紅左一年都無偽毒坤「玩L猿 已經無Job 溝女使唔少錢」

紅左一年都無，偽毒坤人氣急跌，已經無Job做

平常人返工，工作壓力大；其實做歌手壓力一樣唔比平常人少，射光燈背後背負幾多壓力有咩人知？坤哥吳業坤上年一鳴驚人喺頒獎禮中橫掃多個大獎，一吐烏氣，成為網民及觀眾寵兒。事隔一年，臨近年尾，坤哥喺接受網上訪問時，激動流淚，情緒幾近失控，對今年頒獎禮嘅成績非常擔心，言談間似乎都知自己今年得罪唔少人。水能載舟亦能覆舟，網上世界嘅力量可以好快捧紅一個人，同時亦可以秒速摧殘一個人。坤哥喺2016年的確好努力，演唱會、出碟、宣傳等等，不過聲勢一定無上年咁勁，點解會咁呢？以下幾個答案有無一個啱你心意？

溝女緋聞
坤哥今年最多人講就係「偽毒溝女」，雜誌仲要數勻咁多個「緋聞女友」。雖知坤哥上年紅起前嘅形象係天真憨男，先至唱得起佢啲失戀歌；所以當大家發現佢原來咁有女人緣之時，就開始離棄佢。

冒起過快
上年橫掃一眾電台電視台頒獎禮之後，坤哥突然迅速冒起，隨即引來廣告商注意，以致一時間周街都見到坤哥；人紅自然有人妒忌，加上大家嘅視覺疲勞效應，反而無以前咁Buy佢。

大台原罪
坤哥未紅前一直被大台投閒置散，及後靠網民之力捧紅佢之後，大台就忽然器重佢，又幫佢開演唱會，又不斷搵場合畀佢登台唱歌，真係用到盡；不過大家都知好多人盲目反大台，大台愈捧嘅人，Hater就愈多。

競爭對手強
上年坤哥彈起，今年大家又有無留意陳柏宇好似走近去年坤哥嘅路，喺各大電台、雜誌、網上都瘋狂催谷，氣勢強勁，而且同樣係似「一向低調」為形象，睇嚟都係行「默默付出終於有回報」呢條路。