2016年9月15日 星期四

李逸朗爆性史 唐紫睿:私生活不值炫燿

藝人李逸朗(Don)為ViuTV節目《晚吹-啪啪聲,太好聽》擔任嘉賓,在節目中與主持大談性愛體位,Don一眾舊愛牽涉在內,當中曾傳緋聞,現已嫁作 人妻的葉翠翠亦在其中。雖然內容勁爆,但一班網民唔多Buy,直斥此舉對已為人妻的葉翠翠造成很大傷害,實屬不應該!《東網》就Don激烈言論致電葉翠 翠,她否認曾與Don拍拖:「佢唔係我舊愛,所以佢嘅生活唔關我事,人哋嘅嘢唔回應喇!」

懶理網民鬧爆

而Don就網民鬧 爆一事於電話表示:「過去嘅嘢都唔想講太多,我尊重每個人,幾十年前嘅嘢唔好講。(被網友鬧爆喎!)冇所謂啦! 呢個係綜藝節目,唔係講感情事,我冇喺入面提所有前度女友嘅嘢,覺得冇咁嘅必要。(會否打畀翠翠say sorry ?)唔會啦!我都冇提佢個名,同埋咁多年都冇聯絡啦!(佢唔認同你拍過拖,咁究竟有冇呢?) 唔記得喇!人哋都結咗婚囉!」


李逸朗喺ViuTV節目《晚吹-啪啪聲,太好聽》度大講性事,仲要扯埋「舊愛」葉翠翠落水;對此,曾擔任ViuTV節目嘉賓嘅唐紫睿就表示,未有收過《太 好聽》相關邀請,但若該節目邀她做嘉賓,亦要考慮清楚,唐紫睿說:「嗰方面好私人,唔係一件值得炫耀嘅事,所以上呢個節目要好好諗清楚。」

講到節目主持之一的鄧洢玲去到好盡,唐紫睿指應該是節目效果:「嘉賓可以唔上去,或選擇答唔答。依家有拍拖都唔會上,因要顧及男友感受,如果冇拍拖先可以爆盡啲!」 

沒有留言:

張貼留言