歌手鄭欣宜出道至今，肥胖身材一直為人詬病，不過佢一於少理，年前發表唔會再減肥的言論，決定要活出真我！雖然欣宜並唔係擁有咩女神級外表，不過異性緣一向好好，身邊男友轉過不停，今日佢就在IG上載一張與外籍型男攬到實一實的合照，唔通係公開新戀情？
延伸閱讀︰
欣宜出道以來，肥胖身材一直成為外界焦點，不過佢前年發表唔再減肥的言論，決意不為別人而活，要找回自己的光芒。言論一出即引來極大回響，唔少人都支持佢活出真我，仲封佢為另類的女神！
欣宜除了生活多采多姿，做生意都有一手！佢間曲奇店的出品以邪惡為賣點，棉花糖、朱古力、煙肉做的軟曲奇都大受歡迎。近日就再下一城，推出中秋月餅軟曲奇，有奶黃蛋黃和蓮蓉蛋黃兩款口味，一樣係人人大讚，厲害！
欣宜向來都幾有異性緣，當年與英語老師Mark Ryan分手後，又同過型男Silas Lee拍拖，但最後都係分手收場。不過今日欣宜就在IG疑似公開戀情！相中見到佢同一個外籍男人攬到實，欣宜仲嘟住嘴一副冧樣，佢留言︰「Miss u always, love you sometimes.」 但佢好快就否認對方係男友，話只係Best friend而已！
