《2016香港小姐》由6號馮盈盈（Crystal）以大熱姿態奪冠，甫出爐即被起底！原來外表斯斯文文嘅馮盈盈，發起嬲嚟都幾得人驚！馮盈盈被揭喺
2014年佔領示威期間，在社交網Facebook連環爆粗，當年佢share咗個post，有關一名女子與男子疑似有身體踫撞，而身為女性嘅
Crystal就非常睇唔過眼，打咗篇長文爆粗大鬧事件中男子，佢留言話：「以後我出街畀人非禮，有晒證人有晒片捉埋個疑犯都唔X使旨意告得佢入啦！」文
字間充滿粗口，睇得出佢真係好嬲！
「世界無人係完美」
被翻舊帳的馮盈盈，今日與其他得獎者出席記者會，對於爆粗一事，她
直認其事，表示當時是年少無知，如今「經一事長一智」，她說：「係受當時嘅氣氛所影響，但我平日唔講粗口嘅，不嬲都冇講。（影響港姐形象？）港姐形象係多
方面造成嘅，絕對唔係單方面嘅事，況且呢個世界無人係完美，我日後會多啲注意言行嘞，尋晚戴上后冠一剎那，已經覺得好重。」
沒有留言:
張貼留言