東廊今早發生驚險車禍！讀者黎先生，今晨8時正，駕駛其電單車，沿東區走廊東行，途至將近北角出口附近，突然身旁有輛藍色Civic私家車疑失控飆至，如一支箭般攔腰撞向前面一輛掛有FV車牌的Tesla電動車的右邊車身。黎先生指出，幸他當時未有爬頭，否則後果堪虞，「唔係我會俾Civic隊咗落海！」 黎先生續稱，當時他沿東廊慢線前行，因見前面Tesla慢行，一度欲爬頭而過，「但心諗都唔好咁激進，等一等，跟住佢車尾。」詎料，此時身後即傳來「唧唧」聲響，「唔知咩事，半秒後右邊有架Civic車就閘埋嚟，撞向Tesla。」因地面有大量碎片，其亦收掣不及輾過有關雜物，「見佢隊埋嚟，『嘭』一聲，都好鬼得人驚！」 黎先生認為，當時快線有修路工程，不排除該Civic轉右彎時，「可能收唔切，或者睇唔清彎位，以為好淺，由快線切埋慢線嗰陣失控，一支箭插埋嚟架車度，都驚驚哋。」他認為該處仍有危險不宜久留，遂沒有停車。 警方發言人指，Civic司機為姓葉(33歲)，而FV車牌司機為姓李(41歲)，意外中兩車沒有人受傷。根據資料，掛上「FV」或「FU」的香港車牌車輛，是本港運輸署編配給內地政府官員及國企要員來港執行公務之用。