佢哋去買戒指，戀情極速翻撻，關係欲斷難斷。(新聞連結：http://bit.ly/2dOrG60)不過紙又點會包得住火，疑似轉做地下情嘅佢哋，噚日就讀者周先生透過本報「爆相爆片」踢爆，前日夜晚11點半左右喺紅磡德民街見到佢哋兩個短敍。周先生話：「嗰陣見到麥明詩揸住架白色車，泊低咗架車之後，自己一個人行咗去內街，不過冇耐又見佢上番去架車，隔咗一陣見到林作揸住架紅色車，不過佢唔係第一時間泊低架車，反而兜咗一個圈之後，先將架車泊喺女友架車側邊。」周先生仲話跟住林作上咗麥明詩架車，原來麥明詩一早買咗嘢食，諗住同男友齊齊嘆：「本來林作都好避忌，成日見到佢周圍望，仲全程好似好避忌，不過上咗麥明詩架車之後，態度明顯放鬆咗，大家有傾有講，食咗半個鐘左右，大家揸番自己架車走人。」查實喺今年7月麥明詩同佢哥哥夾份買咗一部價值約70萬Tesla新車，好多時候都見到佢揸住架車開工，甚至喺上個禮拜天文台發出黑雨警告當日，麥明詩喺Ig上載咗條片，睇見佢好狼狽咁著住拖鞋澗水行去揸走架Tesla，點知過咗一個禮拜，麥明詩變咗揸住白色嘅ALFA ROMEO，雖然同林作嗰㗎紅色ALFA ROMEO屬一個車廠，不過價錢相差一截。而根據車輛登記資料顯示，原來麥明詩嗰晚揸住嗰架白色車，登記車主係林作，地址係麥當勞道，似乎一切盡在不言中。事後分別向兩人求證，麥明詩話：「唔回應嘞，日常生活瑣碎事唔同大家交代，專心工作。」林作亦都話唔回應！＋另一方面，麥明詩嘅緋聞男友何浩文(Dominic)喺ig貼同女友去台灣慶祝生日嘅相，唔知係咪想示威？Dominic透過whatsapp回覆：「被撞到孖住出嚟呀，哎吔，咁唔小心呀。示威，我唔做呢啲嘢，示威留番啲人上街做，我喺台灣冇得示威，我唔係呢度人，我係香港人，喺台灣冇得示威。」有啲酸味！

生完BB就脫苦海？仲有排你受！

各位準媽媽 ，係唔係覺得駝BB好辛苦呢

以生完BB就一身輕曬脫苦海？

你可能未聽過生完之後嗰一個月有幾咁辛苦

仲有排你受！



今日就等小編我話比你聽殘酷的現實，各位準媽媽可以做定心理準備



有老公陪產其實老公都分擔唔到個一種痛，不過有老公係身邊安慰自己點都好過冇

先唔講生BB過程猶如被五馬分屍咁可怕，生完嘅折磨簡直令作為新手媽媽不知所措，加埋情緒真係好容易同屋企人大吵一鑊，BB剛滿月，身體嘅不適感已經緩一點。



下陰傷口痛，可用枕頭墊高雙腳，減少傷口直接接觸床鋪引起痛楚。

全身酸痛

生BB時用盡全身嘅力量，尖叫、狂抓、狂push….生完真係無曬力，攤喺病床好似癱咗咁，全身肌肉酸痛，直到第三日先無咁痛，順產就係要出盡奶力，無得避。



會陰傷口痛

生完都唔知剪咗會陰，可想而知陣痛係幾恐怖，但事後更加恐怖嘅係傷口痛，呢個位置真係好攞命，行又痛坐又痛訓又痛，總之咩姿勢都痛。

最慘係喉嚨有幾聲咳，一咳就全身郁，痛到標眼水，住院期間咳到失禁賴濕好幾次，奉各位產前好好顧好身體



生完會極度口乾，準備水樽裝炒米茶，隨手拎嚟飲唔駛下下起身裝水，減少瞓低起身引起傷口痛。

頭三天在床痛到想死，著褲除褲一舉手投足都會郁到傷口痛到喊，沖洗下體時，摸到下面腫到唔知似咩，



最舒服嘅動作莫過於凌空成個pat pat ，建議大家唔駛買水泡喇，坐落去擘開個傷口痛到你彈起呀！



待產醫院餐好清淡，但自己太曳食好多蛋糕、朱古力甚至產前兩個鐘食生果，結果產後有咳嗽，一咳就失禁、傷口劇痛。



另外，心理壓力都會令人好不安，好想知道下面乜狀況，茄蛋媽出院第一日就搵鏡照下體，四個字「亂七八糟」！而會陰嘅癒合程度人人唔同，少則一個禮拜，茄蛋媽因為有血腫嘅傷口，連埋會陰傷口痛足大半個月。

傷口癒合時的痕癢，又不可以R，簡直虐待！



傷口太痛，好自然企起身食飯，但聽講會引起子宮下垂，大家千萬唔好學我。

子宮收縮

一生完隨之而嚟嘅第一個痛楚就係子宮收縮痛，須知道懷孕九個幾月，子宮泵到波咁大，要縮返原本Size必須經過一段時間同收縮。有人話似經痛，但人人經痛程度唔同，我只能夠話，平時十級痛嘅人，會一樣咁痛吧。



產後腳腫，飲紅豆水三日消腫，連身體、臉部嘅腫都消曬。

全身發臭

產後身體會排水，明明一直都係冷氣房，但就一直流汗，餵個奶/食個飯/ 沖個涼，就好似長跑完一樣出曬水，連瞓醒起身都發現背脊濕曬，最慘係腋下汗臭程度似臭狐，我一度好擔心會唔會自此有臭狐，原來係唔會嘅，排完一星期水就回復正常，聽講咁樣排汗係好事，可以產後排毒瘦身。



由於茄蛋媽產後腳腫好厲害，飲左一星期紅豆焗水，去腳腫之餘仲去埋身體、面部嘅水腫，好有效，必跟！

腥臭惡露

產後惡露聽過啦，裡面包含血塊、白血球、子宮內膜、胎盤…試想像9個月嘅月經一鑊過流出嚟會點樣，

最難頂嘅係長時間包住一塊又厚又長嘅產婦衛生巾，然後惡露味道又臭臭地，感覺下面都要發霉了，好彩茄蛋媽流到BB滿月前幾日就清曬。









坐月期間用了一個月即棄棉內褲，平均每日兩蚊雞，係唔環保，但惡露漏落低褲洗唔甩更煩。

乳房嘅悲哀

乳房係另一個最痛苦嘅事情，谷奶痛係我產前無諗過亦完全唔知道嘅一件事，原本以為生完就比奶奶bb食就Ok no problem，無諗過餵奶就係=痛！

首先係谷奶痛，「石頭胸」就係谷奶最好嘅代名詞，谷奶時個胸硬到好似石頭咁，第一次谷奶係產後第5日夜晚，個胸硬到打側訓時掂到張床就痛到彈起！



產後其中一個壓力就是要追奶，幸運是奶量都很足夠



產後第二日嘗盡了試過埋身但唔太成功，所以用好勤力用針筒收集初乳

其次痛係BB啜損嘅痛，損左啜甩曬皮就更加痛痛痛痛痛！唔好睇少呢種皮外傷/ 谷奶嘅痛，係可以迫到人癲！除非較啱BB食奶嘅時間，否則就要出動電泵泵出嚟舒緩谷奶痛。



餵母乳嘅媽媽必須準備大量乳墊，溢乳嘅情況每晚都會浸濕曬成個胸圍

每日餵奶泵奶又係痛，條頸超痛，因為餵奶泵奶都會向下望，感覺已患上肩周炎！仲有係個頭啜到好長、個頭乳雲呈黑青都好惡頂，初初泵奶更會因為想泵多d而狂擠乳房，呢個完全係一個自殘嘅行為。

餵奶低頭、泵奶低頭、抱bb望bb又低頭，坐月期間長時間低頭，條頸真係好痛。

虎背熊腰大肚腩

產後我無馬上去磅重，反而係醫院照過鏡，見到鏡裡面嘅自己，「慘喇慘喇」，個肚皮又The又黑，用手指督一督個肚皮拋下拋下，產後第五日成個人腫曬，面腫手腳都腫，除左飲紅豆焗水消腫，束腹帶都日日用，但好快就回復，不過腰粗背厚唔可能一時三刻打回原形，重點係漲奶令上圍睇落好巨型，變相成個人變到好壯，暈喇

產後一個月零一星期，暫未正式修身，但水腫去曬，剩低個鬆泡泡嘅腩仔，好擔心呢世個肚皮都係咁呀。



茄蛋媽天真地以為生完好快會回復正常，一直都無睇過 「產後症狀」係點，單單係處理身體嘅變化、適應每三個鐘就谷奶控制嘅身體，已經令我就快崩潰，加上嚴重睡眠不足，對於一直樂觀嘅我都憂鬱地喊左好多個晚上

頭一個月真係成世人未試過咁攰，bb會因為唔同嘅問題夜晚訓唔著，加上放題式嘅餵奶日夜無眠，難免令人產生好多負面情緒。

頭果兩星期成個人精神都將近崩潰，好攰好攰，尤其係茄蛋媽返外家坐月，雖然媽咪照顧三餐、幫bb沖涼，每日煲薑水比我沖涼，但日夜照顧bb都係自己搞掂，老公初初體會唔到當中嘅痛苦，可能以為餵奶啫，餵完佢訓你咪訓囉，其實新手媽媽要面對嘅難題太多了，每日都要學習實踐共同進行，要關注bb頭暈身慶、大小二便、餵奶掃風、習慣佢嘅生理時鐘，自己身體嘅痛楚已經無時間照顧好，甚至連去大便都會係一件好奢侈嘅事，果一刻覺得好委屈！



茄蛋爸幫拖餵夜奶，我地用仿頭奶樽，避免bb混淆。

老公每星期放假都會嚟住一晚體驗下坐月湊bb嘅辛酸， 知道好多媽媽產後憂鬱大部分都係因為奶量同埋周邊人無心嘅語言傷害，雖然無奶量不足嘅問題，但精神上嘅折磨都令我一度崩潰，好彩有媽咪嘅支持。

所以未決定請唔請陪月？邊度坐月？記得要考慮清楚邊樣會令自己最舒服，好慶幸 選擇返外家坐月，媽咪無微不至嘅照顧，令初為人母嘅茄蛋媽感動到偷偷喊咗好多次，世上只有媽媽好，銘記於心

唔好睇少呢d產後症狀，如果你就快生，又睇到我今次嘅分享，至少有定心理準備，知道產後唔會咁爽皮，仲可以提早提下老公，減少摩擦，祝各位準媽媽生產順利，產後盡快恢復啦！大家加油。

街頭激動開火 賈曉晨被路人罵潑婦

已北上工作多年嘅藝人賈曉晨（JJ）同老公樊少皇，近日被大陸網友拍到喺北京因車輛問題與路人爭執嘅片，片中見JJ與路人爭執，情緒激動。

爭執時被鬧「刁民潑婦」

片段中聽到JJ話：「我明明看到有車跟我們一塊兒進來的，就攔着不讓我們進！」佢又嬲爆地指責路人不講道理，而樊少皇似在身旁勸解不果，期間激動到爆嘅JJ，仲一度推開樊少皇，勁冇癮嘅樊少皇，只好自己一個匿返上車。JJ就繼續同對方嘈，更被路人鬧佢「刁民潑婦一樣！」片段被大陸網民瘋傳。

微博解話指自己畀人圍

JJ喺今日凌晨就喺微博上載一大篇文章，為自己喺片段中嘅表現解話。佢指當時自己畀七、八個大男人圍住，對方莫名擋住條路，企喺佢同樊少皇架車前面，仲用磚頭「封路」唔畀佢哋過。當下佢就嬲到上心口，決定同對方理論，仲鬧爆對方不講道理。JJ又指自己當時已經報咗警，不過遠水不能救近火，所以佢先會據理力爭。

公開道歉認衝動

事後佢返到屋企都有畀屋企人同朋友話，指佢太衝動，所以JJ都有喺文中向大眾道歉：「在此我也表示一下歉意，可能自己當時確實太衝動了。但這個歉意是對自己來說，並不是對那些討厭的傢伙說的。如果以後還遇到這樣的事情，我會依然堅決反抗到底，但會保持好自己的情緒。最後，謝謝大家的關心。」

【座駕捱撞】李克勤嬲爆：道歉都冇句

尋晚李克勤就撇低老婆同一對囝囝，揸車去咗跑馬地搵朋友食飯，泊好架車入咗餐廳冇耐，就有一名外籍男士揸車到場，外籍男士想泊車喺李克勤架車後面，可能斜路泊車有啲難度，外籍男士先撞到後面架車，之後駛離時再撞到李克勤架車，不過外籍男士未有理會發生碰撞，揸車去咗其他位泊車。

李克勤得悉座駕捱撞之後，立即從餐廳步出查看傷勢，一臉無奈表示：「都唔係好嚴重算數喇！不過最嬲係，道歉都冇一句就走咗。」其後李克勤知道涉事汽車由外籍人士駕駛時，他搞笑表示自己能操流利洋語，可以和對方當面對質，之後李克勤便返回餐廳。未知是否擔心座駕再有危險，李克勤返入餐廳冇耐就埋單走人。

【同Stephy分手半年】驚爆「超力戀」 小方超蓮拍拖3個月？

何家三房千金同明星特別有緣，好似超雲早年同陳山聰拍拖嗰陣，以為佢做硬何家女婿，點知忽然撻Q，至於細妹超蓮就先同吳克群甩拖，跟手又同「富三代」霍啟山撐枱腳，點知最終揀咗方力申!!!

方力申同拍拖十年嘅Stephy(鄧麗欣)分手，當時小方同Stephy都喊晒，不過件事過咗半年，小方即重新出發，早前先傳出小方透過李蘊囡囡搞百日宴識到超蓮，席上小方大獻殷勤，坐超蓮身邊，二人有傾有講，有傳超蓮去洗手間，小方都企喺門口等，今日有周刊指，36歲小方同超蓮拍拖3個月，小方做咗「點滴是生命」嘅活動大使多年，上周就同超蓮一齊去尼泊爾做義工，據知以往嗰三年，小方都會搵埋Stephy一齊，點知今年就換咗同行嘅超蓮，去探訪喜馬拉雅山腳嘅貧民區過咗5日4夜。周刊又指，二人喺上周六跟大隊返嚟，小方成程企喺超蓮身邊，細心為超蓮開支水，仲一支兩份飲，小方仲出手掃超蓮背、又輕摸頸，又離隊5分鐘，行埋一邊睇相調情，有指係因為G.E.M.同李蘊撥行大葵扇先令小方同超蓮撻著!?據知情者向報道爆，有次小方同超蓮一齊上銅鑼灣私竇飲嘢，幾杯落肚，即坐得好埋，當時友人仲以為小方仍為Stephy傷心，怎料小方已搵到下一個目標。有關小方嘅報道，小方透過公司回覆：「今次他們二人都是以大使身份為點滴是生命到尼泊爾探訪，佢哋只係朋友關係，其餘就無回應了~~」

莫少聰發火怒插舊愛洪欣：錯都在我嗎？

莫少聰於微博突然向十七年前為其未婚產子的舊愛洪欣發炮，強烈不滿洪欣多年來抹黑他，並火氣十足留言謂：「感情的事，大概是當局者迷，旁觀者更迷。愛與不愛，終究都是愛過的。愛的時候，狠狠愛用力愛，不愛的時候，就算無心祝福，也不妨做最熟悉的陌生人。無論如何，不要以愛的名義互相傷害，這麼多年了，我做任何事情都能見到你的人追在後面潑穢水，我離婚被你罵，撫養女兒被你罵，連做公益也要被你罵。」

莫少聰連珠炮發後，似乎驚死洪欣冇留意咁，竟Tag了對方再問責謂：「請你撫心自問，當年的事，真的錯都在我嗎？我沉默不代表我不敢說，為了兒子，希望不要再有下一次。」不過洪欣似乎無意理會，直至現在也未有更新微博或作任何反擊。

兒子出生前突分手

莫少聰跟洪欣於1997年相戀，兩年後洪欣在加拿大誕下兒子莫鎬廉，不過在兒子出世前，二人突然分手，由洪欣獨力撫養兒子。近年莫少聰及洪欣各自組織家庭，洪欣嫁予內地藝人張丹峰後，兒子亦改跟繼父姓及改名為張浩鋒。

這對舊情人多年來互不相干，但如今莫少聰突掀罵戰，未知是否因其近期與孫雲玲離婚，又要照顧年幼女兒及忙於工作，以致情緒波動有關。《東網》曾就事件聯絡莫少聰及洪欣，至截稿前未有回覆。

坤哥秘戀王卓淇 龔嘉欣疑做第三者

吳業坤（坤哥）參加《超級巨聲》開始都係行宅男路線，但緋聞絕對唔少，坤女郎一個換一個，連佢自己都成日自嘲「偽毒可恥」！近日有指偽毒坤原來一早同14年港姐亞軍王卓淇（Erin）撻着，發展地下情，但今日王卓淇就公開吐苦水疑似被搶男友喎！有指呢個第三者就係偽毒坤「家姐」龔嘉欣？劇情峰迴路轉，偽毒坤又一次偷食又一次陷入三角戀喎，究竟咩事呢？

據知食開好西嘅坤哥同王卓淇拍《J2安樂蝸》嗰陣識嘅，身為護膚品生產商太子女嘅Erin屋企有錢之餘，靚女又有長腿又有學識，最緊要兩個都鐘意唱歌，有埋共同興趣，坤哥得米話都冇咁易啦。不過由於佢哋驚俾公司照肺，所以就玩低調冇公開戀情。兩人除咗不時一齊唱歌夾band外，Erin仲公開指坤哥係佢男神，兩人仲疑似帶情侶帽，連坤哥紅館演唱會Erin都坐正第一行支持男友！

雖然兩人冇公開戀情，不過好多人都知佢哋成日黐埋一齊，當然身為偽毒「家姐」嘅龔嘉欣都知啦。性格主動又進取嘅龔嘉欣被指專做第三者，之前姣媾楊明被正印莊思明擊敗，而今日就有指佢疑似暗媾「細佬」坤哥搶人男友。兩人以姊弟相稱，一齊拍劇日見夜見之餘，龔嘉欣仲嗌坤哥返屋企教佢唱歌！

睇睇現任坤女郎Erin點回應先，佢就話感情上遇到呢種人好痛苦，總要經歷一些事情才會看清一些人。對於甚麼是朋友，佢就有一個新嘅理解，總之做人做事於心無愧就好。唔通係講緊龔嘉欣？

而龔嘉欣就隔空回應唔想再捲入呢啲是非，唔想再俾機會人做新聞喎！究竟話緊邊個呀？好亂呀！而自稱入咗行之後冇拍過拖嘅坤哥就話同Erin一直只係同事加朋友嘅關係喎！Erin今日又突然再喺社交網站回應話沒有承認過任何臆想的愛情故事喎！吓？真相係點，真係只有佢哋三個先知啦！

回港即炒車 方中信和解：整車有限錢！

藝人方中信於上午11時許，在九龍城侯王道遇上交通意外，由於他外型Sharp醒，不少路人發現是方中信即停步圍觀。方中信駕駛的電動車與一部七人車發生碰撞，他的電動車車頭受損撞凹，事件中一名65歲女途人受傷送院治理，警方到場後為方中信及車禍中另一司機作酒精呼氣測試（俗稱吹波波），兩人均為零度。

唔使對方賠錢

《東網》聯絡到方中信，問到意外發生經過，他說：「當時係想轉線，後面架車可能開快咗少少，所以就撞到，人就冇事，架車（沙板）就撞凹咗少少。（係邊個唔啱？）依家都和解咗喇。（傾咗賠償？）唔使對方賠，整車係有限錢，唔使好多，但依家要揸架車去整。」

返港幾日

方中信表示只是回港短短數天，上次回港宣傳劇集後便離港。另外，講到主演的劇集《律政強人》今晚大結局，他透露未有相約同劇演員睇結局，但自己都會留意結局播出。

門口煲煙吹水 吼冇人飆入店 吳岱融四圍𥄫 鬼祟揼骨

【佐敦】

曾被封新加坡第一帥哥的吳岱融，現年57歲的他雖然變了白頭佬，但身形依然弗得好瀟灑冇走樣，樣貌更似凍齡越老越有魅力，淡出娛樂圈十多年的他，最近在劇集扮奸角人氣回升；日前單拖駕車到佐敦的水療店，在門外跟泊車職員吹水扯煙，企街等了十多分鐘後，趁途人漸少一支箭鬼祟進入店內，泊車職員更幫他駛走座駕，不知搞乜景轟！

【顯尷尬】

■57歲的型佬吳岱融，日前出席完活動後就獨自到按摩店梳乎。DV圖片

【泊好車】

■吳岱融駕着橙色豐田車駛到佐敦。

【篤手機】

■走到一間水療按摩店門外，扯着煙的吳岱融與泊車職員吹水。

最近吳岱融在劇集《巨輪II》扮演獸父高天鷲，性侵演養女陳凱琳，因超高班的演技被網友激讚一人救全劇，令年過半百的他人氣翻生。本是新加坡人的吳岱融，跟前藝人鍾淑慧結婚20年，兩人育有一名19歲的兒子，近年才復出的他生活低調，日前到西九龍中心出席活動後，約下午2時許，一身戲服look的吳岱融單拖駕車離去。
駕着橙色豐田車的吳岱融，初時還以為他返家休息，怎知他卻駛去旺角再落佐敦，其間不時瞄隔鄰的座位似沉思，當他到達佐敦偉晴街，將座駕泊在咪錶位，落車後即點煙喪扯，只見他邊行邊篤手機，之後走到一間水療按摩店門外，其間有途人認出他主動打招呼，吳岱融雖然禮貌回應，但卻笑得有點尷尬。

【去梳乎】

■吳岱融兩頭望，見周圍途人減少後，就飆入按摩店內。

■有網友指曾見過鍾鎮濤及山度士幫襯該水療店。

鍾鎮濤幫襯過只見吳岱融在店外與泊車職員不停吹水，邊傾邊扯煙，又不時左顧右盼，似乎想視察有否被傳媒追訪，他在店外企足十多分鐘後，直至見街上途人漸少，即一支箭鬼祟飆入店內。奇怪的是，泊車職員待吳岱融入店後，就行去咪錶位駛走他的座駕，記者在門外等了兩個多鐘，都不見吳岱融離去。
這間水療店設有桑拿、揼骨等服務，有網友指曾見鍾鎮濤、山度士光顧，是一間正骨場；亦有網友指店內水池設備不錯，但休息室的面積略細，經理招呼很好，幫網友揼骨的湖南女師傅後生靚女：「全程好女友feel，又讚我靚仔，又叫我baby、honey。」

■吳岱融與鍾淑慧結婚20年，兒子今年已19歲。資料圖片

曾遭無綫雪藏
昨日記者致電吳岱融了解，問到是否拍劇辛苦要揼骨鬆一鬆？他表示不方便接受訪問即匆匆收線。昨吳岱融在微博留言：「沒有任何一種品格是可以高枕無憂的。一個人清高，就更要寬容，否則清高就成孤傲。」
在新加坡出生的吳岱融生得青靚白淨，當年被傳媒封為「第一帥哥」，87年攻港簽無綫拍劇，與梁朝偉合作《絕代雙驕》扮演花無缺一炮而紅，惟其後吳岱融因私自亮相亞視宣傳新碟，結果觸怒無綫被雪藏，最後更被解約，之後轉戰電影圈拍三級片，與老婆鍾淑慧合作拍《滅門慘案之孽殺》、《替天行道之殺兄》，兩人結婚20年恩愛如昔，去年12月他在微博晒老婆貼面合照，留言：「11月28日是我們結婚二十周年，老婆，謝謝您！」
採訪、攝影：黃曉程、朱志聰

來源 source: http://hkm.appledaily.com

李佳芯畀仔圍住跳舞

藝人陳庭欣、王浩信、李佳芯及劉溫馨等現身尖沙咀夜店，為新劇《踩過界》拍攝無綫節目巡禮宣傳片。向來身材甚有睇頭的陳庭欣大騷天賦本錢，穿上超貼身裙上陣，毫不吝嗇展現Big爆上圍及小纖腰，微微露事業線，已成功揮低以背心裙亮相的上位花旦兼主角李佳芯，即使拍攝佳芯被仔圍戲份，但焦點仍落在陳庭欣身上。

王浩信大開耳界

於劇中演盲人律師的王浩信，表示今次絕對是演技大挑戰，為此更於開拍前到失明學校上課。問到是否大開眼界？他搞gag謂：「係大開耳界就真，一直以來做戲都係靠幻想，今次就靠幻聽，因為盲人係靠聽覺，同埋今次演律師，戲入面會遇到好多法律問題，之前都要做定功課，都有搵客串嘅朱千雪幫手，因為佢讀緊法律課程，有咩問題都可以問佢，本來想叫佢幫手做法律顧問，但佢又唔肯。」

李佳芯嗌增肥

而飾演法官的佳芯，就透露為突出角色返工前後的分別，兩個造型會有所分別。問到會否有性感打扮？佳芯謂：「衫都未出，未知性感程度。（要keep fit？）唔使，都夠fit，反而想肥少少，有肉地好睇啲。（擔心呢啲角色令你『無綫邪花』個名又出番嚟？）呢個角色唔係好豪放，係思想開放啫！」

宅男女神李佳芯（Ali）憑劇集《律政強人》及早前的《潮流教主》，逐漸洗去壞女人角色的味道。今次在《律》中更要飾演蠢鈍律師，李佳芯笑謂是做回自己：「今次角色係幾蠢嘅，後來有方中信做後盾先慢慢學精，做嘢會有啲踩界。開頭好似做番自己咁，現實我都係個『得個樣』嘅人，啲人以為我成日去玩，其實我係超級宅女。啲人睇我個樣好似好有信心，但實際我係冇乜自信；好似啲人覺得我個樣似小三、狐狸精，但我其實諗嘢好直接，諗到就做，唔識陰謀詭計。」

做定功課唔想衰

李佳芯劇中的角色像小綿羊落入如狼似虎的廖啟智與方中信手中，拍攝前聽到要與兩人合作已感到壓力巨大，她說：「聽到佢哋個名壓力就嚟，但好快就冇，因為自己唔想嘥咗機會，於是集中精神去做功課。不過到出街前又有壓力，聽啲同事話套劇好好睇喎，個個讚到咁就開始有壓力，出街前嗰晚都瞓唔着，好彩一出街就鬆晒。」

瞞住楊怡咀嘴？羅仲謙淡淡定話唔使講！

月初剛與楊怡完婚的藝人羅仲謙，雖娶得美人歸，但謙仔在影視圈仍艷福無邊！繼月前為網劇《無間道》與內地演員朱銳拍親咀戲外，其實他之前所參演的劇集，都曾與不少女演員有親嘴鏡頭。

如早年拍無綫劇《搜下留情》和《On Call 36小時》，期間幾乎與黃智雯咀出「愛火」，而後期亦在《衝線》中與蔡思貝咀出不少緋聞，但定力十足的謙仔，最後都情定楊怡，即使今次在婚前與朱銳於《無》劇中上演親嘴戲，亦表現淡定，事前更沒有向老婆阿怡備案，謙仔接受《東網》訪問時說：「阿怡都係呢行，呢啲佢好明白，唔使講！（呷醋？）唔怕，佢對我有信心！」

以男性戲份做主導的《無》劇，談情戲其實不多，而感情線較重的則要數謙仔跟朱銳這部份，所以這場談情戲謙仔都很重視，幸好得導演安排，開拍了一個月才與朱銳拍咀戲，所以更易投入，謙仔說：「同朱銳熟咗，所以一早有默契！（事前準備？）好彩拍時唔太熱，唔使身水身汗，要準備嘅都係一般刷牙、啷口同𡁻香口膠！（拍咗幾多Take？）幾個啦！導演想攞多幾個角度。」

Formula E比賽期間 3男涉操控航拍機被捕

航拍又惹禍！電動方程式賽車錦標賽(Formula E)上周六(8日)起一連兩日首度在港舉行，雖然警方賽前已提醒公眾維港兩岸不宜航拍，但仍在昨日(9日)賽事期間發現3部航拍機在活動場地上空飛行，3名男子涉嫌違反《1995年飛航香港令》被捕，現已獲准保釋候查，需於下月上旬向警方報到。執業大律師陸偉雄表示，雖然香港目前沒有法例規管航拍，但使用航拍人士仍受《1995年飛航香港令》第48條規管，具法律效力，如因鹵莽或疏忽操作無人機危害他人或財產安全，一經定罪最高罰款5000港元，及可被監禁最多2年。

警方發言人表示，在昨日下午約4時半發現3部無人駕駛飛機，於中區一賽事活動場地上空飛行，嚴重危害公眾安全，警務人員其後在中區龍和道拘捕3名介乎28至42歲男子，他們涉嫌違反《1995年飛航香港令》，案件交由中區警區跟進。警方呼籲市民勿在人群集結的地方，作出罔顧公眾安全的行為。據了解，其中2名被捕人士為40歲聶姓男子及28歲容姓男子，報稱為婚禮攝影師；另1名則是報稱程式員的沈姓男子，3人均承認當時正操作航拍機。

無人駕駛飛機系統屬航空器一種，其飛行安全受《民航條例》規管。根據條例，重量不超過7公斤(不計燃料)的航空器屬小型航空器，毋須向民航處申請「飛機登記證」及「飛機適航證」，但市民放飛無人機時應維持放飛高度不超過地面以上300呎；如發現有飛機飛近，須立即將無人機着陸，無人機的飛行地點必須遠離建築物、人群及直升機坪，以及一切可干擾無線電信息的電源，例如電線、變壓站、高壓電線和變壓塔等。

市民亦不得在機場及飛機升降航道範圍附近放飛無人機。這些地方包括香港國際機場、大嶼山北部沿岸地區、大欖涌至荃灣沿岸及青衣島一帶、維港沿岸地區和石崗一帶。任何人士若在香港操作重量超過7公斤(不計燃料)的無人機作消閒用途，均須在操作前向民航處提出申請。

民航處今年4月回覆立法會議員提問時指出，當局在過去3年，並無接獲涉及無人機的意外報告。

轉行做藥廠OL 韓君婷再度退出娛樂圈

藝人韓君婷和顏子菲在銅鑼灣出席「NuMe名人醫美外科中心」周年慶活動。現年41歲、曾在2010年宣布暫時退出娛圈的韓君婷，今日在活動中再度宣布會慢慢退出娛樂圈，專心從事德國一間藥廠的「Practice Development Executive」職位。訪問時，談到韓君婷的「退出宣言」，韓君婷即謂：「我諗娛樂圈呢世都唔會退出到，喺街又會撞到你哋（記者），又好多朋友仲喺行內。」但因為已經當了OL一段時間令心態改變，同時現時醉心於醫學美容，所以難以重拾演藝事業。問會否做「白老鼠」？曾經因撞歪鼻而接受醫學美容的她即謂：「會！」又謂撞歪鼻事件令她知道醫學美容可以發展成自己事業，問新工開了幾多日？她即笑住話返了一個星期。

談到她的鼻子，她就指直至現時為止做了一次半手術：「每次做手術都令創傷加大，加上之前因為環境而發炎。」所以之後的手術要慢慢嚟，又謂自己現時生理心理均好好：「只不過係做唔到影相Model啫！」

升胸顏子菲：行步路都挺啲

至於第二年擔任代言人的顏子菲，之前就透過醫學美容由A Cup躍升成34C，直言對現時身形滿意她表示人生因此而改變：「行步路都挺啲！」問會否因身材變好而吸引更多追求者，她笑謂：「唔清楚！唔會因為我個胸大咗就有人行埋嚟話鍾意你嘛！（前男友有冇笑過你細？）冇！都係真愛！」談到新聞稿指她升胸後乳頭變Pink，她即大賣關子，叫女士們親身來試，認真搞笑。

笑番啦》陳子聰肝病有起色 何超儀蒲頭飲酒好Happy

週日（十月二日）晚十點左右，之前為照顧陳子聰而頻頻撲撲的何超儀，現身好友LMF成員Davy的「野武士」餐廳開張儀式，到賀的圈中人還包括鄭中基兩公婆、李璨琛、Kevin仔、龍小菌、𡃁模Evelyn蔡穎恩等。 開張拜神儀式後，早到場的Evelyn和幾個朋友坐在門口附近吹水，之後鄭中基夫婦、Kevin仔陸續到達；由於室內空間有限，一班賓客，索性聚在門外，邊飲邊傾。 差不多十點，何超終於出現，經過身邊的朋友，有撲埋身熱情攬錫，有拍膊慰問，何超則表現得若無其事，企街吹水近兩粒鐘，臨走前，更將手上由頭揸到尾的燒酒飲清。

休養中的陳子聰身體狀況穩定，雖然身形大縮水，但精神很不錯。 「發現有病，子聰一直以正面態度去面對，做完腸手術後進展亦轉好，醫生話只要等佢身體負荷到，就可以開始進行肝臟治療，何超係對治療愈來愈有信心，但另方面佢亦想盡方法，幫子聰調理好身體，兩公婆一齊打仗。」知情者說。

暴瘦100磅！張偉文唔敢收歌酬：怕唱唔到

「靚聲王」張偉文（Donald）近年深居簡出，上次出席公開場合已是去年八月舉行演唱會的時候，當時被腰患纏繞的他已要以輪椅代步。日前約下午五時，《東網》記者發現他在唱片公司高層陪伴下搭的士來到尖沙咀美麗華商場，行動不便的他全程要以輪椅代步。當日他身穿輕便裝束，身型明顯比去年消瘦不少，面容略為憔悴，之後兩人搭𨋢到18樓睇骨科醫生。

唔想依賴止痛藥

受訪時講到現時身體情況，Donald一開始先自嘲：「未死得。」之後謂去年五月做了腰錐及骨髓手術：「我尾龍骨第四、五節兩舊生埋一舊，好大塊壓住神經，做咗鑽窿。不過我覺得手術唔係好成功，做手術前可以行三百幾步，但做完手術後只係之前嘅三分一，以前可以企10至15分鐘先麻痺，但依家唔夠5分鐘就麻痺，依家腳痺係直情好似畀針拮咁。如果我依家起身想行路係要練習兩、三個鐘先行到，但之前起身稍為出啲腳力一陣就會行到。」他亦謂不想再依賴食止痛藥：「唔係次次有效，有時食咗可以即刻行，但有時企起身仲係痛，同埋食止痛藥唔會好番，諗諗吓唔對路，所以就嚟睇醫生。」他亦謂手術後曾跌過傷口位兩次，未知這是否跟手術效用有關。

260磅變160磅

講到消瘦不少，Donald即苦笑：「邊開心，邊開胃食嘢？一諗到食會重啲、行得更辛苦就有壓力。」他亦表示現時有160磅：「我最重係260磅，入環星時係230、240磅，之前個30磅係用咗12年時間瘦，但由200磅跌去160磅就係呢兩、三個月暴瘦，不過我戒口都戒得好犀利，我淨係食半嘜米同一嚿餸。」

「怕萬一有事唱唔到」

談及有指他不肯收演唱會歌酬，令人惴測他健康狀況有異，他亦大方承認：「係呀，以前我習慣分三期收歌酬，但今次我同主辦單位講唔收住囉，我唔係唔想做演唱會，只係怕萬一有事唱唔到，不如等我唱完先再一次過收錢啦。」

有傳他10月舉行的香港演唱會將是其「告別作」，他說要視乎身體狀況，不過會樂觀面對病情，Donald說：「我熱愛生命，雖然做完手術嗰陣抱好大希望，最後點知唔係預期咁，但都一直樂觀面對，希望唔會惡化啦。」雖然身體抱恙，但他表示會照常工作開騷，十月會在港舉行幾場演唱會，更有機會到美國演出：「今年對方都接受我坐喺度唱歌，除非我唔唱得。」

有圖有真相》飛甩Band佬 胡定欣唔敢張揚愛煎Pang

陳展鵬喺車上搞咩要胡定欣抹哂咀? 唔好心邪，食個糖水啫。

不過，兩個成日喺網上調情，句句對白都曖昧十足!明張目膽傳情都未夠喉，兩個人接受傳媒訪問嘅時候，雖然避談戀情，但係胡定欣都忍唔住開到聲問︰「我們會相愛嗎?」陳展鵬接著話︰「我都是苦命! 可能...可能...可能...」

可能咩啫，你睇胡定欣個眼神，幾想陳展鵬答一句我地會相愛㗎! 

不過，同陳明道分手冇耐，胡定欣就算同煎Pang撻著又好，都唔可以咁快公開。但多次俾《壹》仔斷正煎Pang車胡定欣走人，唔想令呢段啱啱萌芽嘅戀情見光死，煎Pang呢日唯有自己揸車番工，扮晒避忌咁。我哋就趁胡定欣番大台嘅時候，問下佢係咪同展鵬戲假情真先! 點知定欣一句︰「拜拜」就轉身走人。呢個風騷嘅拜拜，再加跳脫嘅背影，完全feel到咩叫如沐春風呀!

食得唔好嘥》陳展鵬拍劇冧拍檔「Pang」女郎逐個捉

拳佬陳展鵬同刁蘭胡定欣拍劇拍出真感情，其實又有咩出奇吖！無女不歡嘅陳展鵬

，幾乎每次拍劇都同身邊嘅女拍檔特別投契，要數佢身邊出現過嘅「Pang」女郎，真係多到十隻手指都數唔晒㗎。

先講亞視年代，陳展鵬就同過亞姐姚佳雯拍過拖，仲經常突擊探班冧女友， 呢啲基本工12年拍《情越海岸線》，陳展鵬出動哂私家櫈比李施嬅開工，溝掂就密密孖住放狗，關係曖昧到呢！

之後拍《巨輪》果陣同玉女鍾嘉欣做一pair，呢個時候，陳展鵬當然唔會放過任何一個溝女機會，返工放工都出動百萬戰車管接管送， 兩個仲比斷正過係車廂中纏綿，可惜關係見光死！

至於近年，拍《張保仔》果陣佢有陳凱琳同傅嘉莉兩個靚女做拍擋作為大哥哥，教做戲，大獻殷勤又點少得，可惜陳凱琳嫌佢學歷低，三個月貨仔就即撇，被陳凱琳狠飛，好彩都仲有主動到爆嘅發電廠傅嘉莉慰藉，食得唔好嘥，兩個係橫掂拍劇嗰陣經常離隊好快就打得火熱，煎pang仲出哂口術話恨同對方拍床戲， 所以話，同親煎pang拍劇要朝夕相對，真係好易出事！

食得唔好嘥》陳展鵬拍劇冧拍檔「Pang」女郎逐個捉

食得唔好嘥》陳展鵬拍劇冧拍檔「Pang」女郎逐個捉

拳佬陳展鵬同刁蘭胡定欣拍劇拍出真感情，其實又有咩出奇吖！無女不歡嘅陳展鵬

，幾乎每次拍劇都同身邊嘅女拍檔特別投契，要數佢身邊出現過嘅「Pang」女郎，真係多到十隻手指都數唔晒㗎。

先講亞視年代，陳展鵬就同過亞姐姚佳雯拍過拖，仲經常突擊探班冧女友， 呢啲基本工12年拍《情越海岸線》，陳展鵬出動哂私家櫈比李施嬅開工，溝掂就密密孖住放狗，關係曖昧到呢！

之後拍《巨輪》果陣同玉女鍾嘉欣做一pair，呢個時候，陳展鵬當然唔會放過任何一個溝女機會，返工放工都出動百萬戰車管接管送， 兩個仲比斷正過係車廂中纏綿，可惜關係見光死！

至於近年，拍《張保仔》果陣佢有陳凱琳同傅嘉莉兩個靚女做拍擋作為大哥哥，教做戲，大獻殷勤又點少得，可惜陳凱琳嫌佢學歷低，三個月貨仔就即撇，被陳凱琳狠飛，好彩都仲有主動到爆嘅發電廠傅嘉莉慰藉，食得唔好嘥，兩個係橫掂拍劇嗰陣經常離隊好快就打得火熱，煎pang仲出哂口術話恨同對方拍床戲， 所以話，同親煎pang拍劇要朝夕相對，真係好易出事！


陳展鵬喺車上搞咩要胡定欣抹哂咀? 唔好心邪，食個糖水啫。

不過，兩個成日喺網上調情，句句對白都曖昧十足!明張目膽傳情都未夠喉，兩個人接受傳媒訪問嘅時候，雖然避談戀情，但係胡定欣都忍唔住開到聲問︰「我們會相愛嗎?」陳展鵬接著話︰「我都是苦命! 可能...可能...可能...」

可能咩啫，你睇胡定欣個眼神，幾想陳展鵬答一句我地會相愛㗎! 

不過，同陳明道分手冇耐，胡定欣就算同煎Pang撻著又好，都唔可以咁快公開。但多次俾《壹》仔斷正煎Pang車胡定欣走人，唔想令呢段啱啱萌芽嘅戀情見光死，煎Pang呢日唯有自己揸車番工，扮晒避忌咁。我哋就趁胡定欣番大台嘅時候，問下佢係咪同展鵬戲假情真先! 點知定欣一句︰「拜拜」就轉身走人。呢個風騷嘅拜拜，再加跳脫嘅背影，完全feel到咩叫如沐春風呀!
 

負腳傷開工冇去飲 定欣強調同楊怡冇不和

無綫藝人胡定欣之前因拍攝劇集《同盟》而扭傷腳踝，昨日她於電視廣播城復工，她坦言之前已到醫院照X光檢查，更表示當時都好嬲自己，定欣謂：「啱啱一開工就整親，好在啲骨冇事，休息咗兩日就開番工，因為劇入面我成日都要着Boot，依家唔使拍攝時就着平底鞋畀隻腳休息吓，依家隻腳未散瘀，仲痛，但行動自如，希望呢套劇大家都小心。」

「楊怡有請我飲」

定欣表示一年前這個時候拍《城寨英雄》時咁啱都整親手指，問到她為何沒有出席楊怡婚禮，定欣說：「尋日已開番廠，所以去唔到，睇咗婚禮報道都有傳短訊畀楊怡，睇咗報道都好感動，都眼濕濕，好戥佢開心。（之前有傳過不和？）又講呢啲真係好悶，佢有請我，但係之前已經講要拍劇去唔到，其實我同楊怡好好，絕對冇不和。」

周永恒認兩打舊愛Cherie：再搞我就報警！

周永恒（Roy）與組合O.M.G成員黃芊詠（Cherie）7月尾分手，Cherie不時在網上大呻失戀，前晚更發文大爆曾被對方打！Roy受訪時終坦承曾兩度向Cherie動粗，又自爆也被人打傷。Roy又聲稱分手後仍不斷受到Cherie騷擾，經常傳性感相及情慾短訊約他進行「親密行為」。Cherie則反警告若Roy繼續騷擾自己，不排除會報警！

現年32歲的歌手周永恒本年初搭上只得23歲、擁34D身材的女子組合O.M.G成員黃芊詠，兩人相戀八個月，期間曾傳兩人發生肢體碰撞，但兩人否認，事後更齊齊現身活動晒恩愛闢謠，直至7月尾，Cherie承認已跟Roy分手，原因是性格不合致經常為小事爭執。

聲稱曾被女方抓傷

據知兩人現時均已另結新歡，其中Roy結識了現年30歲、名為Britni的內地女子，Cherie就有富二代男友，不過分手後Cherie仍不時在Facebook大呻失戀之痛，前晚更在Facebook大爆曾被Roy打。Cherie前晚留言說：「周永恒我嚴重警告你，唔好再話我騷擾你啊！先撩者賤啊！」發文獲不少圈內及圈外人留言，當有人勸交時，Cherie留言：「打我佢無錯？」聲稱Roy曾打她，歌手曲赤亦搭嗲撥火說：「佢真係太過份啦！」惟此發文在數小時後已被刪走。

對於被指曾打人，昨日Roy接受記者電話訪問，由否認變承認曾兩次「兜巴星」Cherie，並大爆內幕原因：「第一次係因為佢濫用藥物，見佢喺張床好辛苦，所以摑咗佢幾巴，希望可以摑醒佢。第二次係同佢喺大陸返嚟香港，佢話有個老闆問佢價，願意出一萬，我身為佢經理人同男友，我聽到之後好嬲，為咗想阻止佢，所以就摑咗佢幾巴。（擔心被告打人？）唔怕，我打佢係有原因，牧師都知呢件事，人證物證俱在，點解佢唔講我打佢嘅原因？」他續聲稱其實女方都有打他：「有次我錄音，佢突然發狂，扯到我件衫爛咗，又抓我心口，依家條痕都仲喺度，係永不磨滅！」

「成日send鹹濕說話嚟」

對於Cherie的指摘，Roy對此反擊指女方分手後仍不斷性騷擾他，多次想約他進行親密行為，多次留言：「我想XX」、「我想同您XX」和「衰人我掛住您呀」，Roy說：「依家邊個騷擾邊個呀？分咗手後我已經block晒佢啲聯絡方法，但因為換唔切電話，所以先仲有SMS。佢成日凌晨四、五點打畀我，仲叫我同佢發生親密關係，唔該佢尊重自己啦！我哋曾經愛過，佢事業都有理想，所以我同佢解咗經理人合約都仲介紹job畀佢，但可能因為咁令佢誤會我仲鍾意佢。其實我都忍佢好耐，佢不停搵我，成日send啲性感相同鹹濕說話嚟，我一直都唔覆佢，因為好驚影響到依家女朋友。」

他續謂新女友搵過Cherie：「因為Cherie不停騷擾我，搞到我抑鬱症復發，我仲夢過佢用車車死我，既然佢主動add我依家嘅女朋友，所以女朋友先主動話打畀佢傾吓，我依家係希望佢可以放低件事。」Roy亦大爆與Cherie分手第四日，對方已告知他認識了新男友：「我祝福佢，希望佢有新發展。我都識到依家女朋友，佢比較成熟，唔係嗰啲成日要去蘭桂坊飲酒嘅人。」他讚新女友Britni很好，不愛錢亦不想出名，亦謂他倆正為對方努力改變：「我依家淨係希望平靜拍拖，唔想再喺呢個四角關係兜轉，我曾經賤格過，依家只想重新做人。」

女方：一齊驗尿囉

記者亦有聯絡Cherie，她透過電話表示不想再跟Roy有任何關連：「如果佢再搞我，我就叫埋朋友去報警幫我做人證，告佢之前點打我。（佢話你疑濫用藥物？）你同佢講心照啦，依家一齊去驗尿囉。（你被人疑似問價？）佢永遠唔聽人解釋，人哋想包我係人哋嘅事，點解係我問題？（佢話有原因先打你？）我之前都同傳媒講佢冇打我，結果唔知點解變咗幫佢講大話都係理所當然咁，就連佢打我都好似變咗啱咁，如果有原因就可以打人，咁警察唔使做啦。」

海倫清桃生日收神祕男1克拉「很有fu」 購第4車藍寶堅尼

「越南林志玲」海倫清桃2日舉辦生日見面會，和粉絲們開心同樂。進場前，她見到門外一名男士等著她，之後雙手奉上名牌編織包，換算市價約10萬元，讓桃子興奮又驚喜。
 ▲海倫清桃辦生日會。（圖／翻攝海倫清桃臉書）
 ▲海倫清桃外型亮眼。（圖／翻攝海倫清桃臉書） 海倫清桃最近忙拍戲，2日抽空和粉絲們見面，慶祝33歲生日。今年收到這個名牌包，目前單身中的她表示，去年也收到一克拉鑽戒，很看感覺的她直說「很有feeling」，
但對方沒有留下聯絡方式，於是她一直很期待那男子再度現身。
 另外，非常喜歡車子的桃子，日前也購入新的車款藍寶堅尼，擁有4台愛車。不過，之前買第3台車紅色賓士車時PO臉書上，卻被網友罵炫富，所幸這次添新車想低調些，不敢再大張旗鼓。
 ▲海倫清桃今日舉辦桃子生日會。（圖／資料照）

一晚食兩個》 蔡思貝約已婚陳國峰 再姣大隻仔洩電

有「新一代姣精」之稱嘅蔡思貝呢晚心情好好，宣佈派糧~

雖然蔡思貝有正牌男友麥秋成，不過兵仲係有嘅。巨星幫陳國峰結咗婚，但都照俾蔡思貝嗌到出嚟幫佢放電， 可能陳國峰有老婆，所以蔡思貝就收歛啲。

電力十足嘅娘娘仲未放晒電，再搵大隻仔溫家偉先。俾娘娘輕輕捉住手臂，大隻仔笑到好冧。

蔡思貝咁就馴服到一個小卒，輕鬆。