2017年3月2日 星期四

見到出面好多巴打都好灰 話窮向左走向右走冇運行  但係我想講  公屋仔其實都唔一定一世冇出色  我初戀男朋友  當年同佢一齊讀科大 佢讀BBA  我記得佢同我講 佢細細個就死左老母  老豆一個月得8千 仲有個濕勁家姐  住間得250呎既公屋 所以生活其實都好難  例如學校一年一次去旅行 要大家夾錢BBQ 佢差唔多年年都炸病唔去 (佢家姐就一定會去 仲要問老豆拎幾百蚊 )  唔係因為冇朋友 而係屋企冇錢比佢去夾  開聖誕Party 佢就要搵D平得黎睇落好貴既禮物黎交換  有時想買本課外書睇都冇錢 要睇就響三聯企3/4個鐘 但係佢都算努力 我聽佢講佢為左練好英文  由中三開始  日日都聽RTHK6點英文新聞 同TBB7點半明珠新聞  日日都響學校圖書館睇SCMP  每日都搵10個自己唔識既字 查字典  如是者 佢由一個英文白痴  到CE英文拎C  到AL英文拎B  佢仲要AL拎3A1B入科大BBA 好可惜畢業前我同佢分左手 (其實都係我衰 )  但係早兩日撞番 一齊飲左杯coffee吹水  原來佢畢業後入左一間都幾大既基金公司 做risk management  果時人工25k一個月  不過大公司 好鬼多politics  三年後 人工都係由25k加到28k  佢想走 於是三年後有機會入左一間細既hedge fund (對沖基金) 人工加到30k一個月 但係bonus唔差 不過第一年就冇佢份(因為係新加入)  佢話入去第二年 人工冇加 都係3皮  bonus有50萬 除番過70k一個月  做左三年後 有另一間hedge fund搵佢過檔  佢見新公司規模大D AUM高D 於是就轉過去  過左新公司 第一年老底50k bonus已經80萬  到第二年 由於個老闆見佢做得幾好 比佢可以make 多d decision  老底都係50k  bonus就去到200萬 即係過200k一個月  到第三年 人工就加到80k  bonus己經去到300萬 已經過300k一個月  如是者佢畢業差唔多10年 人工己經由25k去都300k一個月  我問佢 點解你可以搵錢搵得咁快  佢就話係好彩加少少實力  佢轉第二份工 入到去hedge fund 係有有少少運氣 (果時急請人)  不過佢話 由於佢平時都有留意新聞 個PM問佢關於投資/世界大事 佢都答得幾好  個PM覺得佢有potential 同埋見佢英文對答完全冇問題 所以就請左佢  於是佢入左hedge fund做front office 就一路扶搖直上 錢途無限  最後我問佢仲係咪單身 點知佢啱啱娶左個老婆 仲要係小學同學 個小學同學仲要係當年全班考第一 不過會考12分都冇 好早出左黎做野 而家人工2皮都冇 真人真事 除非佢作大  不過佢而家間hedge fund我都識 我信佢有呢個數 當年讀UST  佢仲係窮向左走向右走  我都同佢拍拖  到今時今日 出左黎做野 我認我係想有個有錢既男朋友  不過問心 如果你係女仔 你會唔會想你男朋友窮

沒有留言:

張貼留言