2017年1月3日 星期二

新姣精 溝吳啟華姣阿叻搭上黃浩信 富貴黃心穎專埋人夫身

週日( 8日)黃心穎與媽咪在又一城濕平,冇男人在旁的她冇乜扮靚,戴住黑框眼鏡,全身黑媽媽幾乎冇人認得。


心穎 12年選港姐,話咁快就拍劇而且冇停手,上位咁快有傳係因為黃心穎姣掂高層,同時亦成被封為新一代姣精。
唔單只咁,身為富家女嘅黃心穎似乎有鋪好勝癮,專向人夫埋手,最新鮮係一齊拍緊《東坡家事》嘅王浩信,上一手就係合作《再戰明天》嘅吳啟華,仲有傳吳啟華離婚都係因為心穎 BB添;而早於心穎 BB選港姐時,已姣黐阿叻陳百祥搵着數,難怪佢撈得咁掂囉!
黃心穎最近成為新一代姣精,專嗒已婚男,最近就搭上咗王浩信,雖然緋聞見晒光,但黃心穎依然在微博上載了一張被王浩信抱起的劇照,更寫住「所有好的,不好的,都要好好記住這一天,不要被綑綁,要相信。」唔單只暗示被婚姻綑綁的王浩信,仲寫到明要「相信」,難怪傳到似層層。

相關圖片
王心穎一向鬼妹仔性格,豪爽又唔怕展現身材,電車仔冧死。
黃心穎 吳啟華的圖片搜尋結果
溝吳啟華
去年 10月拍攝《再戰明天》已傳黃心穎姣溝吳啟華,之後吳啟華同老婆宣布離婚。
姣阿叻
12年選港姐,黃心穎已好識做埋叻哥身,叻哥大讚心穎 BB可以力捧。

搭上王浩信
心穎 BB在微博上載被王浩信抱起照片,寫住「不要被綑綁,要相信。」宣戰味道極濃!
王浩信同黃心穎北上拍《東坡家事》一個月,遠離老婆的王浩信玩到心都喪埋,同心穎 BB等埋位時大跳低能舞。《壹週刊》圖片
挑戰高難度
據知,雖然在家中份屬細女的心穎 BB家住油塘過千萬單幢樓,出入揸超過 60萬的美國 Jeep牌越野車,老豆係中醫世家屬有米之人,但造成她好勝心強又愛挑戰高難度,對人夫情有獨鍾,又恃住自己鬼妹仔性格,平時講嘢鍾意挨身挨勢,一般雄性動物點頂得住?上年吳啟華同老婆石洋子宣布離婚,就有傳係黃心穎介入所致, 2人同樣是拍劇時撻着,雖然男女雙方都唔承認,但就傳到連同劇的徐子珊忍不住向吳啟華追問!
其實早在黃心穎選港姐時,已有傳佢成日黐實叻哥陳百祥,雖則叻哥乜人都見過,唔會俾呢個妹妹仔黐上身,但亦對心穎 BB好有好感,當時就曾經大讚黃心穎同朱千雪可以力捧,之後黃心穎咪主持過好多節目同拍劇,愈撈愈掂囉!

揸 60萬車
同媽咪行完街,心穎 BB駕駛值 60萬的美國 Jeep牌越野車回家。
住 1,200萬樓
黃心穎本身家底唔錯,家住油塘單幢豪宅,實用 800呎市值過千萬。《蘋果日報》圖片
3劇等出街
新劇《華麗轉身》製作大手筆,遠赴台北、宜蘭取景,心穎 BB有機會拍劉松仁、汪明荃等老戲骨,絕對學到嘢。網上圖片

《以和為貴》亦是重頭劇,有馬德鐘、徐子珊等,是節目巡禮劇集之一,黃心穎同屆三甲將會同劇演出。網上圖片
現正拍攝的《東坡家事》講歐陽震華飾演的蘇東坡與繼室萬綺雯的趣劇,黃心穎係第 3女主角。網上圖片
'12港姐黃心穎最襟撈
黃心穎 12年奪得港姐亞軍後可說是扶搖直上,尚有三套劇《華麗轉身》、《以和為貴》及《東坡家事》未播,相反同屆冠軍張名雅、季軍朱千雪和湯洛雯就冇咁好彩,朱千雪甚至面臨全面停工添!

病腫朱千雪
最近患上跟苟蕓慧同樣的甲狀腺功能減退症,導致眼腫、頸腫及經期失調,拍完手頭上的劇集後便要停工休養,至於康復後身形會否走樣仍不得而知。
拍拖湯洛雯
湯洛雯雖然攞咗 3個獎,但入行之後冇乜搞作,拍嚟拍去都係得《愛。回家》,又被指開工成日發夢唔投入,掛住同羅天宇拍拖,想紅都幾難。
潛水張名雅
雖然是港姐冠軍,但因造馬新聞嚴重影響人氣,工作也比黃心穎及朱千雪少得多,在《再戰明天》只係客串,之後《潮拜武當》和《以和為貴》都只能演閒角。

沒有留言:

張貼留言