旺角發生酒駕車禍，昨晚11時許，一輛私家車沿洗衣街往太子道西方向行駛期間，失控撞向行人路鐵欄，繼而在單線行車的路面打「白鴿轉」，車頭掉轉呈反方向停下，車身損毀左前輪甩脫。 警員接報到場調查時，車上一名男子否認是司機，並指司機是新相識的朋友，但在撞車後已離去。該名男子被帶上警車調查，期間他不停強調自己是乘客。由於男子帶身酒氣，警員懷疑他是司機，要求他進行「吹波波」酒精呼氣測試時，男子一度扭擰。警員只好安撫其情緒：「你唔係司機唔緊要，你係乘客，你叫同事mark低先OK? 日後我哋會攞律政司指示，最緊要你合作好唔好，唔該晒！」 男子稱：「我唔係搞事，我再三強調我唔係司機，你要我吹，咪吹囉，要都無辦法！」當他接受呼氣測試後，錄得95微克，超出法定標準逾3倍。經警方調查後該名姓夏（29歲）亦是登記車主，並在其身上檢獲車匙，警方以涉嫌酒後駕將夏拘捕。惟有人不忿說：「我做錯咩吖，飲酒揸車啫！」 受事件影響，現場交通一度受阻。至凌晨1時許，一輛的士沿洗衣街駛至，途經現場時因交通受阻，姓黃（64歲）的哥擬倒車駛走時，撞及尾隨一輛由姓何（43歲）男子駕駛的私家車，意外中無人受傷。