男人最忌無棍用 新手嚟講，呢7部棍波入門有無得諗？ 呢個年頭，咩人仲會揸棍波？一係你底氣夠荷包夠深；一係就係你對生活有要求，做人夠堅持。係雙離合器波箱發展日益成熟下，好多車廠早已棄守棍波，加上香港人成日話塞車，嫌吊住極力子返工放工麻煩，早早投了自動波懷抱，令到車行大條道理，就算同款車有自動波同棍波，本地棍波友也只能葡萄人哋，睇嚟無嘜得揀都係香港人嘅宿命。另外，雙離合器波箱既轉波速度已經比棍波快呢個係事實，以及自動波車很多都有+/-波操控，以前自動波貴過棍波車，現在已經成了相反，一講到錢香港人自動歸邊是常識，難怪棍仔成為少數！ MT01 7部棍波入門 不過仍然大把人堅持，認為「識揸一定揸棍波」，如果你是新手上路，想做個有棍用嘅男士，以下7部棍仔入門可能幫到你： 1. Honda Civic Type R MT03 由1997年第1代Civic Type R至今歷時20年，香港有不少追捧 Type R嘅死硬派車迷，由第一代追到現今第三代。去年Honda就推出編號FK2嘅第四代Civic Type R，本田香港代理合群汽車更有代理讓人喜出望外，因為歷代Civic Type R都只有水貨。不過最快都要今年第四季先有得收車，預計車價約$55萬。 MT04 當然新手嚟講，無理由介紹大家買架新嘅就叫入門推介，其實今次是想向大家推薦第三代Civic Type R日版嘅FD2，不少人都嫌新一代外型又醜又肥，嘅確個人會話FD2外觀仍然係歷代之冠，採用自然吸氣2公升 K20A引擎，最高輸出225匹馬力，配合6前速手波。 圖片來源：urban nerd photography MT05 適合做入門款，因為Civic Type R嘅6前速手波算是唔難操控，檔位準至關重要。而離合器齒輪組嘅楔合點也容易掌握，容易上手。二手市場上也不屬難找款，在本地車主網也找到數個放盤約$19-$25萬有交易。（我明白，要你十幾個叫入門，你肯定投訴，但個人心頭好，之後有更入門嘅。） 2. Honda Integra Type R MT06 繼續是Honda，除了是因為個人喜好，介紹同一品牌也希望大家易於比較，相對剛介紹嘅第三代Civic Type R日版嘅FD2整體性能都淩駕于已經停產嘅第一代Integra Type-R（DC2）與第二代Integra Type-R（DC5）之上。但仍然選Integra Type R，是因為預算可以因些下調，DC2與DC5都約在$10萬有交易。 圖片來源：BHINDER CORP MT07 而不論是DC2還是 DC5，想擁有雙門嘅 Honda Integra Type R，就一定是被 Type R跑車專用白色嘅流線型車體，超濃嘅跑車味道所迷住，加上貪其高達220匹嘅馬力輸出，外型到內涵都唔輸蝕。另外，有人話渣棍波，一定要渣Honda，就是為了感受它踢高轉嘅咆哮聲，嘅確無試過，要試！ 圖片來源：jacksmotor 3.Volkswagen Golf GTI MT08 梗係唔會叫你買頭三代Golf GTI玩，除非你是非老車不愛。講緊嘅係第五代嘅MK5，在28cars.com棍波款約$6-10萬價位。通常在香港低budget找棍仔，最後答案大多是Honda，而要找棍仔，又要找4門，Volkswagen Golf GTI算是沒有選擇中嘅數個選擇。算是抵玩款，操控也不錯，但唯一缺點是身子唔好，不時要維修。另一要注意是，當年MK5有「飛仔」之稱，是不少人嘅「飛車」啟蒙，所以二手市場不少也是大改特改款，要找架合心水嘅，要花點心機和時間。 廣告 圖片來源：HONG KONG GOLF V CLUB 4.Mazda mx5 MT09 1989年面世，到今在出到第四代，不但仍然是很多人夢想中嘅Dream car，這類80年代很興嘅小汽車，到現在也一點也唔out，它更是現時健力士世界紀錄大全中嘅「最暢銷雙座開篷跑車」。它嘅賣點是良好引擎及波箱嘅配合，及優良操控性，除此之外因為採用FR嘅驅動方式，重量輕、引擎負擔小等優點也讓它成為新手入門不錯選擇。第一到第三代編號頭兩個英文字分別為NA、 NB、 NC， 當中最舊款為NA，第三代為NC需約$12-18萬。 圖片來源：Caradisiac 5. BMW Z4 bmw z4 講Mazda mx5這類棍仔開篷 Roadster，又點可以唔提，一個價錢嘆齊 Roadster同 Coupe，一直都備受潮人追捧嘅BMW Z4。 Z4定位是一部Roadster，屬輕盈小跑車，馬力唔算大，但就絕對係部俾到你操控趣味嘅棍波車，以上寶馬一直都以操控性好為賣點，適合入門。Budget夠當然可以試部第二代Z4（E89），外型更鎖魂，更有M-Sport套裝，展現高性能霸氣，但價錢都……再唔係第一代Z4（E85）也已經適合入門人士感受棍仔先有嘅無窮駕駛樂趣，以03年Z4 2.5 Roadster或3.0I為例都係約$7-9萬。 圖片來源：mobile01 6. Lancer Evolution EVO 自從三菱宣佈不再生產 「露筍」Evolution，很多車迷都感到可惜，始終多款熱門棍波，特別是辣跑之中，要數點都一定數到三菱嘅Evolution。第一代「露筍」早係1992年面世，車系發展至第十代。「露筍」優點是馬力大速度快，且短小精悍，咁多代中4代最多人話型，但都係最難搞，又「大食」，被譽為最「雞」。EVO在當年未有雙離合器波箱，0到100做到4秒已經算top 嘅時候 ，EVO都已經做到5秒，讓不少人拜倒。10、9代都仍要價$20萬up，個：有$15萬「筆」可考慮買部7、8代滿足揸Evolution嘅夢。 圖片來源：EVO X CLUB HK 7. Mini Cooper MT10 實情是，你為慳油代步，就唔好諗 Mini Cooper；又或者係，你係諗Budget行先，咁係唔好諗 Mini Cooper。但你揸得棍波，揸得車係為了自己快樂，咁 Mini Cooper實有得諗，起碼個款長青唔會失禮， 而車仔細細，最啱想搵架棍波操吓手車嘅新牌仔。要搵架10年後落地Mini Cooper One，少用又靚仔嘅約$7萬就有交易。 MT11 當然以上7部未必合大家心水，但相比來來去去棍仔就買Honda Jazz /Fit或Toyota Echo Verso / Funcargo/Corolla AE110等推介，希望幫到各位。至於，棍波究竟魅力何在？我哋都無謂一一數棍波好處，話慳油、易維修等等，講到尾車始終都係奢侈品，唔揸唔會死，揸咗最多都係方便你。揸棍波就更重視呢份自我感覺良好，要玩完美漂移，完全由自己掌控拖波呼油扯高轉數又得，還有練成快將失傳嘅靜係踭趾動作，每一點都係你無坐過落去好難感受到嘅快感。講到尾「要人惡過車，唔可以車惡過人」，棍波友堅持係要自己話事！