周永恒出道至今負面新聞不絕，10年同趙頌茹奉子成婚，不過3年前阿Yu報警指遭周永恒打傷，4年婚姻最終離婚收場。變番單身嘅周永恒，感情生活都幾豐富，3年來數度換畫，異性緣一啲都冇受到佢啲負面新聞影響。 劉依靜 當年阿Yu忍痛決定與周永恒離婚，除咗因為家暴之外，仲因為周永恒身邊出現咗個小三劉依靜（Ruby），Ruby曾經同周永恒合資開model公司，亦認識阿Yu。Ruby喺15年10月承認分手，仲話拍拖咁耐用咗6位數字，周永恒問佢借過嘅錢都冇打算追討，原因係唔想再聯絡呢個人。 周芷儀 喺Ruby承認分手後一個月，周永恒喺facebook貼咗三張攬住新歡周芷儀嘅合照，佢其後以社會實驗形容「雙周戀」，不過周芷儀就唔拍拖，只係話因為音樂人曲赤先拍咗個MV。 黃詠珊 都話周永恒換畫快，16年1月又有位新歡喺身邊出現，呢位叫黃芊詠（Cherie）嘅o靚模成日同周永恒四圍去，又會貼上網晒恩愛。其中一次，周永恒半祼咁出現喺 Cherie嘅「17」apps床上直播，但Cherie事後當時兩人係坐喺梳化。 Britni 上年9月Cherie自爆同周永恒分咗手，原因係周永恒已經搭上強國女Britni，而呢位Britni同好多大陸女仔一樣，放親相上網都要美圖，而Cherie就酸到爆咁笑過Britni：「佢嘅年紀嚟講，我覺得keep到咁樣都算唔錯嘅一件事囉。」