超貼身短裙向上縮 蔡思貝當街扯唔停

藝人蔡思貝日前踢住人字拖，攞住外賣加杯飲品冇嚟精神咁現身中環，話晒港姐兼上位花旦，呢一身打扮似乎有啲Hea，只見佢急急腳行入髮型屋，直到兩個鐘頭後，嘩！整完頭又化好妝，再換埋件單膊貼身裙，成個醒晒！難怪沿途不時有人眼望望，只可惜蔡思貝條裙太短，每行幾步就向上縮，搞到佢每行兩步就出手扯一扯低條裙，扯完前面再扯後面，最後就急急腳行去停車場攞車走人。