2016年12月21日 星期三

麥記點嗌先最抵?千其唔好買 「九件麥樂雞」,最好甘樣配搭

麥當勞快餐店一向不乏捧場客,但有網民發現買餐時如何配套大有學問,一不留神隨時墮入價格陷阱,當中九件麥樂雞餐最無着數,而六件麥樂雞餐加單買豬柳蛋漢堡就最抵。另外,原來同一種套餐或包類,在不同麥記分店竟有四種不同價格,識得揀有着數! 九件麥樂雞套餐被網民質疑不化算,以旺角朗豪坊分店為例,六件麥樂雞套餐售價21元,但九件套餐卻售33.5元,而兩個麥樂雞餐同樣配中薯條及中汽水,換言之,買九件餐等如花12.5元買多三件麥樂雞。 同一套餐四種收費 另一款被質疑不抵吃的是豬柳蛋漢堡餐,因為單買豬柳蛋漢堡只需9元,但套餐卻要29.5元,即是付20.5元只為多飲一杯中汽水及食多一包中薯條。網民計算後發現,購買21元六件麥樂雞餐,再加9元單買豬柳蛋漢堡,總共30元,即花5毫子便可享用豬柳蛋漢堡餐加送六件麥樂雞。 記者格價時又發現,即使不計算機場、山頂、馬場及海洋公園一類特殊分店,現時同一種麥當勞食品在不同分店售價也有不同。舉例說,脆香雞翼餐或板燒雞腿包餐,在中環國貿中心及皇后大道中余道生行分店賣得最貴,要34.5元;在旺角西洋菜南街及朗豪坊分店則賣33.5元,但若顧客行多5分鐘路程,在亞皆老街分店買同一款套餐只需31.8元;假如巿民去偏遠一點分店如坑口或長洲,價錢更可低至30.8元,套餐高低價格差距達12%。 對於一種食品在不同分店有不同價格,以及九件麥樂雞餐售價被指偏高,麥當勞發言人回應指公司不時推出各種優惠以提供超值美食,例如現時有三款僅售21元的超值套餐,並已透過不同途徑讓顧客得悉食品價格。但麥當勞承認,由於不同分店的營運因素包括租金大有不同,故部份食品在不同分店的售價會有些微差別,但麥當勞認為這種價格差別反而對顧客有利,因若一旦實行統一價格,部份顧客在租金較平的分店買食品時可能仍要付較高的價錢。不過,不少食客認為若因租金高低令不同分店有不同價格,其實並不公平,希望麥當勞考慮調整價格時採用更合理準則。 是咁的... 有無試過同事放Tea,買咗一個「九件麥樂雞餐」。 有無試過排喺前面嘅婆婆同個收銀講:「一個『九件麥樂雞餐』。」... 有無試過,你嗌「麥樂雞餐」,收銀問返你「六件定九件」? 呢篇文,將會係前所未有咁深奧。 呢篇文將會探索到係我個人太「計到盡」?定老麥太懶?抑或大家已 經接受咗呢種定價上嘅荒謬。 我記得當日,個同事買完個「九件麥樂雞餐」返黎,個個都「狗衝」 咁去食薯條,得我一個好似梁朝偉咁嘅樣。梁朝偉係咩樣? 抑鬱囉。 點解呀? 因為「六件麥樂雞餐」係21蚊,「九件麥樂雞餐」係32蚊再加3 毫。 而「六件麥樂雞餐」同「九件麥樂雞餐」最大嘅分別就係「三件麥樂 雞」。 GreatDaily GreatDaily 即係我為咗「三件麥樂雞」比多咗11蚊... 嗯..咁「六件麥樂雞」單售又幾錢?係$15.5。平均一舊麥樂 雞唔超過3蚊... 認真我唔明...我唔明咗好耐..我最唔明嘅係身邊無咩人有呢個 concern。 可能11蚊的確唔足以打動佢地。 但就足以令我想打X個位同事,因為我有份夾錢... 而面對排喺前面嘅婆婆,睇住佢嗌『九件麥樂雞餐』嘅一刻,我不動 聲色。事後我直情有罪疚感。 就好似睇住佢比「猜猜我是誰」電話欺詐,而我視若無睹一樣。 婆婆如果知道我上面嘅推論,佢正路係唔會叫『九件麥樂雞餐』的。 佢會寧願叫 「六件麥樂雞餐」加一個「9蚊包」。 最後,當收銀會問我「六件定九件」嘅時候,我簡直覺得佢係挑戰梗 我嘅底線,佢心裡面一定係好期待我答「九件」,之後心中恥笑我。 再將呢件事作茶餘飯後嘅「吹水題材」。 你可能會覺得「六件麥樂雞餐」同「九件麥樂雞餐」呢個Case唔 夠Support。 OK Fine!我講埋「豬柳蛋漢堡餐」事件。嘩!呢個仲經典。個餐就 $29.5..而個包就單售9蚊... 豬柳蛋漢堡,人稱「豬柳強」,由佢單售9蚊個日起,我就無再嗌過 「豬柳強嘅餐」。記得有一次好友阿強同我一齊食麥記。 佢霸位,咁就我去買嘢食啦,好Fair。我問佢食咩,佢話「豬柳 強嘅餐」呀。 我聽完,面色一沉,無應佢就走咗去收銀到嗌餐。 喺排隊嘅時候,我諗起阿強仲話呢排手緊,所以先要食麥記。個一刻 ,我終於明白點解佢會手緊... 買完餐後我好平靜咁返埋位,同阿強講:「我買咗魚柳包餐(21蚊 )加一個豬柳強(9蚊)。」 阿強扯曬火:「喂!我要豬柳強餐呀!」 我示意叫佢冷靜,之後將「魚柳包餐」入面嘅魚柳包拎走,放返個豬 柳強落去。 阿強睇到我成個大魔術師咁,不禁拍手叫好!因為一個「豬柳強餐」 已經出現係阿強面前。而我自己就食個魚柳包算數。 事後阿強問個餐幾錢,我話:「豬柳強餐廿九個半」佢就比咗$29 .5我.. 個一餐我只付出咗5毫子,做咗5毛... 可能有人話啲「特價」係有呢種現象,咁我覺得你咪連「九件餐」都 一樣有Special offer囉..又可能取消「豬柳強餐」。 篇文其實就唔係要責怪任何事,我覺得21蚊餐同9蚊包都係好嘢黎 嘅! 我只係執著一間咁大嘅公司之中,定價上係咪唔應該有咁大嘅邏輯問 題呢?

沒有留言:

張貼留言