(突發)扮有錢！扮大代！網絡公審的士司機惡行！林師傑(木偶哥)：死的士狗！唔識揸就唔好出黎獻世！

日前，榮升人母嘅李蘊，搭的士時鬧爆司機濫收行李費。點知過兩日，輪到木偶哥林師傑「歷史重現」，話自己又遇上唔起錶兼超速駕駛嘅的士司機。 林師傑同女友歐陽巧瑩。 林師傑仲嬲到影埋司機嘅的士證出嚟，佢喺微博留言：「你自己唔記得起錶，Call上台問車費幾多，的士台覆你120蚊，你話要收130蚊，跟住開大冷氣，踩油超速駕駛，落車仲叫我做人要有良心，畀說話我聽⋯我唔投訴你就真係良心過意唔去。」 隔咗一陣，女友歐陽巧瑩亦喺Instagram出聲力撐男友，打咗成篇「論文」再加同司機對話嘅Q&A解釋事發經過，大致係的士司機掛住講嘢，唔記得起錶，最後問番歐陽巧瑩俾開幾多，咁爭拗就嚟啦，一個話Apps計係俾$104.5，一個話問個台要收$130(但歐陽巧瑩話明明聽到個台收$120)，歐陽就堅持話只俾$120，咁谷住度氣嘅司機大佬，就開行冷氣兼踩油…… 司機臨尾收錢嗰陣，就講句「小姐，做人要有良心囉」，嬲到歐陽巧瑩話：「我頂你個肺，我嬲到黐線，我冇賴皮仲肯俾錢，你都要偷笑。我大可以報警話你唔按錶收費，話你超速危險駕駛，我冇咁做到，因為大家都係搵啖飯食姐無謂咁樣作對！我落車，你攞尾彩！？我唔投訴你我唔姓歐陽！」 事後歐陽巧瑩就好有效率咁，上網查詢投訴熱線，仲問網民遇到冇起錶司機，應該點處理？ 至於男友林師傑，就同步將呢位司機嘅的士證，冇遮冇掩咁，貼咗上網，方便大家公審呢位司機！而佢事後回覆傳媒話對事件冇回應。