電話被偷失亡母遺照 20歲地盤雜工跪求歸還 大家幫下距喇！

sponsored 相片來源：Lee Tsz On Bruce facebook網民Lee Tsz On Bruce中午在facebook上載多張相片，指將軍澳金門地盤門外出現大字報，一名20歲地盤雜工在3幅白膠板上撰寫大字報，呼籲賊人歸還手機內其亡母僅存的照片等資料，上載者又引述現場消息指，該地盤工在午飯時間「真係跪咗喺度」，場面傷感。貼文至晚上已有1356個分享。sponsored 相片來源：Lee Tsz On Bruce facebook大字報內容感人，表示不會追究賊人，因明白對方窮困，直言：「我都好窮，係個雜工，今年20歲，未夠18歲就出嚟做地盤；資金有問題，可以付出努力汗水解決，我哋一樣冇錢，就先已努力去搵，大家可以，你都可以。」而指自己明白賊人缺錢的心情，他亦都問過人借錢：「你缺錢我都可以借畀你，大家都可以幫你，唔緊要嘎，但係電話的資料唔見咗，你就會害得我好慘。」sponsored 相片來源：Lee Tsz On Bruce facebook電話之所以重要，原來裡面有重要資料包括家人照片等，而最重要的是：「我阿媽過世了，唔好連幾張相唔留畀我留念。」他懇請賊人：「請不要害我永生沒法釋懷，不要讓這成為沒法醒的夢。問題總能解決，大家都可以幫你，大家都會原諒你，電話請畀返我，求你了。」