Type-R青沙公路撞壆散晒 「噴火龍」拋出車

Type-R青沙公路炒車，撼壆反彈連越四條行車線，噴火龍公仔飛出車。荔枝角青沙公路駛往尖山隧道方向，凌晨2時許，27歲姓黃男子駕駛其本田思域Type-R辣車，沿上址駛至近蝴蝶谷交匯處對開一個右彎，疑掟彎甩尾失控，猛撼左邊石壆，反彈回路中，繼而橫越4條行線，衝前約30米，直指快線近石壆位置始停下。跑車車頭及右邊車身嚴重損毀，安全氣袋彈出，泵把飛脫，右前轆變形，右尾轆爆胎，車頭冒煙，司機及時逃出車廂，頭、胸口及手部受傷，由救護車送院治理。 消防接報到場戒備，確定無引致火警亦無人被困，收隊離場。意外發生後，地上留下約10米長胎痕及散滿雜物，其中包括跑車組件，以及由車廂跌出的一隻寵物小精靈噴火龍公仔，警方仍跟進意外原因。