搭港鐵唔小心掂到港女條腰，俾人當色魔的左返差館

是咁的，小弟住荃灣，每日出入都係搭港鐵，有搭開既人都知道港鐵出名返工放工時間迫到hihi。 咁我早兩日搭港鐵，一入到車箱，已經企滿曬人，無位再入，我都係夾硬迫入去， 門口玻璃門神位度有條港女企左喺度，sorry，係挨左喺度先岩 （其實我都唔明，啲港女點解一上車就要搵野挨，又唔係7老80，好似無腰骨咁）， 我唯有企響佢隔離，隻手扶住佢塊玻璃隔離條柱，呢一刻條港女已經藐緊我。 我都唔明佢藐乜，你霸左塊玻璃，而家我得條柱揸下手都唔俾？ 塊玻璃又係你既，條柱又係你既，你贏曬好未? 你下次買多張八達通，book埋條柱呀笨！ 咁你有你挨，我有我捉住條柱，本來都相安無事既， 點知架港鐵chok一chok，我隻手就掂到條港女條腰，佢即刻怒bear我， 仲叫我睇＿住呀！我心諗掂下啫，唔洗咁大反應既， 如果唔掂得就搭的士囉，搭乜港鐵呀？！架車chok成咁，你肯定你無郁過？ 佢狂屌７我，我咪屌７返佢，嘈嘈下佢條PK搵職員話我博濛, 最後報警我俾人當色魔的左返差館 其實大家都企唔穩，大家都有責任，車長都有責任，港鐵仲係最大責任添，點解好似淨係我錯曬咁？（仲要俾人擺上facebook公審，放咗去荃灣個group） 其實港鐵載客量係104%，你知唔知咩係104%? 就係如果架港鐵只可以容納100個人，佢而家載緊104個人呀，果4個人企車頂呀? 你當呢度係印度呀? 將就下啦！香港人！