袁偉豪（Ben）、李佳芯及黃芷晴等平安夜出席活動，穿著綠色絲絨西裝的袁偉豪，談到舊愛岑杏賢題問時頻頻抹汗又除煲呔，未知是否緊張還是現場太熱。提到今年度過Lonely Christmas，Ben笑言估到記者會問到，但聖誕節會跟家人度過，然後返到深圳拍網劇《使徒行者2》，又直言有傳訊息祝岑杏賢聖誕快樂。
對於舊愛岑杏賢指曾給他多次機會，Ben說：「我無野講，再回應好煩，沒完沒了無意思，大家明白做返好朋友。（放棄再追求？）never say never，依家無咁去向。（不談感情？）諗下都無壞，喺空間幻想無乜所謂，感情野要合眼緣。（可有被家人話損失女友？）呢啲無得話，老人家有佢嘅諗法。」問到是否有心目中女生出現而有幻想，他表示沒有，現忙於想拍網劇及揀傢俬，因已搬離舊愛巢，不過跟岑杏賢仍住同一屋苑。問到是否為方便照顧對方？他說：「只是近返工，但有咩事可以照應，我爭啲連牀褥都無得瞓，訂都訂唔切，好急需處理私人野又要工作。」
沒有留言:
張貼留言