【甩拖灰爆】疑遭麥秋成狠撇 蔡思貝：希望你諗吓我感受

現年25歲無綫花旦蔡思貝（Sisley），同排舞師麥秋成低調拍拖咗幾年，期間女方緋聞多到一隻手都數唔晒，今年8月仲俾人半夜影到走上周志文屋企過夜！ 日前，麥秋成喺Ig po咗段英文字句話：「Never let somebody waste your time, twice.」(唔好再俾人浪費你的時間)！」(新聞連結：http://bit.ly/2h9bIJ6 )，似狠撇蔡思貝！ 事後，問到係咪同麥秋成分手，蔡思貝就冇正面回覆，只係話：「我一向不多提感情事，希望大家將焦點放喺我嘅工作上。」 雖然蔡思貝話專注喺工作上，不過今日凌晨佢就喺微博以英語留言：「我希望有一日你可以諗吓我嘅感受！」附加一張托腮沉思相。睇嚟蔡思貝o依家心情同幅相一樣，灰灰哋！