無綫藝人胡定欣之前因拍攝劇集《同盟》而扭傷腳踝，昨日她於電視廣播城復工，她坦言之前已到醫院照X光檢查，更表示當時都好嬲自己，定欣謂：「啱啱一開工就整親，好在啲骨冇事，休息咗兩日就開番工，因為劇入面我成日都要着Boot，依家唔使拍攝時就着平底鞋畀隻腳休息吓，依家隻腳未散瘀，仲痛，但行動自如，希望呢套劇大家都小心。」
「楊怡有請我飲」
定欣表示一年前這個時候拍《城寨英雄》時咁啱都整親手指，問到她為何沒有出席楊怡婚禮，定欣說：「尋日已開番廠，所以去唔到，睇咗婚禮報道都有傳短訊畀楊怡，睇咗報道都好感動，都眼濕濕，好戥佢開心。（之前有傳過不和？）又講呢啲真係好悶，佢有請我，但係之前已經講要拍劇去唔到，其實我同楊怡好好，絕對冇不和。」
沒有留言:
張貼留言