中女薛凱琪標尾會大減價 與富二代時鐘酒店爆房兩粒鐘

薛凱琪(Fiona)戀情最廣為人知係與房祖名嘅4年情， 之後緋聞男友包括方大同及威尼斯人賭場高層Reggie Martin， 都以「閨蜜」、「兄弟」等相稱，唔肯承認戀情，Fiona出道以嚟，呢兩個緋聞男友就最為人知…… 原來35歲Fiona已經有個富二代男友兼馬主鄧浩基(Byron)，上年被影到同Byron去酒店見面兩粒鐘，完事後二人面露疲態卻又春風滿面地離開，再食宵夜補充體力。 今日有周刊爆佢哋已拍拖3年，上月初，Fiona被爆當晚9點半左右，同男友Byron去睇電影《七月與安生》， Fiona為咗唔想俾人認到，就戴口罩、帽同眼鏡現身，單拖入咗戲院先，男友就喺開場前5分鐘先入場，佢哋仲揀咗後排嚟坐，睇完戲後，Fiona都好有戒心， 散場同男友分開行，等行到冇咩人嘅地方，先一路行一路傾，之後佢哋就上車喺港島遊車河半粒鐘先送Fiona返屋企，而助手已喺住宅樓下等Fiona， 報道仲話Byron一見Fiona嘅助手都有熱情打招呼，估計Byron早已融入Fiona嘅圈子。 據報道講二人戀情咁低調係因為Fiona唔想公開戀情，所以男友都好配合，不過男友喺2013年5月就喺facebook打上「In a relationship」， 2014年又貼咗一張企喺露台，背後係聖彼得堡嘅相，咁啱Fiona又喺差唔多時間貼出一張同一背景嘅相，Fiona就話係同媽咪去旅行噃!唔通嗰次係三人行， 據知Byron追Fiona都追咗幾耐，有時去旅行，男友都會主動問「未來外母」，即係Fiona媽咪會唔會同行，而Fiona都好珍惜呢段感情。 Fiona接受訪問就回覆：「呢單新聞覺得好搞笑，哈哈!」