陳子聰出院後決心做運動 何超儀：我o依家追唔到佢

何超儀今日一早就去到沙田，以一身運動裝扮出席《蘋果慈善基金 慈善行2016》，超儀喺訪問嘅時候，就講到老公陳子聰出院之後，有keep住做運動，仲會兩公婆一齊做，佢話：「我o依家追唔到佢，佢好乖，好有決心，仲fit過我，成日早起身過我做運動，有時想搵佢做運動，佢同我講已經做完。」

問到老公會唔會同埋爸爸賭王何鴻燊一齊做運動，超儀就話：「有時我都返去同佢做下吓，老人家有時唔願郁，我都要諗辦法o氹佢，等佢郁下。」嚟緊賭王25號生日，超儀就話未諗點慶祝 ：「應該都係食飯，冇乜特別。」