老婆有左？就係男人偷食嘅時候

 出軌同偷食，唔通真係一段關係入面無辦法避免嘅事？
最近就連體育界都避唔開呢個詛咒，話說林丹同謝杏芳呢對羽毛球界嘅一對壁人已經結婚4年，

最近就被爆林丹係謝杏芳懷胎9月等生嘅時候原來早已出軌，同一個叫做趙雅淇嘅火辣模特兒兼演員發生超友誼關係。






林丹尋日就偷食時件係微博向家人道歉，亦即係承認咗呢件事，「好男人」形象一夜崩壞。

真係估唔到原來一直睇起嚟咁甜密恩愛嘅一對竟然都會生變，令人覺得可惜。
回想原因，你估會唔會係因為老婆大肚，令到林丹忍唔住要出去搵野食？
現實生活中，確實有好多男人襯老婆大肚，出去偷食，究竟點解？

被迫禁慾
超級丹喎，話哂都係職業運動員，體能同精力一定都超級旺盛，要夾硬收埋一隻猛虎，叫人點忍得到。
至於一般男人，道理也一樣。

壓力大
老婆大肚，屋企無啦啦多咗個化骨龍，作為男人緊係大壓力。諗住嚟緊要養妻活兒，緊係想賺多啲錢。
為求保住份工，即使受氣都要啞忍。

懶於照顧老婆
大肚婆陀B嘅時候少不免會大脾氣，而且又好需要人貼身照顧。
可能陀B頭幾個月，男人仍會好有耐性，但日子久了，佢總會有種懶理老婆的態度，情願出去玩？

順產定開刀
陀住個B嘅老婆一定係最緊張嗰個，由未生到就生嘅時候都一定煩住老公點樣生同去邊生，頭都大埋，男人索性出去飲嘢Relax下，都唔想日日被你問同樣問題。

定力唔夠
老婆要休養，無辦法日日做跟得夫人，老公如放監，定力唔夠自然好容易畀人乘虛而入。