【冇人可以超越喺我前面！】BMW M135i vs Honda Civic Type R

寶馬（BMW）M135i同本田（Honda）Civic Type R起步鬥快，邊個會贏？ 撐本田嘅，自然對Civic Type R有無限信心，話晒都有副310匹（306英匹，bhp）Turbo偈，贏係理所當然；撐寶馬嗰邊，可能會話：「唉！我有325匹（321英匹，bhp），贏你嗰陣，你唔好話我多你15匹呀，你而家後悔投降都仲嚟得切㗎！就算我得310匹，甚至300匹都贏你啦，Dee Dee！」 輕輕望吓兩部車個specs，Type R都輕唔少，只有1378kg，M135i有成1430kg，輕係有甜頭嘅，不過，鬥靜止加速又唔能夠淨係睇你有幾輕磅，始終大家係兩驅車，起跑嗰吓有幾grip，會spin幾多都好關鍵，仲有鬆極力子鬆得好唔好呢，一、二、三波同尾牙嘅傳動比率都好有關鍵……使唔使計埋司機肥定瘦呀！ 英國汽車雜誌《EVO》拎咗Civic Type R同M135i三門掀背版對揪，結果梗係留返你自己睇。