麥記搞創意，推出「驚喜謎之包」選擇困難症福音

有無試過，日日諗食咩，諗到頭都爆，選擇困難症發作？

Ｙｏ唔使怕，選擇困難症福音，麥記搞創意，推出「驚喜謎之包」

咩係「驚喜謎之包」？為左方便一Ｄ唔知食咩好嘅朋友仔，只要去麥記叫一個「驚喜謎之包」，就搞掂

隨時獲得一個平時叫都叫唔到嘅「特別包」！例如，魚柳豬柳包啦，沙律牛肉包啦，　一定有驚喜！

有無諗過，陪伴窮X打工仔成長嘅豬柳蛋漢堡，如果有一日無豬柳咁會點？

近日有網友貼出一份早餐，正正就係無豬柳嘅「豬柳蛋」典範，仲反諷話呢位老麥員工值得加人工，最好頒埋個最佳服務獎畀佢。

關於老麥員工扮工製包事件，原來仲有下文﹗就係無豬柳亦無蛋，要乜無乜，反而多咗嚿魚柳，變成good taste魚柳包﹗

有打工仔感慨話呢個包皮配搭極其dry，有人就贈一句，根本老麥「幫你upgrade咗」，話唔定呢個包皮嘅新包，會因為呢次試食而大賣添。

不過睇番打工仔分享，唔係次次老麥員工大頭蝦都畀到驚喜你，有人試過晨早流流個包得夾蛋，又有人試過魚柳Bell夾酸瓜，食「Fusion老麥」大部份都失望而回，返到公司，梗係謝晒皮啦。