.: 【限量】Mugen Civic Type R (FN2)詳細資料大公開

2015年7月17日星期五

【限量】Mugen Civic Type R (FN2)詳細資料大公開

經三代發展的 Honda Civic Type R，可以話係飛仔車代表。不過近年呢架飛仔車唔再遊走旺角及油麻地，身價升高之餘，產地由東瀛轉到英國，早已轉型為中產不羈族的潮物，周末在蘭桂坊都可見其蹤影，水貨行照入 FN2 Mugen限量版，車價超過五十萬元，大有信心出到貨。

Civic Type R FN2 Mugen版全球只限量200部，繼早前 NSX專門店 Nevaeh返咗一部後，再有水貨行返多一部，香港地方細細都可見到兩部，可想而知 Type R Fans真係好捧場！無可否認車的外形及質素，確屬歷代之冠，斬尾的揭背車尾確保靈巧，全白色車身是 Type R的標誌色系！不過話明係 Mugen限量版，身上重裝才是重點，全車 Mugen重裝包圍，以車頭全黑頭鏟最搶眼，挑釁味大增；另一焦點是車尾，超大的排氣喉夠跑味，加上纖維尾擾流，氣勢十足。
記者：趙慧敏　攝影：陳盛臣　 Model： Hazel@GME Models

■享受 Type R駕駛樂趣，當然與棍波直接操控有關。

■車頭的鏟形頭唇是 Mugen限量版獨有。

■小型尾翼將車尾分成兩級玻璃。

■黑色側鏡是 Mugen之作。

■多功能按鍵軚盤，揸車都唔會分心。滿足視覺有機會與它遊走半天，雖然於飛仔唔係咁多的港島區活動，但同樣吸引非飛仔類的目光。由甫入車廂一刻，已充份體驗出跑味！鮮紅仿麖皮物料的桶形跑座，將整個人牢牢包着，充滿安全感，科幻味的儀錶板亦頗有超時代的感覺，視覺已極度滿足。

■換上十九吋合金輪圈，攻彎更爽。

大改 LSD系統

駕駛艙鋪排清晰，焦點只集中在金屬物料的波棍，不過由撻匙一刻開始，別期待隨之而來是咆哮的引擎聲，但絕對感覺到動力隨油門越踩越深而源源不盡的動力，加上車廠大刀闊斧改善 LSD防滑差速系統，令入彎時按路面情況，調校四輪轉速各有不同，達致限滑差速效果，令操控時更得心應手。