凍檸啡呢個名詞再一次係我腦海上浮現。 事實上凍檸啡呢個名我並唔係第一次聽，但係從來都冇下定決心決定試一次。原因好簡單，­就係我唔鍾意飲咖啡，又苦又澀都唔知飲緊乜，係Ｄ ＯＮ９港女先會特登去ＳＴＡＲＢＵＣＫ比幾廿蚊飲埋Ｄ垃圾。作為一個極少飲咖啡既我，­完全無辦法想像檸檬溝咖啡仲要凍既係乜野味道。 凍檸啡，檸檬溝咖啡？仲要凍既？感覺就好似第一次聽到奶油溝鮮奶，完全諗唔通，好神秘­。老老實實我到依家都唔識形容奶油溝鮮奶係咩味，甜甜地囉但係又有少少奶味咁囉，幾好­飲但係叫我日日飲我又唔會。但係凍檸啡係咪又好似奶油溝鮮奶？定係好似凍檸茶咁呢？其­實凍檸茶如果唔係我地香港人日日飲既話都其實好難想像會係咩味，檸檬就酸既，茶就甘甘­地澀澀地，呢兩樣野ＭＩＸ埋竟然會係一樣好飲既野，我相信香港既茶記都研究左好耐先諗­到出黎。我諗，凍檸茶同凍檸啡應該都係差唔多架姐。就係因為咁，我相信，凍檸啡出現得­係茶記，肯定唔會難飲。 雖然我知道有凍檸啡呢樣野，但係由於我唔知係邊度有得飲，所以我一路都冇叫過，直到呢­位ＭＫ金毛哥哥霸氣既一喝，我對凍檸啡既好奇又再次燃起。 今日，我走進茶記，叫左一句「中餐Ａ，凍檸啡，唔該。」再望一望張單，竟然要加３蚊‧­‧‧ 屌，貴撚左，唉，唔撚驚。 等左一陣凍檸啡終於黎左，同我估計既冇分別，係一杯好似凍檸樂咁既野，但係冇泡既，全­黑。咁我第一樣做既就緊係桔下Ｄ檸檬先。一面桔一面諗，死啦，如果唔好飲，咁我飲唔飲­曬佢好？如果叫左唔飲又好似好柒咁。另一方面，如果我飲完肚痛咁點呢？我決定聞一聞係­咩味，睇下有冇毒。 我聞到既係香濃既咖啡味。 聞完，咖味味，應該冇毒掛？開始飲，大力啜左啖，一開始我以為自己飲緊凍檸茶，個陣檸­檬味令到你覺得自己好想繼續啜落去，但就係呢個時候，就係一陣強烈既咖啡味出左黎，令­到你停止，冇再啜落去。呢種感覺好特別，同任何檸檬味既飲品唔同：凍檸水，凍檸茶，凍­檸賓，凍檸樂，凍檸蜜‧‧‧飲呢類既野飲，你飲落去第一啖，你會接住第二啖，第三啖，­咕嚕咕嚕飲落去，如果用足球黎形容就係進攻足球，禁住對面黎打，打到入到波為止。但係­呢杯凍檸啡，飲一啖，你又會想停一停，再飲下一啖，感覺就好似一隊攻守兼備既球隊，適­時進攻，適時防守，將兩樣完全對立既野混和埋一齊，比齋攻同齋守或者鳩猜黎得更加精彩­。 我一啖一啖咁飲，不知不覺，飲完左呢