(突發)全球限量版辣跑隨街擺！余文樂：650萬猶如垃圾！

同你吟一吟

歡迎參觀影相　余文樂 650萬隨街擺

人有錢，就會手痕，十居其九買埋買埋一堆唔等使嘢，擺多過用；不過，如果賺錢能力強，好似拍部戲都嗌千萬嘅余文樂，就唔同玩法。

搵錢同花錢都冇手軟嘅樂仔，舊年買咗三架車，包括全香港得 10架，要大拿拿 650萬嘅麥拿侖 675 LT。上星期日（一月十五日）晚，佢就揸住架麥拿侖同個 friend去跑馬地食飯；七點幾晚飯黃金時間，樂仔求其停低架車响成和道就行咗去。

650萬辣跑粗用仲要隨街擺，好晒呀！行過路人羨慕眼光，甚至攞住手機集郵，影完車頭，再影埋車籮柚。即係咁，撞唔到啲「腎」嘅，幫架車雕花，算你好彩！

這晚夜樂仔心情應該好靚，同個 friend講到郁晒手，眉飛色舞。

呢位衞衣帽冚頭嘅哥哥仔，先同朋友品評樂仔架車一輪，再由車頭影到車尾。

食完响鋪頭門口扯飛煙， fans把握機會 selfie。

女友台灣皮帶大王太子女王棠云被人「隊」爆有米老豆拖欠廿億台幣唔還，搞到佢俾人上門追數，遲唔爆早唔爆，余文樂認愛就即爆。

栢芝大懵失財 係時候學放下！

女人唔易做！做張栢芝更加唔易！我Nuts哥唔係吹水唔抹嘴，張栢芝同謝霆鋒離婚之後，一個單親媽媽獨撐半邊天，要照顧兩個囝囝衣食住行供書教學外，又要飛嚟飛去搵錢養家，早兩日佢經理人仲喺微博話栢芝冧咗，又屙又嘔，要頂硬上照開工，真係身心疲累，顧得份工同兩個細路，未必顧到屋企，舊年佢個外傭完約臨走被栢芝助手檢查行李時，發現有唔少栢芝嘅財物，原來個外傭承認喺兩個月內，偷咗28件總值超過56萬元嘅財物，最後因偷竊罪而被判囚18個月！

Nuts哥覺得呢單Case最爆嘅唔係個外傭偷嘢，而係佢透過律師求情嘅理由，話栢芝成日唔喺屋企，財物四圍放，日對夜對受唔住誘惑，所以一念之差而犯案。呢個都算係求情理由嘅話，咁當年賊王葉繼歡都可以話：「係間銀行成日打開門引我打劫咋！我想㗎？」再簡單啲，你將架車泊喺街邊，係咪偷你架車就係應該先？對於月𢭃四千蚊養全家福祿壽嘅外傭嚟講，日日對住咁多金銀珠寶，動吓心在所難免，不過直情去偷去搶，梗係大錯特錯啦！

外傭乘虛而入

當年以摸頂價1.8億買入世紀大廈嘅栢芝確係大把水，好似佢其中一部經典作《最愛女人購物狂》嘅購物狂角色咁，成日鍾意買嘢，喺佢身上永遠都會見到最Hit嘅潮物，聽聞佢對助手或屋企人一樣疏爽！估唔到佢啲金銀珠寶衫褲鞋襪，就好似部戲咁仙女散花四處擺，真係財「散」人安樂！兩個月內被人偷走咁多嘢都唔知，證明栢芝嘅性格豪爽同不拘小節外，對呢個外傭都相當信任，先至咁冇防範，否則薯片都偷唔到一塊啦！如果個外傭唔係因為離職而要檢查行李，睇怕栢芝永遠都唔知畀人偷咗咁多嘢！當然，明知臨走時十居其九都會被人檢查行李，嗰位外傭都係笨賊一名！

話時話，其實栢芝都要負責任，警訊講到口都臭啦，財物勿亂放嘛！唔係以為自己住到大廈頂層就冇人會膽生毛爬咁高入屋爆竊嘛？所謂日防夜防，家賊難防，更何況係一個非親非故嘅外傭？經一事長一智，送官究治唔係完美嘅解決方法，栢芝都要改吓財物通屋擺嘅隨心兼大懵作風，以防小偷再現。栢芝大可鑽研近年勁Hit嘅「斷捨離」人生術，間屋整齊啲，錢又慳多啲，人又變靚啲，又可以成為一對囝囝嘅好榜樣，一舉多得！

減少無謂欲望

「斷捨離」係乜？就係提倡減少欲望同放下欲望，衫褲鞋襪金銀珠寶無需要太多，夠用就得，同時將執拾變為習慣，減少無謂嘅消費，唔好見靚嘢就買。入門就係由執屋開始，之後再升呢套用喺生活同人生上。好簡單，一件唔着擺到黃晒嘅衫，不如扔咗去唔使阻住晒，又或者啱用先買，唔好一時衝動為買而買；同樣，為一個唔值得或已經唔再愛你嘅人，再嘥時間去等或引對方注意，只會勞心勞力兼擾民，搞到自己冇時間花喺重要嘅人同事身上，為乜呢？放下，先令自己舒服自在。

好似早排王菲開騷惹來唔少批評，竟然引起栢芝粉絲同王菲粉絲喺網上開火互罵，其實栢芝同霆鋒各自展開新生活，你有你嘅生活，我繼續我嘅忙碌，你睇栢芝去到世界各地邊度都好，都成日被人影到同兩個仔食玩買，就知佢有幾咁忙碌啦！霆鋒同王菲就愛到天崩地裂，得閒拖吓手仔散吓步！大局已定，班粉絲係咪應該都要「斷捨離」呢？

十幾人集體「隊草」 場面震撼

「大麻應否合法化?」這個充滿爭議性的話題，近日再成為網上熱話。四個月前於Facebook成立大麻專頁的版主Jacky，努力爭取大合法化，他早前曾舉辦網聚及計劃與金怡假期合辦以大麻為主題的荷蘭旅行團，不過旅行團最終因人數不足而未能成行。

雖然搞大麻旅行團惹來爭議，同時亦遭到不同界別人士譴責，但Jacky的聚會就如期舉行。本月18號晚，十多名參加者於尖沙咀柯士甸路一上樓酒吧聚會，各人互不相識，亦有人是從未吸過大麻，「你努力尋找一定找到(大麻)。一定有些人想自己食少少，之後自己點下又不用錢，一定會碰到這些人。」一位參加者說。他還指，「如果你舉辦這些只飲酒就不用預我，你知我份人不轉彎抹角，我不會擔心，我不擔心。」

自我介紹環節後，卻變成抽麻大會。眾人走到在平台上，其中一位參加者在口袋中取出一根大麻煙，「大家試下，我今日帶唔夠，得一支。」一直不鼓吹吸大麻的Jacky卻是第一個試味，吸一口後他品評，「我可以話你知，你呢隻係差嘅。」之後，大麻煙一路傳開，而每個參加者輪流吞雲吐霧，又討論大麻煙的質素。

最後一位吸大麻煙的參加者深深吸了一口後，感覺都未夠喉，還自認，「係，我好貪口。」然後再吸一口，他馬上用雙手掩著嘴巴反吸那些大麻的煙，數秒後，他搖一搖頭，並說，「正!即刻醒晒!」

淺嚐後，大家又再次討論食大麻的好處，有人支持吸大麻，亦有人提出食大麻嘥錢又傷身，不過即惹來反擊，「當然唔會，你錯啦!飲酒食煙仲傷，仲嘥錢，食大麻一個月唔使過千。」

返回房間後，參加者繼續吃喝玩樂，不過顯然大麻藥力開始發作，有人在坐沙發上睡著，有人動作變得緩慢，亦有人說話不清晰，最後活動直至凌晨四點才結束。

對於有人在公眾地方吸食大麻，本刊曾向警方查詢，他們回覆指油尖旺區刑事部人員於一月十九日凌晨展開行動，到區內三間持牌場所到進行例行查牌，行動人無人被捕。

【毒L到出汁】娶到白俄羅斯女做老婆，晚晚回家做泥工！

剛過去的情人節，無論大明星或小市民都盡情於各社交平台投放甜蜜閃光彈，對對情侶或夫婦的合照都恩愛到爆，閃到單身人士那兩天都不敢上社交網以免被 「曬親」，但要數放閃之最， 最惹人葡萄的一對， 肯肯定是電視台採訪的一對，於情人節在尖沙咀文化中心註冊的新婚夫婦！事關這對新婚夫婦是異地情緣，丈夫有港男代表，而太太則是來自白俄羅斯金髮美女！



令網民勁葡萄的原因是因為新郎哥的外表平凡，加上一副粗框眼鏡，擁有被網民一致「裁定」的毒男特徵，卻能贏得外籍美女芳心兼且於情人節當日手牽手步入教堂，怎教一眾單身男子不羨慕兼葡萄呢？新郎哥的一句：「一生人就是等這一日」簡直閃爆全宇宙啦！



網民點睇：

「老老豆豆～佢個樣真係毒到出汁，但我仍然好向左走向右走佢葡萄佢。」

「一早都話咗前蘇聯國家d女靚，但d仔唔夠分架喇」





「靚咩？好過好多港女囉」

「葡萄酸素長期處於高水平，仍未有回落跡象」

「男個樣似足阿森一族個靚仔」

【最新消息】經理人公司再發聲明 華仔盆骨多處骨折 住院2個月兼停工9個月

上週二(17日)，劉德華喺泰國拍廣告時，不幸意外墮馬及遭馬踩傷，事後華仔乘醫療專機送返港，隨即入住養和醫院。華仔經理人公司日前發聲明，指華仔盆骨撕裂，噚日阿倫譚詠麟，喺探完華仔病時，就指華仔講嘢同笑都覺得好痛。至於華仔傷勢，阿倫就話華仔今日會親自交代。

華仔經理人公司「亨泰寰宇」今早再發聲明，交代華仔現時傷勢如下：劉德華先生於2017年1月17日，在泰國拍攝廣告工作時從馬背上墜落受傷，在泰國當地已經馬上送醫處理。1月18日由醫療專機運送回香港，經醫療團隊診查後 目前情況是盆骨多處骨折、筋腱肌肉拉傷。劉先生遵從醫師建議，需約6到8周左右的住院治療及6到9個月的復健及調養。謝謝社會各界人士、傳媒、歌影迷及所有關心的朋友們熱心的關懷及協助，公司代表劉德華先生，向大家致上最誠摯的謝意。未來如有進一步消息，公司會隨時告知各界，請大家不用憂心。 願大家一起祝福劉德華先生早日康復！

辣跑撼花槽剷上行人路 長髮女司機一額汗

粉嶺有辣跑剷上行人路。昨晚10時許，一名31歲姓黃女子駕駛一輛本田S2000跑車，沿百和路往上水方向行駛，至近嘉福邨球場對開，失控撞向路邊花槽，繼而剷上行人路，撼向球場外另一花槽壆邊，再反彈回行人路，跑車車頭指往反方向始停下。黃女受輕傷，跑車車頭泵把損毀，幸事發時行人路人流疏落，否則後果堪虞。

黃女嚇餐飽，在登上救護車接受檢查後並無大礙，隨後其數名友人駕駛多輛靚車到場了解，包括凌志、寶馬。現場消息指，黃女及後登上朋友汽車，由友人接走，警方仍跟進意外詳情。

【慎入】真人真事，真系唔好八掛睇人跳樓!!!

件事就系咁既!發生系屯門某一個屋村

3年前有一日我送完我女朋友返屋企

之後我就返自己屋企啦

返屋企途中見到屋企樓下好多人企繫到



我就八掛行埋去睇咩事啦

一望上去就見到有個女人坐左系20樓到

其中我聽到好多人系咁叫佢跳

心諗d人系咪有病.

過左5分鐘佢真系跳左落黎

佢跳左落去之後冇合埋眼,仲望左我一眼



個下我個心離一離..

之後我就即刻返屋企沖涼訓教

怪事就黎啦!!!!我發夢系番個個跳樓場鏡到重複左5次

第日起身照常返工冇野

到第2晚訓教又黎



又系同一個夢到..今次都系重複左5次

第日我起身個人好唔舒服..到夜晚發燒了



足足病左2個禮拜!!! 我唔敢肯定我病系唔系因為呢件事啦

純粹分享下..

(突發)高院判敗訴！梅媽：每月得20萬！點夠用？我要求一筆過收五千萬作生活費！

梅媽表示上訴失敗，會繼續上訴。(資料圖片)

已故女歌后梅艷芳的母親覃美金(梅媽)，不滿高等法院原訟庭於去年決定僅以分期付款方式每月向她支付約20萬港元生活費，提出上訴，要求改為一筆過向她發放約2555萬港元至5827萬港元生活費和醫療費。上訴庭今早開庭審理她的上訴，她向上訴庭表示：「十幾年嘅辛苦，今日應該有結果」，上訴庭押後書面判決。梅媽離開法院時表示，如果上訴失敗，她會繼續上訴。

截至去年8月，梅艷芳的遺產有7570萬港元。梅媽要求上訴庭下令遺產信託人一次過向她支付79個月(約6年半)至180個月(15年)的生活費，即1635萬港元至3726萬港元，以及一次過向她支付6年半至15年醫療費，即約920萬港元至2100萬港元。

原訟庭在去年8月判決時指出，梅媽已經93歲，有機會活到108歲，分期支付生活費，每個月給她約20萬港元，她已可以享有穩定的和舒適生活，現在向她發放一筆過的生活費，反而擔心她花光生活費後無錢過晚年，故決定分期發放。梅媽認為，原訟庭是對於將來可能出現的任何未可知情況作出虛無飄渺的臆測而作出該決定，因此要求上訴庭推翻該判決。

(大踢爆)拍廣告墜馬出事！華仔首度公開真正原因！

歐陽妙芝很擔心華仔情況。

現年55歲的藝人劉德華在泰國拍攝廣告時受傷，有指他拍策騎鏡頭時從馬背摔下來，傷勢嚴重。劉德華忠實粉絲名模歐陽妙芝被問到此事，問她是否好擔心？她表示消息一出時，她在街上未留意到消息，但已有好多朋友告知，她說：「啲朋友知佢喺我心目中排第一位，即時同我講，當聽到後，個心嚟一嚟，跟住喊咗出嚟，好緊張擔心，唔知發生咩事，又唔知喺咪好嚴重，好彩佢喺『華仔天地』好快留咗言報平安，叫大家唔好擔心，我希望佢快啲好番。（會否去探佢？）呢段時間等佢休息吓先，唔好騷擾佢住。」

【半年為夫花費千萬】體重暴脹至220磅 陳子聰昏迷入院

陳子聰上年8月因為腸胃問題入院，擔心死老婆何超儀，好彩一切大步欖過，o依家健健康康，兩公婆仲一齊去做運動。

查實子聰入行嗰時，有一副完美Body，6呎高加埋41吋胸肌，仲被叫做「港版木村」，聽個名都知佢有幾fit。直至03年結婚之後，超儀講笑咁話過，要儲肥老公，等佢唔好咁多狂風浪蝶。子聰初期婚後生活，身廣體胖未算有太大走樣，不過無耐體重暴脹至220磅，仲有埋三高同血管疾病，加上酗酒，健康響起警號，喺超儀嘅要求之下減肥，喺3個月減咗60磅。體重大起大落，身體始終適應唔到，上年8月有傳子聰在家中暈倒，更一度失憶，呢段時間超儀不停出入醫院，又叫咗屋企人同朋友探病，情況令人擔心。後來陳子聰由港安醫院轉去瑪麗醫院，接受切除部份腸臟手術後，慢慢康復。期間超儀衣不解帶照顧，甚至停工半年，夫妻經此難關，感情自是更加堅固。超儀同子聰夫妻感情更見親密，但超儀同好姊妹、當年結婚做伴娘嘅徐濠縈關係卻備受考驗。事緣徐濠縈於私人ig貼出一張與陳子聰夫婦合照，陳子聰暴瘦look因而流出，有傳令子聰雙親及超瓊不開心。儘管阿徐同超儀事後均澄清姊妹情不變，但據知兩人一直「互避」同場，超儀更忍不住稱徐濠縈有「分享症」，令姊妹關係裂縫更深。有傳超儀為咗老公，短短數月不惜花費逾千萬元，子聰出院後又以200萬元月租服務式住宅，等老公可以專心養病，仲日日孖住老公做運動，非常有決心。為保私隱，早前超儀又搬新竇，為求令老公不受騷擾。

【潛力圖】許廷鏗晒高潮眼 欣宜露肉腿

歌手鄭欣宜與許廷鏗（Alfred）在天台舉行以沙灘為主題的音樂會，胡鴻鈞及丁子高亦有到場支持。穿上白色透視袍的欣宜內裏是一件黑色泳衣，不經意地大晒肉腿！而Alfred卻穿T-Shirt加長褲來到，即被欣宜形容為「最fail的沙灘裝」！問到Alfred說好的短褲呢？他說：「我有帶短褲嚟嘅。（會換？）睇徇眾要求囉。」又笑言內裏穿了泳褲。問到是否怕露肉？他否認，並笑謂：「我唔着西裝已經好畀面㗎喇。」又指希望大家是留意他唱歌，而不是他的腳。而欣宜亦笑言會否脱掉面衫要視乎觀眾反應，Alfred即說：「你除嘅話我怕我會唱唔到喎。」欣宜說：「你有咩大場面未見過呀！」

「小廷鏗」夠大？

問到兩人可曾一起到沙灘？他們即指上次來視察場地時被傳媒拍到，欣宜更說：「我哋有嬉水嘅，之後我入錯咗男廁沖腳，我捽緊腳嘅時候就見到有DV影緊我。」欣宜又透露今次演出算是一個小熱身，因為她十月將在九展舉行首個賣飛騷。問到Alfred屆時可會穿泳褲支持好友欣宜？欣宜加把嘴說：「你可以着條泳褲喺出面。」Alfred即說：「超人咩，人哋有版權㗎。」欣宜就提議他穿黑色泳褲，因黑色可以顯瘦，Alfred聞言笑說：「我嗰度唔使瘦。」

許廷鏗高潮又落淚

雖然音樂會上兩人並未有換上短褲及除衫，但他們的演出充滿着笑與淚！許廷鏗更唱得非常肉緊，從後攬實欣宜，七情上面，露出高潮眼，非常投入！除了互窒外，二人又大晒溫情，當欣宜唱出《Children Song》時，Alfred突然感觸落淚，他解釋有時在娛樂圈會有孤單的時候，之後就哽咽唱出《十字架》。

欣宜爆喊

而欣宜唱《女神》時，Alfred提到欣宜兩年前曾有退出娛樂圈的念頭，他說：「好彩你冇放棄，先有今日嘅騷同呢首歌。」之後又叫全場觀眾一起唱歌曲的最後一段送給欣宜。另外他更送上自己畫作，令事前不知情的欣宜感動爆喊。去到個唱尾聲，林欣彤突然驚喜現身，三人更將近日網上瘋傳的洗腦歌《雞，全部都係雞》改為《豬，全部都係豬》，相當爆笑。

同陳凱琳幾時結婚？嘉穎：意外就好難講

藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時，問到他有份參演的5D音樂劇《風雲》是否已開始排練？他說：「每個都單獨綵排緊自己嘅部分，未合體，三月先，好似積木咁啫，我哋自己排晒，三月份就夾埋一齊總綵排，都仲有一個月時間。」又笑謂自己不像同劇的謝天華是「舞王」，自己跳舞是弱項，所以要加緊排練：「或者可以問天華少少，佢記舞真係好快，有幾隻舞，音樂劇冇理由企喺度，有啲就武打，希望到時畀到5D嘅感覺畀大家。（點5D？有汗味？）汗味就難少少，有火有水。」

讚女友整Cake有一手

問到綵排時可有受傷？嘉穎指暫時未有：「依家排舞啫，多啲時間排舞先。（會出sound track？）要問陳太（陳淑芬），我哋負責錄音嘅啫，依家錄緊歌，我有8首，大部分係合唱嘅。」問到女友陳凱琳屆時可會捧場？嘉穎說：「梗係會啦！我阿媽又會嚟。（女友嚟幾多場？）睇佢使唔使開工先啦，要開劇嘅嚟到一場已經算好，唔使開劇就可以嚟多少少。（煲湯畀你？）蛋糕多啲，湯就少啲，佢話佢會研究吓點煲好啲湯，我都對佢廚藝幾有信心，佢整蛋糕就幾拿手，大家遲啲有機會試吓。（整結婚蛋糕定禮餅？）禮餅呢啲邊會自己做啦。」問到今年可會成家立室？他笑說：「你唔係今日問我呢啲嘢呀？今日講《風雲》，真係無可奉告。暫時工作先啦，未有planning，不過意外就好難講，即係到時你咪知。（已求婚？）未，未有咁快。」

【逐年睇】容祖兒13年霸奪最優秀女歌手 網民：不如退落嚟

樂壇應該有其流動性，但香港娛樂圈，歌影視都面對青黃不接的問題，而港台十大中文金曲頒獎禮，同商台叱咤樂壇流行榜頒獎禮都反映咗香港樂壇新晉歌手缺乏向上流動嘅機會，叱咤樂壇男歌手大獎係張敬軒，女歌手大獎係容祖兒。

今晚港台十大中文金曲頒獎禮，最優秀流行男歌手係陳奕迅，女歌手係容祖兒。呢個獎喺2004年設立，至今13年，男歌手方面，除了首屆由李克勤奪得之外，其後連續12年都係陳奕迅囊中物，而容祖兒則是該獎設立以來，唯一一個得過嘅女歌手。之前祖兒在叱咤頒獎禮慶功上，講到入行18年、攞咗11次女歌手金獎，佢話：「都係一個記錄，對自己18年青春有交代。（下年可以唔使嚟？）去唔去慶功都冇得揸主意啦！」事後有網民戥祖兒不值，認為祖兒想退下來、唔使俾人話佢「霸住個位」，無奈身不由己，就連「去唔去慶功都冇得揸主意啦」，不自覺地流露咗其心聲。今晚祖兒仲誇張，連續13年捧走最優秀流行女歌手獎，加埋全晚共有四個獎，當時鏡頭影住台下歌手，各人臉上都係冇反應，包括鄭俊弘，只係機械性咁拍手掌……司儀仲講錯咗祖兒係第14次摘最優秀流行女歌手獎，其實係13次。

嬰幼兒每天最少用六至十片紙尿片，一天下來已把垃圾箱堆得滿滿。近年不同界別都講求低碳生活，環保布尿褲在歐美等地更是潮媽的選擇，因其垃圾量幾乎是零，且少接觸化學品，對寶寶健康更佳。 任職空姐的阿芝（Gisele）自兒子小毛（Marcus）滿月已開始使用環保尿褲，最初選用的美國品牌尿褲兩旁採啪鈕設計，尿布芯有四、五層夾棉，感覺較焗。其後在香港發現另一品牌，「尿布芯較薄，弄濕後會迅速吸至底層，貼着BB肌膚的表面較乾爽，整體也較輕，BB穿得舒服。」 節省金錢 Gisele笑言最初決定使用環保尿褲，只因其顏色及花紋吸引；其次才考慮到環保理由。「一般紙尿片普遍採用漂白及熒光劑，可能會影響幼童；加上紙尿片最終只能在堆填區分解，一條紙尿片最少需要150年，嚴重影響生態環境。」她建議新手媽媽可在寶寶出生第二個月開始使用，因滿月前媽媽較辛苦，剛出生時BB便便較稀，換片次數會很頻密。「試用時可先買半打，看看自己及BB是否適應；習慣後則可再多買半打，每天清洗的話，每個階段準備八至十條已夠。要是那天長時間不在家，可選擇即棄式片芯。」 Marcus現時每天約用七至八片片芯，Gisele會先沖洗、用刷刷一刷或搓洗一下再浸泡，然後一次過放入洗衣機清洗。「長遠來說較紙尿片便宜很多，最重要是自己用得開心，家人也支持。城市人太習慣使用即棄式物品，其實成年人內衣褲都是布料做的，也不會使用即棄產品吧！」

Whatsapp出事 Iphone電量急跌

唔知用開Iphone嘅你 最近有無出現　電量急跌嘅情況發生呢？　原來又係Iphone Whatsapp出事... 現代人出街除了要帶齊手機、銀包、鎖匙三寶之外，現在還多了一樣：俗稱尿袋的外置電池。手機電量總是不夠，除了電池容量不足、電池老化等問題之外，還有可能是app的設定出了問題。記者的iPhone 6s電量僅有約4小時使用時間，以為是電池問題拿去Apple Store換電，職員卻表示原來6s的電池問題，只會影響突然關機，電量消耗得快的兇手可能是WhatsApp的iCloud備份出現問題。 果然，打開設定，按入「設定>iCloud>iCloud Drive>使用行動數據」一欄，發覺系統預設了用行動數據幫不同app做備份。而更嚴重的是WhatsApp備份很易出問題，記者的備份總是到某個程度卡住了，數據可能消耗不多，但手機不停運作很耗電量。實際測試已換新電的iPhone 6s，沒關掉行動數據備份，兩小時用了25%電力。關閉了行動數據備份，兩小時只用了9%電力，差距甚大。如果iPhone左上角經常無故出現虛線圓形的載入圖案，不妨到設定看看是否使用了行動數據作備份。 除了iPhone，新MacBook Pro也因電量問題，成為首部被《美國消費者報告》（Consumer Report）列為不建議購買的MacBook。我們以網上串流影片作了一個簡單測試，在屏幕亮度和音量調至最大的情況下，大約播了5小時後耗盡電池。電量和官網所言足夠10小時上網有出入，但考慮到串流影片亦算高耗能，作一般文書處理應可使用6至7小時，不算長氣notebook，但也足夠應付日常需要。

你仲入行？認清未來將消失的 10 種職業

不要以為離自己很遠...

早幾十年，已經有工廠妹、打字員、電話接線員等職業消失。隨著科技急速發展，不同職業轉為電腦化，變化速度只會越來越快，你現在的工作可能到某一天已是夕陽行業。

以下盤點 10 種未來有機會瀕臨消失的職業，打算入行的人要留心...

撰文：肥比

1. 記者




記者被坊間稱為吃力不討好職業，工時長人工低，跑新聞要日曬雨淋，但大專院校仍增加相關學位。若果告訴你，也許有一天，90%的記者都會失業，你敢入行嗎？

互聯網的出現讓傳統媒體要急促轉型是不爭事實，就如近期 DBC (香港數碼廣播有限公司)把數碼聲音廣播牌照交還給政府，《忽然一週》亦要結束業務，老行尊一時未能轉型做多媒體隨即被裁，畢業生供應多但行業需求少，競爭大又難入行。

而美國的 NarrativeScience 公司，結合大數據和人工智慧，利用軟件內的演算法，瞬間能寫出上百萬篇報導，《福布斯》雜誌都已經成為他們的客戶，長遠而言記者的功能被削弱。


2. 銀行櫃員




隨著網上理財及電子錢包興起，人們對網上銀行或移動支付需求大增，現金使用率會愈來愈低。 未來 20 年，中小銀行如果不開發網上銀行，將難以生存，故銀行櫃員要小心，金融領域會徹底地進行互聯網革命，這是誰也阻擋不了的趨勢。


3. 司機




早年的自動化生產減少了工廠人手，無人駕駛汽車亦逐步減少司機的重要性，例如 Google 試驗無人駕駛汽車在矽谷高速公路上穿梭。

而其他汽車廠商如 Toyota(豐田) 和 Mercedes-Benz 也打算開發無人駕駛汽車。若汽車已不需要人來駕駛，司機這一職業會消失，隨之而消失的可能是駕車師傅。


4. 裝配汽車工人




全球最大代工企業富士康的 「機器人大軍」 計劃引起世界注目，一線工人短期內被取代是無可避免，生產人員將齊齊下崗，雖然機器人現階段只能進行簡單的操作，亦未普及，但相信未來裝配汽車的工作不需要人負責了。


5. 有線電視安裝人員

較早前，我們仍需要電視盒子將普通電視升級為智能電視機﹔現在只要有wi-fi，電視與手機、平版電腦、電腦已共通，按一個按鈕就可以在熒幕上免費觀看線上視頻內容。　　

沒有人想過電視台的結構會被打亂，故相關產業鏈上的人都要留心，有線電視安裝人員只是一個小小齒輪，該為自己作打算。


6. 加油站工作人員

加油這回事可能會消失，因為石油有耗盡的一日﹔香港政府又鼓勵環保車，新能源充電站也許會遍佈，Tesla 也開發電動車。不過，充電站也會實現自動化，不需要人來服務。而且，駕駛都開始實現無人化，當然也不需要人來負責加油充電。


7. 經紀人、中介人

中介人的職業正在隱退，資訊無限發達，上網打一個keyword已能找尋所需資料，中介人又不會比普通人知道更多，現在已越來越多人選擇在網上買保險、買股票；去旅行的話，上網可以篩選一系列酒店比價。


8、職業模特兒　




只要巧妙地用美術科技，識「美圖秀秀」一下自己，高矮肥瘦也不緊要，所有人都是俊男美女。要求模特兒幫手拍攝，不如自己練好高技術電腦操作，未來世界只講求呈現鏡頭的效果。

從這個意義上，漂亮的臉蛋與高挑的身材人人都可以擁有，降低了職業模特兒存在價值。


9、各種工業樣品、商品製造者

3D 打印技術將顛覆製造業！商品將不再通過製造和物流煩瑣環節送達用戶手中。只需選取自己想要購買的產品設計，3D 列印出來，一個程式就做到以前要一連串生產鍊的事。所以，樣品不再需要專人製造，打印出來就一目了然。


10、實體商店售貨員




中國國家主席習近平訪問俄羅斯時，提到未來5年，售賣貨品的實體商店將逐漸消失！取而代之是電子網購和直銷服務，淘寶的貨不消幾天就送到府上。現在零售市道疲弱，實體店東主也要考慮轉型，售貨員需求消失。