【嚴重劇透】「幕後玩家」被插死！黃宗澤小三出手殺翠如

究竟係邊個先係「幕後玩家」!?以下係嚴重劇透，小心…小心… 《幕後玩家》今日大結局，黃宗澤演奸到出汁嘅Sheldon相當好戲，不過盛傳佢唔同大台續約， 未知有冇機會跑出同《致命復活》郭晉安同《城寨英雄》陳展鵬爭視帝，之但係「Sheldon」黃宗澤最終都係死喺女人手上! 今日有周刊爆，翠如BB喺套劇做二奶女爭身家，先同蕭正楠離婚，仲同黃宗澤聯手， 點知被翠如BB發現黃宗澤係害死親細佬「顧成曦」嘅人，喺二人結婚當日，翠如BB落毒，黃宗澤吐血而死， 最終翠如被蕭正楠打動，二人想去澳洲重新生活，點知演黃宗澤小三嘅Emma劉佩玥，雖然劇中講佢有個有錢未婚夫， 不過對黃宗澤仍念念不忘，知翠如BB害死黃宗澤，即搵對方報仇，喺蕭正楠同翠如BB見面前，用刀插死翠如BB。