否認同伍允龍拍拖 劉佩玥「城寨都做完甘耐啦，你真信我地拍拖？傻仔」

藝人劉佩玥（Moon）昨日出席「第85屆香港結婚節暨聖誕婚紗展」 活動，首次穿上婚紗擔任模特兒行騷的她谷胸上陣，大晒事業線，並稱結婚是每位女仔的情意結，又希望日後結婚可跟大家分享喜悅。 劉佩玥與伍允龍於劇集《城寨英雄》演活一對苦命鴛鴦，有情人最終不能成眷屬。 兩人為拍攝此劇日對夜對，對足3個月，緋聞亦隨之傳得熱烘烘，每次結伴出來宣傳他們更毫不避忌，於人前打情罵俏 問到何時才有喜訊分享？她說：「有排啦，我如果搵到男朋友會首先同大家講，我唔係會閃婚嘅人，我鍾意慢慢了解、細水長流，真係啱先結。 （目標係幾歲結？）以前係25歲，但我依家27啦，希望35歲前啦。」 至於會否秘婚，她表示會將婚事低調處理： 「如果秘密到連屋企人都唔知就唔得，屋企人會知，開心嘢唔介意分享。」 Moon續自爆剛才行騷時幻想着彭于晏來讓自己笑容更甜美，問到為何不幻想伍允龍？ 她說：「彭于晏好好，又有型，佢係少女男神，我算係青春少艾，未去到中女，可以幻想吓。（一刻都冇諗過伍允龍？）一刻都冇，朋友嚟o架嘛。」 她又稱對大家十分支持他們感到開心，大讚伍允龍是好男仔，但感情事還是隨緣。 劉佩玥（Moon）與伍允龍（Philip）人前人後卻表現得猶如情侶，Moon私下會喚Philip「Uncle Philip」，Philip就叫Moon做「阿悶」， 他們亦不介意直認經常單獨相約食飯，確實親暱得難免令旁人誤會。