348 Disco(彌敦道348號)，已結業。 不知道當年是不是世界末日的風氣，香港人都比較墜落，酒色財氣樣樣繁榮。 大約在2000年，348風頭一時無兩，吸引大批年青人潮聖，一首"你老豆索茄"同"乜野叫做戀愛"。令香港Disco業又再掀起熱潮。 【經典】80後嘅你，一定蒲過呢幾間Disco 彌敦道348丶CYBER丶123 但已經不是60-70年代那種純情的跳舞溝女。 我有不少豬朋狗友，當年大家都愛去348，話說是即食熱門性地。有黎明"眼睛想旅行"(某個位比較痕)嘅感覺。我節衣縮食成個月都要買一身膠質幻彩外套，91劉華髮型，半夜仲帶黑超扮殭屍，行步路都差d仆死。 好在友人係熟客，他教我D場啅女潛規則，佢話:你走出舞池揀條女，對住佢跳舞(其實只係UN UN下)，磨一磨而佢唔走開，你就拖住佢走出黎就默認撲得架啦。 Disco沒落的九十年代 因為「卡拉OK」嘅流行，九十年代好多Disco都結業，剩下多數喺中環，當中有雪廠街嘅YY(Ying Yang)、雲咸街嘅Soho、蘭桂坊嘅97等，因為陳可辛監製咗一齣電影《晚九朝五》，描述蒲友的夜生活百態，令Disco掀起一陣小陽春，當中電影嘅取境場地Club Berlin，成為當時蒲友最愛到的熱點。 Rave Party降臨的盛世 接近千禧年，掀起一陣Rave Party熱潮，為於新世界中心的BAR-CITY及「九展」，差不多每星期也有Party舉行，每次閒閒地都有二千至三千人參加，係clubbing文化黃金時期。 最多Disco妖獸嘅千禧年代 因為Rave Party文化，Disco再度興起，不過目標卻轉向低下層同邊緣化，好似一條旺角道，就有意法日、夜鷹及金都，彌敦道就有348、Cyber 8等，由於呢啲統稱「fing場」嘅Disco罪案頻生，所以好快比業主收回舖位，同埋警方掃蕩而執笠。 【經典】80後嘅你，一定蒲過呢幾間Disco 彌敦道348丶CYBER丶123 最多Model紅星富貴人嘅Disco 2002年開業嘅dragon-i，老闆係楊其龍，該店曾招待過西甲足球隊「皇馬」，及一眾來港嘅荷李活明星，最近期就響9月請嚟Paris Hilton駐場打碟，而且開業初期，部分model免費任食，所以聚集咗最多靚人、有錢人嘅club。 近年最紅Disco Beijing、Billion 、Magnum三間開在中環的Club，由同一集團開設，最舊係Beijing，於2005年開業，最新係Magnum於去年開業，由於《喜愛夜蒲》主要喺Beijing取景，所以最受蒲友同埋「飲食男女」喜愛，奉行to eat and to be eaten。 成條廣東道都係disco, 而家變曬名店, 好懷念以前成日蒲既日子 348，888，夜鷹，123樓，狂野之城，you and me，沙田麗豪，金都，深水埗有間1015，仲有好早期旺角嗰幾間D塲，已經唔記得叫咩名，嗰時真係好好玩，一個禮拜可以蒲足六晚，生完大囡就減少咗，最多三晚，生完細囡之後，好多D塲都執哂，想去都冇得去，大陸返去玩過幾次就冇返喇！ 348的士高涉及特別罪行 26/03/2005 警長查牌時被「14K」睇場人馬侮辱：「你查我身份證？你未夠班！」隨即「吹雞」包圍警員。警方事後一連七日到該處查牌，打壓黑幫氣燄 18/07/2004 兩批懷疑黑幫「14K」及「和勝和」人馬，在的士高消遣爭執在門外大打出手，傷者包括有線電視成人節目前主持人張碧珊，一名警長喝止時遇襲受傷 30/04/2004 黑幫「和合圖」人馬在的士高被打傷，警員入內搜查無果被傷者侮辱：「你班差人正食屎狗無×用……我聽日就 掃場！」 28/03/2002 O記人員在的士高內拘捕54名涉嫌在談判的黑幫「14K」及「新義安」人馬 348結業半年 易名 F1 CLUB 【經典】80後嘅你，一定蒲過呢幾間Disco 彌敦道348丶CYBER丶123 的士高試業反黑組「贈興」 曾被警方視為罪惡溫床、發生多次辱警事件及全港最大的油麻地「348的士高」，本年3月因不獲續牌結業大半年後，已易名「 F1 CLUB」重新開業，前晚低調試業廣發「英雄帖」邀請各路人馬到來參觀消遣。油尖警區反黑組昨凌晨到場「贈興」查訪，有警員高叫：「唔好搞事，全部散開，係咪想博出位啊！走！」驅散門外聚集逾百名懷疑「蠱惑仔」，顯示警方強硬態度。至昨晚該場所正式開業時，警方反黑組亦有到臨監視。 記者：張家樂 於2000年9月開幕的油麻地彌敦道「348的士高」，開業即成為年輕人熱門蒲點，亦為黑幫爭奪睇場及販賣毒品利益場所，經常發生打鬥、藏毒、黑幫廝殺甚至公然辱警等罪行，被警方列作重點查牌目標。 警方曾以「毒品情況未有改善」、「保安設施形同虛設」及「警方查牌時經常採取不合作態度」等理由，多次反對酒牌局及食環署向348的士高續牌，至本年3月尾的士高終因未獲續牌結業。 的士高結業大半年後，近期投資4,000萬元豪華裝修，易名「 F1 CLUB」重新營業，以更多電子化設備吸引中產一族光顧。消息稱，該場雖領有酒牌，但在清晨6時以後不准賣酒及跳舞。 10漢叫大佬被驅散 「 F1 CLUB」於昨晚正式開幕廣邀各界人士到場參加開幕慶典，卻於前晚低調試業，廣發「英雄帖」邀請各路江湖人馬到來參觀。前晚8時開始，陸續有各方有勢力人士到來參觀，氣氛熱鬧。油尖警區反黑組接獲消息，於昨凌晨零時許，調派全部三組反黑組30多名人員到場查訪「贈興」。 反黑組人員兵分兩路，一隊人在場內查問入場人士身份，一隊人在門口駐守阻止其他人入內，其間陸續有懷疑蠱惑仔聚集場外對面行人路等候入場。至昨凌晨2時許，多名「江湖大佬」在手下簇擁離開的士高時，聚集在對面10多大漢即時高叫「大佬！大佬！」並擬橫過馬路與「大佬」會合。 10多名反黑組即時攔截喝止：「唔好搞事全部散開，係咪想博出位啊！走！」將現場聚集的逾百人驅趕至彌敦道及志和街口，多名江湖大佬隨即陸續乘車離去。反黑組人員於凌晨3時查牌完畢收隊，未有拘捕任何人，被驅散人群折返的士高內消遣。 348的士高改名 F1 CLUB重開，不少網友在網上討論，前晚試業到過新場的網友 FUNG0725在香港討論區說：「噚晚開得個3個鐘，營業時間開到6點咋，不過係幾靚，今晚如果係去應該會查好耐（指警方查訪）。」潮安則質疑：「發 酒牌畀佢？」