藝人鄭嘉穎擔任《第三十九屆十大中文金曲頒獎禮》的頒獎嘉賓。在後台受訪時，問到他有份參演的5D音樂劇《風雲》是否已開始排練？他說：「每個都單獨綵排緊自己嘅部分，未合體，三月先，好似積木咁啫，我哋自己排晒，三月份就夾埋一齊總綵排，都仲有一個月時間。」又笑謂自己不像同劇的謝天華是「舞王」，自己跳舞是弱項，所以要加緊排練：「或者可以問天華少少，佢記舞真係好快，有幾隻舞，音樂劇冇理由企喺度，有啲就武打，希望到時畀到5D嘅感覺畀大家。（點5D？有汗味？）汗味就難少少，有火有水。」
讚女友整Cake有一手
問到綵排時可有受傷？嘉穎指暫時未有：「依家排舞啫，多啲時間排舞先。（會出sound
track？）要問陳太（陳淑芬），我哋負責錄音嘅啫，依家錄緊歌，我有8首，大部分係合唱嘅。」問到女友陳凱琳屆時可會捧場？嘉穎說：「梗係會啦！我阿媽又會嚟。（女友嚟幾多場？）睇佢使唔使開工先啦，要開劇嘅嚟到一場已經算好，唔使開劇就可以嚟多少少。（煲湯畀你？）蛋糕多啲，湯就少啲，佢話佢會研究吓點煲好啲湯，我都對佢廚藝幾有信心，佢整蛋糕就幾拿手，大家遲啲有機會試吓。（整結婚蛋糕定禮餅？）禮餅呢啲邊會自己做啦。」問到今年可會成家立室？他笑說：「你唔係今日問我呢啲嘢呀？今日講《風雲》，真係無可奉告。暫時工作先啦，未有planning，不過意外就好難講，即係到時你咪知。（已求婚？）未，未有咁快。」
沒有留言:
張貼留言