【聖誕P我屌你老母】玩交換聖誕禮物，我抽到張七仔印花卷

聖誕節最L慘，莫過於參加一大班fd啦丶同事啦丶同學啦搞嘅「on99交換禮物」活動。 點解年年X'Mas都要搞呢類on99活動？！ 聽聞係因為想大家關係好啲最好帶夕D人黎，有一種喜氣洋洋嘅節日氣氛… 痴L線！根本呢個活動，係用嚟破壞大家之間嘅感情，更加將人性黑暗面表露無遺。 首先，公司為咗普天同慶，禮物價格會設定到好低，務心各位同事都交個心出嚟，為親愛嘅同事們準備一份聖誕禮物。 但說穿了，交換禮物就係用一件你屋企無用，但唔捨得丟嘅垃圾，想以小搏大，抽一份有用嘅禮物返屋企。點知，你只係會抽返同事們屋企無用，都唔捨得丟嘅垃圾返嚟… 而我今年，換到一份禮物，令我對人類嘅信任跌到零！！ 是咁的，我哋公司每年聖誕都會搞一次大抽獎，每個同事都必須準備一份禮物，活動嘅E-MAIL仲註明唔可以畀現金，因為同事之間，最緊要係有心意啊！ 不過，好多同事因為懶得諗，都選擇送百佳現金卷、STARBUCK現金卷、書局現金卷…總言之就係將現金變成一張現金卷，當係獎品咁送出去。 而其他禮物，不外乎都係水杯、文具、水杯、同埋水杯… 好啦，當大家高高興興咁食完飯之後，就舉行抽獎環節，ＭＣ問各位同事：「又到一年一度嘅抽獎環節，大家係咪好緊張呢？」 而所有同事嘅反應，就好似喺茶樓搭枱咁，各自各傾計，完全無理到個ＭＣ。 公司嘅抽獎方式既方便又快捷，就係每個人輪流出去抽一張號碼，再拎對應號碼嘅禮物，然後返埋位。大家連少少興奮嘅心情都無，排住隊出去拎完禮物，又繼續傾計。 好啦～我拎完號碼牌，抽到一份用利是封裝住嘅禮物。心諗都算好啦，有現金卷，好過抽隻水杯返屋企嘅。點知我一打開，入面裝住嘅唔係現金卷，而係一張貼咗印花嘅七仔印花卷！ 哈哈哈，係啊，我抽到張貼咗七個印花嘅七仔換領卷啊！ 即係話，就算我想去七仔換個杯返屋企，都仲要自己補多廿八蚊… 本來我對七仔嘅陶瓷杯無乜興趣，但若果想換就要補錢，咁究竟抽到呢份禮物，我係賺咗定蝕咗呢？ 我真係睇唔透，更加唔識形容呢一刻嘅心情…