【江湖風暴 血債血償】盲亨外出被圍開拖 途人「當時係講緊佢個女單野」

【江湖風暴 血債血償】昨晚零晨，女兒剛剛離世的盲亨，同幾名兄弟外出食飯被圍，餐廳開拖做成一場腥風血雨。 有圍觀的途人表示當時好混亂「當時係講緊佢個女單野，講講下有一班人好大聲走埋黎」 綽號「車神」嘅水房猛人盲亨，向來都係江湖惹火人物，事非多多。 本月十一日車神盲亨愛女詠嵐與男友離奇墜海，男友獲救，不過詠嵐則救唔返浮屍碧海，事件令人不禁懷疑與江湖風暴有關。 昨晚零晨，盲亨又遇到麻煩事，佢同幾名兄弟外出食飯，俾一班勝和古惑仔圍做成混亂。 消息人士話，盲亨好鍾意去深水埗桂林街一間小菜館食飯，而且恃住自己有江湖地位，一向食完都唔會找數。 昨晚，盲亨又拉隊去該小菜館開餐。不過，間舖頭近日轉咗老闆，而老闆一名朋友，係和勝和叫阿榮嘅大老輩人物。 據悉，盲亨同幾名兄弟講緊佢個女單野。食完野盲亨亦照舊拍拍屁股走人，有人拉大隊喺小菜館撒溪錢。 勝和大佬阿榮知悉事件，即時扯火。而當晚盲亨同朋友去左桂林街一間糖水舖食糖水，勝和大佬阿榮知道後，即時「吹雞」， 唔使十分鐘，十幾個勝和古惑仔，殺氣騰騰湧到糖水舖門口，大大聲咁話：「盲亨食嘢唔俾錢呀」、「盲亨，食咗人千幾蚊，找埋數先好走呀。」 去過糖水舖查問，但職員顯得十分避忌，唔想談論事件，又叫向夜班職員查問。 消息人士講，盲亨最終都冇找數。有人預計，呢次食霸王餐事件，隨時引致兩個黑幫大火拚。 盲亨經常喺深水埗出現，而且不時與勝和猛人四眼柱，在桂林街一帶坐埋「吹水」。 不過，呢兩位江湖大佬，早幾年就因爲懷疑曬馬講數，一同被警方拘捕。 11年11月，盲亨幼子疑為爭女問題得罪和勝和人馬，被人「吹雞」圍毆受傷。 「盲亨」代子出頭掀起江湖風波，相約「四眼柱」喺深水埗桂林街講數，近30人當街「曬馬」，驚動西九龍總區反黑組到場及時制止，拘捕29人，包括盲亨兩父子。