今日係鍾嘉欣回港後嘅第一個活動，會出席喺中環Emporio Armani 旗艦店Emporioi Armani Remix嘅慶祝酒會，除咗鍾嘉欣之外，阿Sa蔡卓妍都有出席，阿Sa仲話同嘉欣都幾熟，但都係今日先知嘉欣會出席呢個活動，仲話會問嘉欣攞BB相睇。
o依家嘉欣咁幸福，阿Sa就話唔會羨慕，因為每個人都會有唔同嘅階段，只係自己未去到嗰個階段，問到阿Sa會唔會有計劃，佢就話：「好難plan喎！(會唔會閃婚？)我會改邪歸正，其實上次結婚都好浪漫，因為結婚都係嗰一下，因為嗰下覺得對方好好，想同佢長久落去，好想同佢過生活，所以呢啲嘢好難計劃。」
講到阿Sa o依家同阿嬌好似好愁咁，佢就即時掃一掃頭髮話：「我一啲都唔愁，人生唔係得愛情，我o依家都幾好吖，最緊要有財富，仲可以再多啲，屋企又多咗隻狗。」
沒有留言:
張貼留言