2017年5月15日 星期一

黑開有條路⋯ 臨走都比我遇見前所未有既西客! 一入黎就問:「喂!d衫點賣呀!」 咁我當然照答啦~(其實有寫既,經常有人照問,都慣) 「喂!咁平?係唔係二手嫁?!」 我:「係呀,呢d貨辦黎,所以咁平」 西😒:「喂!你肯定?」 我🙂:「係,我肯定」 心諗你「喂」夠未(算,無禮貌既客間唔中都有既😕) 佢放低佢手上既外賣飯盒係我枱面話:「喂我放d野係到慢慢簡呀,記得題我拎走呀」 咁佢之後就開始簡衫, 我企舖頭最入,佢係門口開始簡 突然「喂」一聲掉件衫埋黎,係真係連埋個衣架車埋黎! (其實間野咁細,行幾步都行到過黎,一係叫我黎幫你拎都得丫,洗唔洗掉我呢🙄🙄) 好彩我身手敏捷接得住,跟住就問 😧「er,你要既?我幫你keep住先⋯」 佢無理我繼續簡衫,咁我當係啦,我檸轉身摺好件衫放係枱,我連衣架都未拆佢又「喂」一聲掉件衫過黎,我拿拿林摺好件衫,即刻檸番轉身準備接住佢掉過黎d衫,跟著掉左著褲過黎叫「喂!度下幾多吋」,我連條尺都未拎出黎,佢又叫「度埋呢條,喂!岩岩個幾多吋呀」(大佬!你keep住掉野埋黎我點度呀!) 我:「er,你等一等,第一條30,第二條32」 佢:「喂!邊條第一條邊條第二條呀」 我:「黑色個條第一條,藍色個條係第二條」 (你嚴重失憶呀!?全個過程1分鐘都無) 之後幾分鐘都係keep住玩馬嬲搶球咁 「喂接住」 「喂度下幾吋」 「喂睇下有冇重覆」 我就⋯接衫~摺衫~再接衫摺衫😛 (好快手😎抵讚) 咁佢簡好左廿件左右,諗住佢終於埋單走人!😎 之後佢叫我分番開褲同衫,咁我照做啦, 分好左一棟衫 一棟褲出黎,跟住佢話要check 多次 ,都正常既佢簡得咁快睇未清楚,最弊佢將衫同褲check又亂掉番埋做一埋!咁你叫我分黎做乜尻🙄🙄 之後佢:「喂,出面係咪有銀行呀」 我:「唔係好清楚喎,最近去7-11或者地鐵站攞錢都得」 佢:「唔係呀!有嫁,喂你摺番d衫同我hold 住先啦」(咁你知你又問我做咩🙄) 之後走左出去,唔夠兩分鐘就番轉頭話「原來我有錢唔洗去禁⋯喂!你仲未摺好既!?」我一邊摺一邊講「總共xxx蚊,你自己有無袋,因為我地d袋用哂你比錢我都比唔到個袋你嫁啦,唔好意思呀」(真係用哂!係真!) 佢「袋都無呀,垃圾袋囉有無呀」 我攞個垃圾筒出黎指住個無咩垃圾既垃圾袋「都唔係好污糟既,咁你愛唔愛?」(明明自己抽住好大個袋) 佢又真係照殺😱😨😂掉番個兩舊垃圾出黎入d衫落去,之後佢一拎個袋就撞跌左佢盒飯同杯紅豆冰😩😩 佢盒飯無事,但杯野就⋯⋯ 佢拎番起盒飯「喂唔好意思呀,紙巾丫」 拎左張紙巾比佢「😓唔緊要啦我執得⋯😓😅😢」我以為佢想清潔番,原來無抹番自己隻手同個飯盒,咁我蹲低打算開始收拾殘局,佢叫我執埋個半杯紅豆冰比佢仲叫我抹下先比佢,跟住佢講多聲「喂唔好意思呀」就走左⋯(快d走唔想再見到你!)

沒有留言:

張貼留言