2017年4月12日 星期三

男人與身俱來就鍾意揸棍波車,無野嘅,就係想征服佢,唔想揸自動波比人話手車屎,比人話你係女人先揸自動波。衰就衰在香港真係好塞車,同埋行貨車少左入棍波,攪到而家好多人都轉投自動波懷抱,想揸棍仔唯有買水貨,無得揸唯有懷念下,下面講嘅經典棍仔你哋有冇揸過? Honda Civic EF9 civic ef9 white圖片來源:(forums.vwvortex) civic ef9圖片來源:(superstreetonline) 講Civic EG,EK實大把人識,10幾年前喺香港大行其道,梗有一部喺左近,但如果講經典嘅話,老車迷首選一定會講EF,部車係Honda其中一款第一次運用VTEC技術,1,600CC百六匹馬力,偏低嘅駕駛櫈,加上車身輕,完全就係揸緊一部跑車出街!因為呢款車,殿定咗Civic喺車壇嘅地位,開啓後繼車EG,EK最為輝煌嘅Civic時代。 BMW 325i E30 bmw 325i black 圖片來源:(pinterest.com) bmw 325i red 圖片來源:(pinterest.com) 325,無人不識嘅一組數字,一講3系就會嗡325,寶馬最成功嘅車款之一。硬橋硬碼嘅車身線條,加上家族4圓頭燈雙葉面罩,170匹馬力,乾淨直接的純機械操控,除左真喺落場嘅M3外,325真係夠哂玩。最近都多左人搵經典車代步,325算比較容易搵嘅車盤,有興趣不妨留意下。 Toyota Supra JZA80 supra white 圖片來源:(jm-imports.co.uk) supra black 圖片來源:(pinterest.com) 直路王,原廠雙渦輪引擎馬力280匹,無限大嘅改裝潛力,加埋前衛狂野嘅車型,令好多車迷為之瘋狂。Supra原本屬於Celica車系,Toyota其後將佢拆返出嚟獨立發展,定位高級轎跑,最後成為日本國寶級跑車之一。 Toyota MR2 W20 MR2 red圖片來源:(tuningcars.us) 圖片來源:(forum.jdmstyletuning.com) 以操控好玩聞名,日本第一架中置引擎跑車,男神chilam都將第一代W10收歸旗下,第一代固然經典,但第二代W20由於流線型嘅車身同埋加強嘅馬力,令不少車迷趨之若騖,w20亦喺MR2車系𥚃面最快嘅一代。 Subaru Impreza WRX STI GC8 gc8 blue圖片來源:(www.reddit.com) gc8 white圖片來源:(forum.bodybuilding.com) 馬力喺歷代掃巴佬最勁嘅,車型強悍充滿辣味,獨特嘅引擎聲加上掃把佬標誌藍色,成就出一代經典吸引死忠為佢死心塌地。STI喺拉力賽獲獎無數,個人覺得最適合佢發揮實力嘅地方係山路而唔喺公路上。 廣告 Mazda RX-7 FD3S 2000 Mazda RX-7 Type RZ (FD3S); top car design rating and specifications圖片來源:(topcarrating.com) rx7 yellow圖片來源:(themotorreport.com.au) Rx-7,最出名喺佢個偈,1,300cc雙轉子255匹,低排氣但極具爆炸力,最需要保養亦都喺個偈(可能因為真係無乜人識整),本來呢部扁扁車身嘅車已經非常曯目有型,加埋成為頭D啓介嘅座駕,只可以講一句:係型嘅。 Mitsubishi FTO fto black圖片來源:(only-carz.com) fto white圖片來源:(autopolis.wordpress.com) FTO喺一架比較極端嘅車,無它嘅,充滿肌肉感嘅車身,鍾意佢嘅話就會覺得非常特別靚仔,唔鍾意佢嘅話真係覺得佢好醜樣,唔會有中間,但就喺呢部FTO,喺1994年時推出,一出已經攞咗當年嘅日本年度汽車大獎,Fans會覺得佢喺三菱史上最靚嘅前驅跑車添!部車仲喺成龍大哥其中一部戲入面出現過! Honda Interga DC2 integra dc2 black圖片來源:(flickr.com) 被稱為本田最快的前驅車,輕易釋放200匹馬力,DC2對比其他前驅車款對駕駛新手嚟講算容易上手,一字燈嘅設計亦成為Integra標誌性臉孔,後繼車DC4曾經改為4圓燈設計,但Fans唔受落兼劣評如潮,Honda急急腳補鑊改回一字燈款喺日本本土發售,4圓燈版本則繼續外銷。 HONDA NSX nsx red圖片來源:(youtube) nxs white圖片來源:(flickr.com) 日本法拉利,極度流線嘅外型,點睇都唔out,3,000cc V6引擎,唔係講笑當時NSX真係拎法拉利當對手嚟打。喺開發過程中結合了Honda嘅F1技術同車神冼拿嘅意見,最終NSX成為咗Honda嘅超跑代表,全球車壇最有話題性嘅超跑之一。 Mitsubishi Lancer Evolution IV ebo white圖片來源:(gomotors.net) evo black圖片來源:(gomotors.net ) 㨂EVO IV作為經典嚟講,原因喺4代定下了露荀的家族面貌,特大嘅霧燈,跨張嘅尾翼,呢次改動正正突顯EVO嘅霸氣,後嚟嘅五代同六代更加令EVO走上高峰。喺充滿戰鬥格嘅車身下內藏釋出280匹馬力嘅引擎,絕對睇得又跑得,喺WRC賽場上獲獎無數。 80,90年代嘅車壇絕對喺百花齊放,唔同嘅車廠各自推出個性獨特嘅車款,經典何其多,飛雞,R32,小福星,celica,205, W201 190E,900S......要講真係大把可以講,你地中心嘅經典車喺邊款?講出嚟比大家聽分享下。

沒有留言:

張貼留言