手後首碰面 小方Stephy今日為慈善焗住同場

方力申同鄧麗欣（Stephy）喺3月發表分手宣言，兩人嘅十年情玩完！話晒都拍咗十年拖，分手後出席活動少不免會問及舊愛，而佢哋不時喺活動隔空對話，Stephy仲話想同對小方做番朋友，不過小方就未搵佢。

時至今日，佢哋私底下有冇對話已經唔緊要，因為今日一對舊情人將會喺分手後第一次碰頭，為慈善去到銅鑼灣出席「揹水一戰」啟動禮，由於兩人為活動擔任榮譽顧問，喺避無可避情況之下焗住同場，不過，據知大會安排兩人各自受訪，喺台下亦唔會安排影合照，以免尷尬。兩人將會前後腳現身活動，先到嘅Stephy會獨自受訪，然後以工作為由完成儀式即撇，而後到嘅小方同樣以工作為理由，為遲現身做解釋，兩人只會喺接受感謝狀儀式才同台，其餘時間就有你冇我！不過話晒都係分手後同場，到時係點......真係拭目以待！