袁偉豪開聲約食飯 岑杏賢嗌順其自然

藝人袁偉豪（Ben）在萬千星輝頒獎禮中，奪得「最受歡迎電視男角色」獎，他在後台接受訪問時被問及在台上公開多謝前女友岑杏賢（Jennifer），Ben表示：「我都有多謝好多人，3年嘅感情入面佢支謝我好多，呢個獎佢都有份。」他還表示擇日約岑杏賢她出來食飯慶祝。

有Send訊息恭喜

東網聯絡上岑杏賢，她回應表示：「我有上去myTV SUPER睇番成個頒獎禮，其每次睇頒獎禮我都會好感動，睇到每一個人攞獎我都會眼濕濕嘅。至於佢（袁偉豪）話再約我食飯，我覺得順其自然啦，大家各有各忙，佢自己工作都好忙，咁我哋……順其自然啦。」問到前男友袁偉豪在台上公開多謝她，會否特別感動？她表示：「我有傳短訊恭喜佢，雖然我冇睇到直播，但朋友都有短訊我，update邊個拎咩獎。我都有send message恭喜佢（袁偉豪），身為佢其中一個朋友，佢攞獎我都好戥佢開心。」她還表示每個得獎嘉賓獲獎的時候多謝自己的屋企人，她都會覺得好感動。

袁偉豪話做自己先

其後，袁偉豪對於岑杏賢的回應，他再接受東網訪問時表示：「目前主要都想做好自己工作先，佢講得啱感情係需要順其自然嘅，嚟緊大家都有好多工作要面對，佢都有自己工作，呢段時間大家換另一個角色，喺身邊支持大家，大家都係好朋友，將來嘅事將來再算。」