「執柒左佢啦」十間「得個名」，根本唔好食，但俾港豬吹捧上天既餐廳。

1)金華冰室(終於要結業) 又大排長龍，入到去Ｄ野又唔係特別好食， 唔係難食既不過真係勁平凡，位又迫 招牌菜：菠蘿油 個包以前系真波，軟熟。 而家系假波，好硬。 聽聞之前整得出色既麵包師傅已退休。 ------------------------------------------------- 非會員才能看廣告~ 2）北角雞蛋仔 招牌菜：雞蛋殼 我只去過北角分店， 佢每次都凈系俾左餅雞蛋仔殼我， 個餡得四分之一個窿滿， 蛋香亦欠奉。 我中意入面飽滿煙韌多d！ 而家真系無乜邊檔雞蛋仔系好食， 本身幫襯開尖咀豐記， 雖然水準不穩，但較合我口味。 ------------------------------------------------ 3）添好運點心 招牌菜：雪山叉燒包 非會員才能看廣告~ 開分店後， 點心已唔系即叫即整， 水準也大不如前。 好多時碟包只系微暖， 而且焗得唔夠香，味道亦偏咸。 其他點心水準亦只算系好過稻香少少。 ------------------------------------------- 4)維記 招牌菜：豬潤面、咖央西多 個人覺得西多ok, 用煎既方法去整， 唔會炸到起曬油焦， 感覺上食落唔會油膩同熱氣。 但咖央椰味唔夠清新。 非會員才能看廣告~ 潤面較遜色， 豬潤咬落無「起沙」。 ------------------------------------------ 5）清真牛肉館（九龍城） 招牌菜系：牛肉餅 汁太咸，食唔到有牛味。 -------------------------------- 非會員才能看廣告~ 6)華嫂冰室(元朗) 招牌菜：蕃茄蛋菠蘿油、蕃茄豬扒面 神級地雷！ 即使位於有市區人懷疑會見到牛既元朗坑頭村， 那管openeyes網寫住位於「坑尾公廁對面」, 仍能吸引大家遠道而來， 而且日日爆場， 客人要等一個鍾先可入座。 呢個地雷咁勁， 全因有多位食家參與製造。 包括蔡瀾、余文樂、鄧達志。 加上各大傳媒及打手推波坐瀾， 想唔紅都難！ 蕃茄蛋菠蘿油太多料， 好「漏」。 酸+甜+咸混埋一齊， 味道怪怪地，唔夾。 另外蕃茄面個湯太「傑」， 酸過龍。 --------------------------------------------- 7）民聲冰室（大坑） 招牌菜：巨峰肉餅 巨峰已由郭書瑤變為陳自瑤， size漸漸變小。 肉打得鬆化過龍， 成「pat」泥咁 重味精，偏咸，無鮮味。 -------------------------------------------- 8）鼎泰豐 招牌菜：蟹粉小龍包 包皮唔夠薄，有點兒粉粉的， 略咸，蟹粉味唔太夠。 肉亦無鮮味。 其實唔難食， 但因為佢系米芝蓮一星， 呢個水準實在與名聲不相符。 9）李家(尖咀） 招牌菜：韓式炸雞 聽聞佢咁紅系同個套「來自西窿的你」有關。 炸雞無雞味，唔滑， 干爭爭，無肉汁。 人均消費要成200蚊 我寧願食phd炸雞好過。 -------------------------------------------- 10）嘉樂冰室（荃灣） 招牌菜：巨型奄列 大而無當， 無論系滑溜同蛋香方面都好平庸， 價錢又唔系平，要成40蚊。 食咁多蛋落肚， 到尾段會好「漏」 好似同欣宜玩泥漿摔角